ବାବା ବୈକୁଣ୍ଠ ନାଥ ବ୍ରହ୍ମଚାରୀଙ୍କ ୧୧୩ତମ ଜୟନ୍ତୀ
#ଚୌଦ୍ୱାର(ଏନ୍.ଏମ୍.): ଚୌଦ୍ୱାର ଓଟିଏମ କଲୋନୀସ୍ଥିତ ବାବା ବୈକୁଣ୍ଠ ନାଥ ବ୍ରହ୍ମଚାରୀଙ୍କ ଆଶ୍ରମରେ ବାବାଙ୍କ ୧୧୩ତମ ଜୟନ୍ତୀ ପାଳିତ ହୋଇଯାଇଛି । ଏହି ଅବସରରେ ବାବାଙ୍କ ପ୍ରାର୍ଥନା ମନ୍ଦିରରେ ଶ୍ରଦ୍ଧାଳୁମାନେ ୧୧୩ଟି ପ୍ରଦୀପକୁ ଓଁକାର ସ୍ଥିତିରେ ରଖି ପ୍ରଜ୍ୱଳନ କରିବା ସହ ବାବାଙ୍କ ଆଶିଷ କାମନା କରିଥିଲେ । ଶ୍ରଦ୍ଧାଳୁମାନେ ବାବାଙ୍କ ରଚିତ ସଂଗୀତ ଗାନ କରିବା ସହ ସଂକୀର୍ତ୍ତନ କରି ବାବାଙ୍କ ଜୟନ୍ତୀ ପାଳନ କରିଥିଲେ । ଏହି କାର୍ଯ୍ୟକ୍ରମରେ କଟକ ଜିଲ୍ଲା ତଥା ରାଜ୍ୟର ବିଭିନ୍ନ ପ୍ରାନ୍ତରୁ ଶତାଧିକ ଶ୍ରଦ୍ଧାଳୁଙ୍କ ସମାଗମ ହୋଇଥିଲା ।