ଅବକାରୀ ବିଭାଗର ଚଢ଼ାଉ ଦେଶୀ ମଦ ଜବତ, ୩ ଗିରଫ
ଚୌଦ୍ୱାର (ଏନ୍ଏମ୍): ଚୌଦ୍ୱାର ଥାନା ଅଞ୍ଚଳରେ କଟକ ଅବକାରୀ ମୋବାଇଲ ୟୁନିଟ ପକ୍ଷରୁ ବୁଧବାର ତିନୋଟି ସ୍ଥାନରେ ଚଢ଼ାଉ କରାଯାଇ ବିପୁଳ ପରିମାଣର ଦେଶୀ ମଦ ଜବତ କରାଯାଇଛି। ଏଥିରେ ୩ ଜଣ ଅଭିଯୁକ୍ତଙ୍କୁ ଗିରଫ କରାଯାଇଛି।ସୂଚନା ଅନୁଯାୟୀ, ଚାରିଘରିଆ ନର୍ସିଂକଲେଜ ନିକଟରୁ ରାହୁଲ କୁମାର ମଲ୍ଲିକ (୧୯) ଓଟିଏମ୍ କଲୋନୀ ଅଞ୍ଚଳରୁ ଆଶିଷ ମଲ୍ଲିକ (୨୭)ଏବଂ ମୁଣ୍ଡମାଳ ବଜାରରୁ ସମୀର ମଲ୍ଲିକ (୨୩) ଗିରଫ କରାଯାଇଛି। ସେମାନଙ୍କ ନିକଟରୁ ମୋଟ ୩ ଶହ ଲିଟରରୁ ଉର୍ଦ୍ଧ୍ୱ ମଦ ଜବତ ହୋଇଛି ଯାହାର ଆନୁମାନିକ ମୂଲ୍ୟ ୨ ଲକ୍ଷ ୯୬ ହଜାର ଟଙ୍କା ହେବ ବୋଲି ଅବକାରୀ ଵିଭାଗ ପକ୍ଷରୁ ସୂଚନା ମିଳିଛି। ସମସ୍ତ ଅଭିଯୁକ୍ତ ଆଠଗଡ଼ କରିକୋଲ ଅଞ୍ଚଳର ହୋଇଥିବା ବେଳେ ଜବତ ସାମଗ୍ରୀ ମଧ୍ୟରେ ଗୋଟିଏ ସ୍କୁଟି, ଗୋଟିଏ ବାଇକ ଓ ୩ଟି ମୋବାଇଲ ରହିଛି। ଏହି ଚଢ଼ାଉରେ ଅଧିକାରି ଭକ୍ତବତ୍ସଳ ବର୍ମାଙ୍କ ନେତୃତ୍ୱରେ ଏସଆଇ ନିରୁପମା ସାହୁ, ଏଏସଆଇ ହରିହର ନାୟକ, ଦେବବ୍ରତ ଓଝା, ଅଜୟ କୁମାର ଜେନା ପ୍ରିୟତମ ରଥ, ଶଙ୍କର ସିଂ, ଲକ୍ଷ୍ମଣ ବେହେରା ପ୍ରମୁଖ ସାମିଲ ଥିଲେ।