ଶ୍ରୀଶ୍ରୀ ଲକ୍ଷ୍ମୀନୃସିଂହ ମହାପ୍ରଭୁଙ୍କ ଜନ୍ମତ୍ସୋବରେ ବିଶ୍ୱକଲ୍ୟାଣ ମହାଯଜ୍ଞ

#ସାଲେପୁର(ଏନ୍‌.ଏମ୍‌.): ସାଲେପୁର ବ୍ଲକ ଅନ୍ତର୍ଗତ ତରିତୋ ଗ୍ରାମର ଶ୍ରୀଶ୍ରୀ ଲକ୍ଷ୍ମୀନୃସିଂହ ମହାପ୍ରଭୁଙ୍କ ଜନ୍ମତ୍ସୋବ ପାଳିତ ହୋଇଯାଇଛି । ଏହି ପରିପ୍ରେକ୍ଷୀରେ ବିଶ୍ୱକଲ୍ୟାଣ ମହାଯଜ୍ଞ ଅନୁଷ୍ଠିତ ହୋଇଥିଲା । ସଂସାରରୁ କାମ, କ୍ରୋଧ, ଲୋଭ ମୋହ ଆଦି ଷଡରିପୁକୁ ଦୂର କରିବା ସହ ସାତ୍ତ୍ୱିକ ତଥା ନିରୋଗ କାମନା କରାଯିବା ସହ ବିଶ୍ୱର କଲ୍ୟାଣ ନିମନ୍ତେ ତ୍ରି ଦିବସୀୟ ଘୃତଯଜ୍ଞ, ନାମ ଯଜ୍ଞ ଓ ଅନ୍ନ ଯଜ୍ଞ ଆଦି ଆୟୋଜନ କରାଯାଇଥିଲା । ଏହି କାର୍ଯ୍ୟକ୍ରମରେ ସ୍ଥାନୀୟ ପଣ୍ଡିତ ରଶ୍ମିରଞ୍ଜନ ପଣ୍ଡାଙ୍କ ସହ ପଟ୍ଟାମୁଣ୍ଡାଇରୁ ପଣ୍ଡିତମାନଙ୍କ ଦ୍ୱାରା ଯଜ୍ଞାଦି କର୍ମକାଣ୍ଡ ନିର୍ବାହ ହୋଇଥିଲା । ଏହି ଯଜ୍ଞାନୁଷ୍ଠାନରେ କର୍ତ୍ତା-କର୍ତ୍ତୀ ଭାବେ ଦିଲ୍ଲୀପ କୁମାର ପଣ୍ଡା ଓ ତାଙ୍କ ପତ୍ନୀ କାର୍ଯ୍ୟ ସମ୍ପାଦନ କରିଥିଲେ । ଶ୍ରୀ ଜୀଉଙ୍କ ବଡ଼ପଣ୍ଡା ବିରଞ୍ଚିନାରାୟଣ ପଣ୍ଡା, ଶରତ କୁମାର ପଣ୍ଡା, ବୈକୁଣ୍ଠନାଥ ପଣ୍ଡା, ପ୍ରକାଶ କୁମାର ପଣ୍ଡାଙ୍କ ସମେତ ଅଞ୍ଚଳର ଯୁବଗୋଷ୍ଠୀ ଓ ବୁଦ୍ଧିଜୀବୀ କାର୍ଯ୍ୟକ୍ରମ ପରିଚାଳନାରେ ସହଯୋଗ କରିଥିଲେ ।