ପ୍ରେରଣା ପକ୍ଷରୁ ଆମ ଗାଁ ତଅପୋଇ ଉତ୍ସବ
#କଟକ(ଏନ୍.ଏମ୍.): ସ୍ଥାନୀୟ ଚାଉଳିଆଗଞ୍ଜ ଅଞ୍ଚଳରେ ସାମାଜିକ ଅନୁଷ୍ଠାନ ପ୍ରେରଣା ପକ୍ଷରୁ ‘ଆମ ଗାଁ ତଅପୋଇ’ର ଚତୁର୍ଥ ବାର୍ଷିକ ଉତ୍ସବ ଅନୁଷ୍ଠିତ ହୋଇଯାଇଛି । ଏହି କାର୍ଯ୍ୟକ୍ରମରେ ମୁଖ୍ୟଅତିଥି ଭାବେ ପୂର୍ବତନ ବିଧାୟକ ପ୍ରଭାତରଞ୍ଜନ ବିଶ୍ୱାଳ ଯୋଗଦେଇ ଏହି କାର୍ଯ୍ୟକ୍ରମ ଜରିଆରେ ଯୁବତୀମାନଙ୍କ ଲୁକାୟିତ ପ୍ରତିଭାକୁ ଲୋକଲୋଚନୁ ଆଣି ପାରୁଛି ବୋଲି କହିବା ସହ ଅନୁଷ୍ଠାନର କର୍ମକର୍ତ୍ତାଙ୍କୁ ଭୂୟସୀ ପ୍ରଶଂସା କରିଥିଲେ । ସମ୍ମାନିତ ଅତିଥି ଭାବେ ସିଏମସି ୪୨ନମ୍ବର ୱାର୍ଡ଼ ପୂର୍ବତନ କର୍ପୋରେଟର ଚିରଞ୍ଜୟ ସାହୁ ଯୋଗଦେଇଥିଲେ । ଏହି ପ୍ରତିଯୋଗିତାରେ ଅନୁଷ୍ଠାନର ଅନୁଶୟା ବାରିକ ଓ ଉଜ୍ଜ୍ୱୟିନୀ ସାହୁ, ଚଳଚ୍ଚିତ୍ର ନିର୍ଦ୍ଦେଶକ ମହେଶ ହାଜରା, ପ୍ରଯୋଜକ ସତ୍ୟଜିତ ବାଗ ପ୍ରମୁଖ ବିଚାରକ ଭାବେ ଯୋଗଦେଇ ପ୍ରତିଭାର ମୂଲ୍ୟାୟନ କରିଥିଲେ । ପ୍ରେରଣା ସଂଗଠନ ସଭାପତି ଇଶ୍ୱର ସାହୁ, ସମ୍ପାଦକ ପ୍ରକାଶ କୁମାର ସାହୁ, ସହ ସମ୍ପାଦକ ଜଗନ୍ନାଥ ମଲ୍ଲିକ, ସମାଜସେବୀ ବିପ୍ଲବ ନନ୍ଦ, ଉପଦେଷ୍ଟ ଦେବେନ୍ଦ୍ର ସାହୁ, ଅଜୟ ମହାନ୍ତି ପ୍ରମୁଖ ସହଯୋଗ କରିଥିଲେ । କୈଳାଶ ଚନ୍ଦ୍ର ଦାସ କାର୍ଯ୍ୟକ୍ରମ ପରିଚାଳନା କରିଥିବାବେଳେ ଆୟୋଜିତ ପ୍ରତିଯୋଗିତାରେ ଚାଉଳିଆଗଞ୍ଜ ତଳଘର ସାହି ପ୍ରଥମ, କହ୍ନେଇପୁର ଦ୍ୱିତୀୟ ଓ ମାଛୁଆ ବଜାର ତୃତୀୟ ସ୍ଥାନ ଅଧିକାର କରିଥିଲା ।