ପ୍ରତିକୂଳ ପାଗ ପାଇଁ ପାଇକମାନଙ୍କର ଜନଗର୍ଜନ ଆନ୍ଦୋଳନ ସାମୟିକ ସ୍ଥଗିତ
#ଖୋର୍ଦ୍ଧା (ଏନ୍.ଏମ୍.): ଆସନ୍ତା ୧୮ ତାରିଖରେ ବରୁଣେଇ ଠାରେ ହେବାକୁ ଥିବା ପାଇକ ଜନଗର୍ଜନ ଆନ୍ଦୋଳନ ପ୍ରତିକୂଳ ପାଗ ଯୋଗୁଁ ସାମୟିକ ଭାବେ ସୁଗିତ ରଖାଗଲା । ପ୍ରକାଶ ଥାଉକି, ଗତ ୧୩ ତାରିଖରେ ଓଡ଼ିଶା ରାଜ୍ୟ ପାଇକ ଆଖଡ଼ା ମହାସଂଘ ତରଫରୁ ଏକ ସାମ୍ବାଦିକ ସମ୍ମିଳନୀ କରାଯାଇ ଖୋରଧାରେ ପାଇକ ସ୍ମାରକୀ ପ୍ରତିଷ୍ଠା, ଖୋରଧା ଗଡ଼ର ପୂନଃରୁଦ୍ଧାର, ପାଇକ ରେଜିମେଟ ଗଠନ ଓ ପାଇକ ବିଦ୍ରୋହକୁ ଭାରତ ସ୍ୱାଧୀନତାର ପ୍ରଥମ ଆନ୍ଦୋଳନ ପ୍ରତିବାଦରେ ଏକ ଜନଗର୍ଜନ ସଭା ଆସନ୍ତା ୧୮ ତାରିଖରେ ହେବ ବୋଲି ଜଣାଇ ଦିଆଯାଇଥିଲା । କିନ୍ତୁ ଏହି ୧୮ ତାରିଖ ଠାରୁ ଓଡ଼ିଶାରେ ଆଉ ଏକ ଲଘୁଚାପ ବର୍ଷା ସୃଷ୍ଟି ହେବ ବୋଲି ବାରମ୍ବାର ବିଭିନ୍ନ ଗଣମାଧ୍ୟମ ଦ୍ୱାରା ପ୍ରସାରିତ ହେଉଛି । ଏଭଳି ପ୍ରତିକୂଳ ପାଗ ପାଇଁ ଉକ୍ତ କାର୍ଯ୍ୟକ୍ରମକୁ ସାମୟିକ ଭାବେ ସ୍ଥଗିତ ରଖାଗଲା ବୋଲି ମହାସଂଘର ସଭାପତି ଡ଼.ପ୍ରକାଶ ଶ୍ରୀଚନ୍ଦନ, ସାଧାରଣ ସମ୍ପାଦକ ଡ଼. ଦିଲ୍ଲୀପ ଶ୍ରୀଚନ୍ଦନ ଓ ମୁଖ୍ୟ ସଂଯୋଜକ ଆଇନଜିବୀ ନରେନ୍ଦ୍ର ପୃଷ୍ଟି ଏକ ପ୍ରେସ ବିବୃତିରେ ଜଣାଇଛନ୍ତି ।