ଟିକେଟ ଯାଞ୍ଚ କରୁଥିବାବେଳେ ଧରା ପଡ଼ି ନକଲି ଟିଟିଇ ଗିରଫ
କୋରାପୁଟ (ଏନ୍.ଏମ୍.): ରୋଜଗାର ପାଇବା ପାଇ ନକଲି ଟିଟିଇ( ଟ୍ରାଭଲିଂ ଟିକେଟ ଏଗ୍ଜାମିନର) କାର୍ଯ୍ୟ କରୁଥିବା ଜଣେ ବେକାର ଯୁବକକୁ ଗିରଫ କରିଛି ରେଳବାଇ ପୁଲିସ । ସୂଚନା ଅନୁଯାୟୀ କୋରାପୁଟ ଅଞ୍ଚଳରେ ଛତିଶଗଡ଼ କୋୟାପାଲି ଗ୍ରାମର ବୁଦୁରୀ ନାଗ ନାମକ ଜଣେ ଯୁବକ ନିୟମିତ ଟିକେଟ ଯାଞ୍ଚ କରୁଥିବାବେଳେ ଆଜି ଆରପିଏଫ ହାତରେ ଧରା ପଡ଼ିଥିଲା । ତେବେ ରେଳବାଇ ପୁଲିସର ଘନଘନ ଜେରା ବେଳେ ସେ ଏଭଳି ବେଆଇନ କାର୍ଯ୍ୟ କରୁଥିବା ସ୍ୱୀକାର କରିଛି । ବୁଦୁରୀ ପ୍ରଥମେ ବିଶାଖାପାଟଣାରେ ସେ ଏକ କାଠ ଡିପୋରେ କାମ କରୁଥିଲା । ପରବର୍ତ୍ତୀ ସମୟରେ ଲୋକଙ୍କୁ ଠକିବା ଭଳି ପେଶାକୁ ଆପଣାଇ ନେଇଥିଲା । ସେ ନିୟମିତ ନକଲି ଟିଟି ବେଶରେ ଲୋକାଲ୍ ଟ୍ରେନରେ ଚଢ଼ୁଥିଲା । ଆଉ ଯାତ୍ରୀଙ୍କ ଟିକଟ ଯାଞ୍ଚ କରୁଥିଲା । ଯାହା ପାଖରେ ଟିକଟ ନଥିଲା, ତାଙ୍କୁ ମୋଟା ଅଙ୍କର ଜୋରିମାନା ମଧ୍ୟ ଆଦାୟ କରୁଥିଲା । ଅଭିଯୋଗ ଅନୁସାରେ ବୁଦୁରୀ କୋରାପୁଟ୍-ବିଶାଖାପାଟଣା ପାସେଞ୍ଜର ଟ୍ରେନରେ ଚଢ଼ିଥିଲା । ଯାତ୍ରୀମାନଙ୍କ ଠାରୁ ଟିକଟ ଯାଞ୍ଚ କରିବା ସହ ଟିକେଟ ନଥିବା ଲୋକଙ୍କ ଠାରୁ ଟଙ୍କା ଆଦାୟ କରି କରି ରାଉଳି ଷ୍ଟେସନ୍ ପର୍ଯ୍ୟନ୍ତ ଯାଇଥିଲା । ସେଠାରେ ସେ ଟ୍ରେନରୁ ଓହ୍ଲାଇଥିଲା । ସେ ପୁଣି ଥରେ ରାଉଳି ଷ୍ଟେସନରୁ ବିଶାଖାପାଟଣା-କୋରାପୁଟ୍ ପାସେଞ୍ଜରରେ ଚଢ଼ି ଯାତ୍ରୀଙ୍କ ଠାରୁ ଟିକେଟ ଯାଞ୍ଚ ଆରମ୍ଭ କରିଦେଇଥିଲା । ତେବେ