ବିଶ୍ୱାସରରେ ବିଷ: ଟ୍ରକ ନେଇ ଡ୍ରାଇଭର ଫେରାର, ଭକୁଆ ହେଲେ ଟ୍ରକମାଲିକ

#ଗୁରୁଡ଼ିଝାଟିଆ(ଏନ୍‍.ଏମ୍‍.): ବିଶ୍ୱାସରେ ବିଷ ଦେଇଛି ଡ୍ରାଇଭର । ଟ୍ରକକୁ ନେଇ ଡ୍ରାଇଭର ଫେରାର ହୋଇଯାଇଥିବା ମାଲିକ ଥାନାରେ ଅଭିଯୋଗ କରିଛନ୍ତି । ଏଭଳି ଘଟଣା ଚୌଦ୍ୱାର ଥାନା ଅନ୍ତର୍ଗତ ସୀମିଲିହାଣ୍ଡ ଗ୍ରାମରେ ଦେଖିବାକୁ ମିଳିଛି । ଉକ୍ତ ଗ୍ରାମର ଆନନ୍ଦ ଚନ୍ଦ୍ର ବେହେରା ଟ୍ରକରେ ପରିବହନ ବ୍ୟବସାୟ କରିଥାନ୍ତି । ନିଜେ ଟ୍ରକ ଟିଏ କିଣି ପରିବହନ କାର୍ଯ୍ୟରେ ତାହାକୁ ଲଗାଇ ରୋଜଗାର କରନ୍ତି । କିନ୍ତୁ ଡ୍ରାଇଭର ଟ୍ରକ ନେଇ ଭଡ଼ା କରିବାକୁ ଯାଇଥିବାବେଳେ ଟ୍ରକ ସହ ଡ୍ରାଇଭରର ପତା ମିଳୁନାହିଁ । ଖୋଜଖବର ନେବାରେ ଟ୍ରକକୁ ଡ୍ରାଇଭର ନେଇ ଫେରାର ହୋଇଯାଇଥିବା ଶ୍ରୀ ବେହେରା ଜାଣିବାକୁ ପାଇଲେ । ତେବେ ସେ ଏ ନେଇ ଡ୍ରାଇଭର ନାମରେ ସ୍ଥାନୀୟ ଗୁରୁଡ଼ିଝାଟିଆ ଥାନାରେ ଏତଲା କରିଛନ୍ତି । ତେବେ ପୁଲିସ ତାଙ୍କ ଏତଲାକୁ ଗ୍ରହଣ କରିବା ସହ କେସ ନମ୍ବର ୭୬/୪.୬.୨୩ ରୁଜ୍ଜୁ କରି ତଦନ୍ତ ଆରମ୍ଭ କରିଛି ।
ସୂଚନା ଯୋଗ୍ୟ ଯେ, ଶ୍ରୀ ବେହେରାଙ୍କ ଓଡ଼ି ୦୫ ଏଭି ୨୬୨୨ ନମ୍ବର ବିଶିଷ୍ଟ ଏକ ୧୨ ଚକିଆ ଟ୍ରକକୁ କଟକ ଜିଲ୍ଲା ମାହାଙ୍ଗା ଥାନା ଅନ୍ତର୍ଗତ ଚଷାଖଣ୍ଡ ଗ୍ରାମର ଆଶିଷ ରଞ୍ଜନ ନାୟକ ନାମକ ଜଣେ ଯୁବକ ୨ମାସ ହେବ ଡ୍ରାଇଭର ଭାବେ କାମ କରି ମାଲ ନବା ଆଣିବା କରୁଥିଲେ । ତେବେ ଗତ ୨୮/୫/୨୩ ରିଖ ଡୁବୁରିରୁ ଆଙ୍ଗଡ ବୋଝେଇ କରି ଆଠଗଡ଼ କପୁରିସିଂ ସ୍ଥିତ କର୍ମା କମ୍ପାନୀରେ ୨୯/୫/୨୩ ରିଖରେ ଉକ୍ତ ମାଲକୁ ଖାଲି କରି ନିଜ ମୋବାଇଲ୍ ଯୋଗେ ମାଲିକକୁ ଜଣାଇ ଦେଲେ । ତା’ପରେ ମାଲିକ ଶ୍ରୀ ବେହେରା ଏହାପରେ ଗାଡ଼ି କୁଆଡେ ଯିବ ବୋଲି ପଚାରିବାକୁ ଫୋନ ଯୋଗେ ଯୋଗାଯୋଗ କରିବାରୁ ଡ୍ରାଇଭର ମୋବାଇଲ୍ ବନ୍ଦ ରହିଥିବା ଜାଣିବାକୁ ପାଇଲେ । ଏପରିକି ବାରମ୍ବାର ଫୋନ କରିବା ପରେ ସ୍ୱିଚ ଅଫ ଥିବାରୁ ସେ ଗାଡ଼ି ଓ ଡ୍ରାଇଭରକୁ ଖୋଜିଥିଲେ । ଅନେକସ୍ଥାନରେ ବୁଝାବୁଝି କରିବା ପରେ ତାଙ୍କ ଗାଡ଼ିକୁ ଡ୍ରାଇଭର ହିଁ ଚୋରି କରି ଫେରାର ହୋଇଯାଇଥିବା ଆଶଙ୍କା କରିଥିଲେ । ଏହାପରେ ସ୍ଥାନୀୟ ଗୁରୁଡ଼ିଝାଟିଆ ଥାନାରେ ଲିଖିତ ଅଭିଯୋଗ କରିଥିଲେ । ତେବେ ଶ୍ରୀ ବେହେରା ଡ୍ରାଇଭରକୁ ଗାଡ଼ିରେ ତେଲ ପକାଇବା ପାଇଁ ୩୦ହଜାର ଟଙ୍କା, ବାଟ ଖର୍ଚ୍ଚ ବହନ ପାଇଁ ୧୦ହଜାର ଟଙ୍କା, ଦେଇଥିବାବେଳେ ଗାଡ଼ିର ୧୦ଟି ଚାଲାଣକୁ ମଧ୍ୟ ନେଇ ପଳାଇଥିବା ଶ୍ରୀ ବେହେରା ଅଭିଯୋଗ କରିଛନ୍ତି । ତେବେ କଥା ସେତିକିରେ ସରି ନାହିଁ । ବହୁ ଖୋଳତାଡ଼ କରିବା ପରେ ସେ ଜାଣିବାକୁ ପାଇଲେ ଯେ, ସେ ଯାହାକୁ ଡ୍ରାଇଭର ରଖିଥିଲେ ତା ନାମ ଆଶିଷ ରଞ୍ଜନ ନାୟକ ନୁହେଁ ତାର ପ୍ରକୃତ ପରିଚୟ ସ୍ମୃତି ରଂଜନ ସାମଲ ଏବଂ ଘର କଟକ ଜିଲ୍ଲା ସାଲେପୁର ଥାନା ଅନ୍ତର୍ଗତ ଓଡସିଙ୍ଗା ଗ୍ରାମରେ ଫଳରେ ଶ୍ରୀ ବେହେରା ଏଭଳି ସୂଚନା ପାଇବା ପରେ ତାଙ୍କ ମୁଣ୍ଡ ଚକ୍କର କାଟି ଯାଇଥିଲା । ସେ ଗୁରୁଡ଼ି ଝାଟିଆ ଥାନାରେ ଅଭିଯୋଗ କରିବା ସହ ଅଧିକ ଖୋଜ ଖବର କରିବା ପରେ ଜଣାଇବାକୁ ପାଇଲେ ଯେ ଉକ୍ତ ଟଙ୍କା ଗୁଡ଼ିକ ଏସବିଆଇର ଆକାଉଣ୍ଟ ନମ୍ବର ଶେଷ ଆଡ଼କୁ ୦୯୬୬ ଖାତାକୁ ଟ୍ରକ ଚାଲଣ ଟଙ୍କା ଗୁଡ଼ିକ ଜମା ହୋଇଛି । ତେବେ ଏହି ଆକାଉଣ୍ଟଟି ମୀନକେତନ ସାହୁଙ୍କ ବୋଲି ଅନୁସନ୍ଧାନରୁ ଜଣାପଡ଼ିଛି । ପୁନଶ୍ଚ ଏହି ଗାଡି ଗାଏବ ହେବା ଘଟଣାରେ ଟ୍ରକ ଡ୍ରାଇଭର ସହ ଆଇ ୨ ରୁ ୩ ଜଣ ସହଯୋଗୀ ଅଛନ୍ତି ବୋଲି ଶ୍ରୀ ବେହେରା ଅଭିଯୋଗରେ ଦର୍ଶଇଛନ୍ତି । ପୁଲିସ ଏ ନେଇ ଏବଂ ପୋଲିସ୍ ଏହି ଅଭିଯୋଗକୁ ଆଧାର କରି କେସ ନମ୍ବର ୭୬ଋଜ୍ଜୁ କରିବା ସହ ତଦନ୍ତ ଆରମ୍ଭ କରିଛି । ପୁଲିସ ଏ ନେଇ ୪୨୦,୪୦୬,୪୦୭ ମାମଲା ରୁଜୁ କରି ତଦନ୍ତ ଆରମ୍ଭ କରିଥିବା ଜଣାପଡ଼ିଛି ।