ତହସିଲ କାର୍ଯ୍ୟାଳୟରେ ଝୁଲନ୍ତା ଅବସ୍ଥାରେ ଆରଆଇଙ୍କ ମୃତଦେହ ଉଦ୍ଧାର
#ନିଶ୍ଚିତକୋଇଲି(ଏନ୍.ଏମ୍.): କଟକ ଜିଲ୍ଲା ନିଶ୍ଚିତକୋଇଲି ତହସିଲ କାର୍ଯ୍ୟାଳୟରେ ଆଜି ଜଣେ ଆରଆଇଙ୍କ ଝୁଲନ୍ତା ଅବସ୍ଥାରେ ମୃତଦେହ ଉଦ୍ଧାର କରାଯାଇଛି । ତେବେ ମୃତ୍ୟୁର ପ୍ରକୃତ କାରଣ ଜଣାପଡ଼ିନଥିଲେ ମଧ୍ୟ ତାଙ୍କୁ ଝୁଲନ୍ତା ଅବସ୍ଥାରେ ମୃତ ଦେହକୁ ଜବତ କରାଯାଇଛି । ପ୍ରାପ୍ତ ସୂଚନା ଅନୁଯାୟୀ, ନିଶ୍ଚିତକୋଇଲି ତହସିଲ କାର୍ଯ୍ୟାଳୟର ଉପର ମହଲାରେ କାର୍ଯ୍ୟରତ ଆରଆଇ ସଞ୍ଜୟ ଦାସ ଫ୍ୟାନରେ ଝୁଲୁଥିବା ଦେଖିବାକୁ ମିଳିଥିଲା । ସେ ନିଶ୍ଚିତକୋଇଲି ତହସିଲ ଅଧୀନରେ ଥିବା ତରତ ସେକ୍ସନରେ ଆରଆଇ ଭାବେ କାର୍ଯ୍ୟ କରୁଥିଲେ । ତେବେ ସେ କାହିଁକି ଫ୍ୟାନରେ ରଶି ଦେଇ ଝୁଲିପଡ଼ିଲେ ତାହାକୁ ନେଇ ନାନା କଳ୍ପନା ଜଳ୍ପନା ସୃଷ୍ଟି ହୋଇଛି । ତାଙ୍କର ବଦଳି ନେଇ କିଛିଦିନ ହେବ ସେ ମାନସିକ ଚାପରେ ଥିଲେ ବୋଲି ପରିବାର ଲୋକେ ପ୍ରକାଶ କରିଛନ୍ତି । ଅନ୍ୟପକ୍ଷରେ ବଦଳି ଏକମାତ୍ର କାରଣ କିମ୍ବା ଆଉ କିଛି କାରଣ ରହିଛି ତାହା ତଦନ୍ତ ପରେ ଜଣାପଡ଼ିବ ବୋଲି ତହସିଲଦାର ଦିଲ୍ଳୀପ କୁମାର ନାୟକ ସୂଚନା ଦେଇଛନ୍ତି ।