କାଳବୈଶାଖୀର ତାଣ୍ଡବ ଲୀଳା: ଉଡ଼ିଗଲା ହୋଟେଲ ଆଜବେଷ୍ଟ, କାର ଉପରେ ପଡ଼ିଗଲା ଗଛ
ବଜ୍ରପାତରେ ଜଣେ ମହିଳା ମୃତ
#ଆଠଗଡ଼(ଏନ୍.ଏମ୍.): ଅପରାହ୍ନ ସମୟରେ ବାଙ୍କୀରେ ଦେଖିବାକୁ ମିଳିଛି କାଳବୈଶାଖୀର ତାଣ୍ଡବ ଲୀଳା । ହଠାତ କ୍ଷିପ୍ର ବେଗରେ ପବନ ବହିବା ସହ ପ୍ରବଳ ବର୍ଷା ଓ ଘନଘନ ବଜ୍ରପାତରେ ବାଙ୍କୀ- ଆଠଗଡ଼ ଅଞ୍ଚଳଟି ପ୍ରକମ୍ପିତ ହୋଇ ପଡ଼ିଥିଲା । ତେବେ ପ୍ରକୃତିର ଏହି ତାଣ୍ଡବରେ ଜଣେ ମହିଳାଙ୍କ ପ୍ରାଣ ହାନୀ ହେବା ସହ ଲକ୍ଷାଧିକ ଟଙ୍କାର ସମ୍ପତ୍ତି ନଷ୍ଟ ହୋଇଥିବା ଜଣାପଡ଼ିଛି । ସ୍ଥାନୀୟ ବୈଦେଶ୍ୱର ଥାନା ଅନ୍ତର୍ଗତ କୁରମପଡ଼ା ଗ୍ରାମର ନମିତା ସାହୁ ବଜ୍ରାଘାତ ମୃତ୍ୟୁବରଣ କରିଥିବାବେଳେ ଅନେକ ଗଛ ଭାଙ୍ଗି ପଡ଼ି ବ୍ୟାପକ କ୍ଷୟକ୍ଷତି ହୋଇଛି । ତେବେ ମୃତ ମହିଳାଙ୍କ ମୃତଦେହକୁ ବ୍ୟବଛେଦ ପାଇଁ ଉପଖଣ୍ଡ ଚିକିତ୍ସାଳୟରେ ଭର୍ତ୍ତି କରାଯିବା ସହ ଅଞ୍ଚଳରେ ଶୋକର ଛାୟା ଖେଳି ଯାଇଛି । ପୁନଶ୍ଚ ଏହି କାଳ ବୈଶାଖୀ ଯୋଗୁ ତ୍ରିଶୁଳିଆ ଠାରୁ ବାଙ୍କୀକୁ ସଂଯୋଗ କରୁଥିବା ମୁଖ୍ୟ ରାଜ୍ୟ ରାଜପଥର କୁହେଁଇ ପଡା ଅଞ୍ଚଳର ଆଦିମାତା ପୀଠ ନିକଟରେ ରାସ୍ତା କଡ଼ରେ ରହିଥିବା ବଡ ବଡ଼ ଗଛ ସବୁ ଭାଙ୍ଗି ରାସ୍ତା ଉପରେ ପଡ଼ିଥିବାଯୋଗୁଁ ଦୀର୍ଘ ସମୟ ଧରି ରାସ୍ତାଘାଟ ବନ୍ଦ ହୋଇ ଯାଇଥିଲା । ଏହି ସମୟରେ ରାସ୍ତାକଡ଼ରେ ଥିବା ଏକ କାର ଉପରେ ଗଛ ଡାଳ ପଡି ସମ୍ପୂର୍ଣ୍ଣ ଭାଙ୍ଗିଯାଇଛି । ସୌଭାଗ୍ୟ ଗାଡି ଟି.ଅଳ୍ପକେ ବର୍ତ୍ତିଛି ଦୁଇ ଜୀବନ.ଅନ୍ୟପଟେ କାଳ ବୈଶାଖୀ ର ପ୍ରଭାବ ରେ ଆଠଗଡ ଥାନା ଅନ୍ତର୍ଗତ ରାଜନଗର ଠାରେ ଉଡିଗଲା ମହାରାଜା ହୋଟେଲ ର ଆଜବେଷ୍ଟସ ଛାତ । ପ୍ରବଳ ପବନ ଓ କୁଆପଥର ମାଡରେ ଭିଜିଲେ ହୋଟେଲ ମଧ୍ୟରେ ଖାଇ ବସିଥିବା ଗ୍ରାହକ ଓ ହୋଟେଲ କର୍ମଚାରୀ. ସେପଟେ କାଳବୈଶାଖୀ ପ୍ରଭାବ ଯୋଗୁ ହୋଟେଲ ଆଜବେଷ୍ଟସ ଛାତ୍ ଉଡ଼ି ଦୁଇଶହ ମିଟର ଦୂରରେ ପଡ଼ିଲା । ତେବେ କେହି ମୃତାହତ ହୋଇନଥିଲେ ମଧ୍ୟ ହୋଟେଲଟିର ର ବ୍ୟାପକ କ୍ଷୟକ୍ଷତି ହୋଇଛି ।