ମର୍ମନ୍ତୁଦ ସଡ଼କ ଦୁର୍ଘଟଣା: ସ୍କୁଟି ଆରୋହୀ ଗୁରୁତର

#ଜଗତପୁର(ଏନ୍‌.ଏମ୍‌.): କଟକ-ଚୌଦ୍ୱାର ରିଙ୍ଗବନ୍ଧରେ ଏକ ସଡକ ଦୁର୍ଘଟଣା ଘଟିବା ଦ୍ୱାରା ଜଣେ ସ୍କୁଟି ଆରୋହୀ ଗୁରୁତର ଆହତ ହୋଇଛନ୍ତି । ସ୍କୁଟି ଆରୋହୀ ଜଣକ ଗୁରୁତର ଆହତ ହୋଇ ପଡ଼ିଥିବା ବେଳେ ଜଗତପୁର ଥାନା ପୁଲିସ ଏବଂ ସ୍ଥାନୀୟ ଲୋକଙ୍କ ସହାୟତାରେ ତାଙ୍କୁ କଟକ ବଡ଼ମେଡ଼ିକାଲକୁ ପଠା ଯାଇଛି । ପ୍ରାପ୍ତ ସୂଚନା ଅନୁଯାୟୀ, ଓଡି୦୫ଏଏକ୍ସ ୫୮୫୨ନମ୍ବର ବିଶିଷ୍ଟ ସ୍କୁଟି ନେଇ ଜଣେ ବ୍ୟକ୍ତି ଯାଉଥିବାବେଳେ ରିଙ୍ଗରୋଡ ଲକ୍ଷ୍ମଣପୁର ନିକଟ ହମ୍ପ୍ସରେ ହଠାତ ଭାରସ୍ୟାମ ହରାଇ ପଡ଼ିଯାଇଥିଲେ । ଫଳରେ ତାଙ୍କ ଶରୀରର ବିଭିନ୍ନ ଅଂଶ ଆଘାତପ୍ରାପ୍ତ ହେବା ସହ ସେ ଘଟଣାସ୍ଥଳରେ ଚେତା ହରାଇ ଦେଇଥିଲେ । ତେବେ ଉକ୍ତ ଯୁବକଙ୍କ ସଠିକ ପରିଚୟ ମିଳିପାରି ନାହିଁ ।