ଆଡିସନାଲ ଷ୍ଟାଣ୍ଡିଂ କାଉନସିଲ ଭାବେ ନିଯୁକ୍ତି ପାଇଲେ ଆଇନଜୀବୀ ଅକ୍ଷୟ କୁମାର ପତି

#କଟକ(ଏନ୍‌.ଏମ୍‌.): ବିଶିଷ୍ଟ ଆଇନଜୀବୀ ଅକ୍ଷୟ କୁମାର ପତି ଓଡ଼ିଶା ଉଚ୍ଚ ନ୍ୟାୟାଳୟରେ ବିଭିନ୍ନ ମୋକଦ୍ଦମାର ପରିଚାଳନା ନିମନ୍ତେ ଆଡ୍ ଭୋକେଟ ଜେନେରାଲ ଅଶୋକ ପରିଜାଙ୍କ ଅନୁମୋଦନ କ୍ରମେ ଓଡ଼ିଶା ସରକଙ୍କ ଦ୍ୱାରା ଆଡିସନାଲ ଷ୍ଟାଣ୍ଡିଂ କାଉନସିଲ ଭାବେ ନିଯୁକ୍ତ ହୋଇଛନ୍ତି । ଶ୍ରୀ ପତିଙ୍କ ବିଭିନ୍ନ ମୋକଦ୍ଦମାର ପରିଚାଳନା ଦକ୍ଷତା ଓ ଅଭିଜ୍ଞତାକୁ ବିଚାର କରି ତାଙ୍କୁ ଏହି ପଦବୀରେ ନିଯୁକ୍ତି କରାଯାଇଛି । ଶ୍ରୀ ପତି ବର୍ତ୍ତମାନ ରାଜ୍ୟ ଅଇନିଜୀବୀ ପରିଷଦର ସଭ୍ୟ ଅଛନ୍ତି ଓ ପୂର୍ବରୁ କଟକ କ୍ରିମିନାଲ କୋର୍ଟସ୍ ବାର ଆସୋସିଏସନର ସର୍ବ କନିଷ୍ଠ ସଭାପତି ଭାବେ ନିର୍ବାଚିତ ହୋଇଥିଲେ । ଉକ୍ତଳ ବିଶ୍ୱବିଦ୍ୟାଳୟରୁ ଆଇନରେ ସ୍ନାତକ ଡିଗ୍ରୀ ହାସଲ ପରେ ଶ୍ରୀ ପତି ୧୯୯୭ ମସିହାରୁ କଟକର ବିଭିନ୍ନ ନ୍ୟାୟାଳୟରେ ଆଇନିଜୀବୀ ଭାବେ କାର୍ଯ୍ୟ କରୁଛନ୍ତି । କିଭଳି ନିର୍ଦ୍ଧିଷ୍ଟ ସମୟ ଭିତରେ ଲୋକଙ୍କୁ ନ୍ୟାୟ ମିଳିପାରିବ ସେଥି ନିମନ୍ତେ ଶ୍ରୀ ପତି ସର୍ବଦା ଚେଷ୍ଟିତ । ଶ୍ରୀ ପତି ଉତ୍ତର ଭୁବନେଶ୍ୱର ବରିମୁଣ୍ଡ ଗ୍ରାମର ସୁରେନ୍ଦ୍ର ନାଥ ପତି ଓ ଲକ୍ଷ୍ମୀପ୍ରିୟା ପତିଙ୍କ ମଧ୍ୟମ ପୁତ୍ର ଓ ସୁବାସ ଚନ୍ଦ୍ର ଦାଶ ଓ ମନୋରମା ଦାଶଙ୍କ ଜ୍ୱାଇଁ ଅଟନ୍ତି । ବିଜେବି କଲେଜରେ ପାଠ ପଢିବା ସମୟରେ ସାଧାରଣ ସମ୍ପାଦକ ଭାବେ ମଧ୍ୟ ନିର୍ବାଚିତ ହୋଇଥିଲେ । ଶ୍ରୀ ପତିଙ୍କୁ ଆଇନଜୀବୀ ପରିଷଦର ଚେୟରାରମ୍ୟାନ ଶିତାଂଶୁ ମୋହନ ଦ୍ୱିବେଦୀ ଭାଇସ-ଚେୟାରମ୍ୟାନ ରାଜୀବ ମହାନ୍ତି ଓ ସଦସ୍ୟ ଦୀନେଶ ଚନ୍ଦ୍ର ରାୟ, ଲକ୍ଷ୍ମୀ ନାରାୟଣ ପଟେଲ, ଧନଞ୍ଜୟ ମୁଣ୍ଡ, ବିଭୁ ପ୍ରସାଦ ଦାସ, ଦେବୀ ପ୍ରସାଦ ଧଳ, ବିଭୁ ପ୍ରସାଦ ଦାସ, ଅରୂପାନନ୍ଦ ଦାସ, ମାନସ କୁମାର ଚାନ୍ଦ ପ୍ରଭୁତି ଅଭିନନ୍ଦନ ଜଣାଇଛନ୍ତି ।