କିଶନ ନଗର ତହସିଲ କାର୍ଯ୍ୟାଳୟରେ ଜନ ଶୁଣାଣି

#କିଶନନଗର(ଏନ୍‌.ଏମ୍‌.): କଟକ ଜିଲ୍ଲା କିଶନ ନଗର ତହସିଲ କାର୍ଯ୍ୟାଳୟରେ ଜନ ଶୁଣାଣି ଶିବିର ଅନୁଷ୍ଠିତ ହୋଇଯାଇଛି । ୪୯ଟି ଅଭିଯୋଗ ର ଶୁଣାଣି କରାଯାଇଥିବା ବେଳେ ମୁଖ୍ୟତ କିଶନ ନଗର ଗଡମା ରାସ୍ତାରେ ବେଆଇନ ଚଳାଚଳ କରୁଥିବା ବାଲି ବୋଝେଇ ହାଇୱା ଅଞ୍ଚଳ ବାସୀଙ୍କ ଚିନ୍ତାର କାରଣ ପାଲଟିଛି । ତୁରନ୍ତ ହାଇୱା ବନ୍ଦ କରିବା ପାଇଁ ଅଞ୍ଚଳବାସୀଙ୍କ ତରଫରୁ ଅଭିଯୋଗ ପତ୍ର ଦାଖଲ କରାଯାଇଥିଲା । ଆୟୋଜିତ ଏହି ଶିବିରରେ କଟକ ଜିଲ୍ଲାପାଳଙ୍କ ଅନୁପସ୍ଥିତିରେ ଏଡିଏମ୍ ସମସ୍ତ ଅଭିଯୋଗକୁ ତନତନ ଯାଞ୍ଚ କରି ଉପସ୍ଥିତ ଥିବା ଅନ୍ୟ ଭିଭାଗୀୟ ଅଧିକାରୀଙ୍କୁ କାର୍ଯ୍ୟାନୁଷ୍ଠାନ ନିମନ୍ତେ ନିର୍ଦ୍ଦେଶ ଦେଇଥିଲେ । କିଶନ ନଗର ତହସିଲଦାର ମଧୁସୂଦନ ନାୟକଙ୍କ ପକ୍ଷରୁ ଆୟୋଜିତ ଏହି ଶିବିରରେ କଟକ ଏଡିଏମ୍‌ଙ୍କ ସମେତ କଟକ ଗ୍ରାମାଞ୍ଚଳ ଏସପି ଡିଆରଡିଏ ଅଧିକାରୀ କଟକ ସଦର ବିଡିଓ ଗୃହ ରାସ୍ତା ନିର୍ମାଣ ଅଧିକାରୀ ଓ ଅନ୍ୟାନ୍ୟ ବିଭାଗୀୟ ଅଧିକାରୀ ମାନେଉପସ୍ଥିତ ଥିଲେ ।