କୁଏତରେ ଭାରତୀୟ ପ୍ରବାସୀ ପରିଷଦ ସଂଘର ନିର୍ବାଚନ ସଭାପତି ଭାବେ ନିର୍ବାଚିତ ହେଲେ ବିଶ୍ୱରଞ୍ଜନ ସାହୁ
କୁଏତ(ଏଜେନ୍ସି): ଭାରତୀୟ ପ୍ରବାସୀ ସଂଘ ପକ୍ଷରୁ ବିଶ୍ୱରଞ୍ଜନ ସାହୁ ଭାରତୀୟ ପ୍ରବାସୀ ଓଡ଼ିଶା ସଂଘର ସଭାପତି ରୂପେ ନିର୍ବାଚିତ ହୋଇଛନ୍ତି । ଏଥି ସହିତ ସେ ଭାରତୀୟ ପ୍ରବାସୀ ପରିଷଦର ସାମାଜିକ, ଜନ-କଲ୍ୟାଣର କେନ୍ଦ୍ରୀୟ ବୋର୍ଡରେ ମୁଖ୍ୟ ସଂଯୋଜକ ଏବଂ ସଂଘର ନର୍ଥ ଇଷ୍ଟ୍ ଇଣ୍ଡିଆର ସଂଯୋଜକ ଦାୟିତ୍ୱ ଗ୍ରହଣ କରିଛନ୍ତି । ବିଶ୍ୱ ଓଡିଶା ସମାଜ ସଂଘ କୁଏତରେ ତାଙ୍କୁ ସଭାପତି ରୁପେ ନିର୍ବାଚିତ କରାଯାଇଛି । ଶ୍ରୀ ସାହୁ, କୁଏତ ବିଭିନ୍ନ ସାମାଜିକ ଓ ଜନ କଲ୍ୟାଣ ଅନୁଷ୍ଠାନରେ ଜଡିତ ହେବା ସହିତ ଓଡ଼ିଶାର ସଂସ୍କୃତି, କଳା, ଭାସ୍କର୍ଯ୍ୟକୁ ବିଦେଶରେ ବେଶ ପ୍ରତିଫଳିନ କରିଛନ୍ତି ତା’ ସହିତ କରୋନା ସମୟରେ ପ୍ରବାସୀ ଓଡ଼ିଆ ଓ ଅଣ ଓଡିଆଙ୍କୁ ଭାରତରେରେ ପହଞ୍ଚାଇବା ସହିତ ପ୍ରବାସୀ ଭାରତୀୟଙ୍କର ଅସହାୟ ଓ ଅସୁବିଧା ସମୟରେ ସୁଖଦୁଃଖର ସାଥୀ ଭାବେ ସେ ପରିଚିତ । ତାଙ୍କର ନିସ୍ୱାର୍ଥ ପର ସେବା ଭାବରେ ଅସହାୟଙ୍କ ନିକଟତର ହୋଇ ଛିଡା ହୁଅନ୍ତି । ଯାହା ଫଳରେ ପ୍ରବାସୀ ଭାରତୀୟର ଦୀର୍ଘ ୨୦ ବର୍ଷ ଧରି ବିଶ୍ୱାସ ଓ ଭରଷାର ପରିଚୟ ସୃଷ୍ଟି କରିପାରିଛନ୍ତି । କେବଳ ସେତିକି ନୁହେଁ ଶ୍ରୀ ସାହୁ, ଆନ୍ତର୍ଜତୀୟ ମାନବ ଅଧିକାର ରକ୍ଷକ ସଂସ୍ଥାରେ ପ୍ରମୁଖ ଦାୟିତ୍ୱ ତୁଲାଇଛନ୍ତି । ଆନ୍ତର୍ଜତୀୟ ମାନବ ଅଧିକାର ରକ୍ଷକ ସଂସ୍ଥା ଜାତିସଂଘର ଅନୁଦାନପ୍ରାପ୍ତ ଇକୋସୋକ୍-ସାମାଜିକ-ଅର୍ଥନୈତିକ-ବିକାଶ କ୍ଷେତ୍ରରେ ଏକ ବିଶେଷ ଏନଜିଓ ସଂସ୍ଥା ରୂପେ ପରିଚିତ । ଏହି ସଂସ୍ଥା ଜାତି, ଧର୍ମ, ବର୍ଣ୍ଣ ବିନା ଭେଦ ଭାବରେ, ଏହା ସମଗ୍ରମାନବଙ୍କ ମଧ୍ୟରେ ସ୍ନେହ ଓ ମମତା, ନିରାପତ୍ତା ଓ ସାମାଜିକ ଓ ଅର୍ଥନୈତିକ ପ୍ରଗତି ହାସଲ କରିବାରେ ସମାଜରେ ପ୍ରୋତ୍ସାହିତ କରିଛି । ପୁନଶ୍ଚ ଶ୍ରୀ ସାହୁ, ବିଶ୍ୱର ଆନ୍ତର୍ଜତୀୟ ସାଧାରଣ ସମ୍ପାଦକର ଦାୟିତ୍ୱ ସହିତ, ଗଲ୍ଫ ଦେଶର ଆନ୍ତର୍ଜତୀୟ ମାନବ ଅଧିକାର ରକ୍ଷକ ସଂସ୍ଥାର ସଭାପତିର ଦାୟିତ୍ୱ ଗ୍ରହଣ କରିଛନ୍ତି । ଅବଶ୍ୟ ସେ ନିଜର ବହୁମୂଲ୍ୟ ଓ କଠିନ ପରିଶ୍ରମ ମଧ୍ୟରେ ସମଗ୍ର ପ୍ରବାସୀ ଭାରତୀୟଙ୍କ ମଧ୍ୟରେ, ଜଣେ ସକ୍ରିୟ ବନ୍ଧୁ ରୂପେ ପରିଚିତ । ଆନ୍ତର୍ଜତୀୟ ମାନବ ଅଧିକାର ରକ୍ଷକ ସଂସ୍ଥା ଓଡିଶାରେ ଏକ ନମ୍ବର ସ୍ଥାନରେ ଓ ସମଗ୍ର ଭାରତ ବର୍ଷରେ ଅଗ୍ରଣୀ ସ୍ଥାନ ରୂପେ ପରିଚିତ ।
ଏହା ସହିତ ଭାରତ ସେବା ଦର୍ଶନ ଟ୍ରଷ୍ଟର ପ୍ରତିଷ୍ଠାତା ଓ ଅଧ୍ୟକ୍ଷ ଅଛନ୍ତି । ସେ ଜଣେ ଲେଖକ, ସମାଜସେବୀ ରୂପେ ପରିଚିତ । କୁଏତ ରାଇଟର ଫୋରମ୍ ବୋର୍ଡର ସଭ୍ୟ ଅଛନ୍ତି । ଓଡିଆ ନୈତିକ ଓ ପ୍ରେରଣା ଗଳ୍ପର ଲେଖକ ଅଟନ୍ତି । ସେ ସମାଜରେ ବିଭିନ୍ନ ସଚେତନତା ଶିବିର ଆୟୋଜନ, ରକ୍ତ ଦାନ ଶିବିର, ସ୍ୱାସ୍ଥ୍ୟ ଶିବିର, ଅସହାୟ ବ୍ୟକ୍ତିଙ୍କୁ କର୍ମନିଯୁକ୍ତିରେ ସହଯୋଗ ସହିତ, ବିଭିନ୍ନ ସାମାଜିକ ଓ ଜନ କଲ୍ୟାଣ ସଚେତନତା କାର୍ଯ୍ୟକ୍ରମ କରିଥାନ୍ତି । ସେ ସର୍ବଦା ଗରିବ ଓ ସାମାଜିକ ଜନ କଲ୍ୟାଣରେ ଉତ୍ସର୍ଗୀକୃତ । ଶ୍ରୀ ଜଗନ୍ନାଥ ସମିତିରେ ଏକ ସେବକ ରୂପେ ନିଜକୁ ତ୍ୟାଗଶୀଳ ଓ ସାଧାରଣ ବ୍ୟକ୍ତି ରୂପେ ଦେଶ ଓ ବିଦେଶ ରୂପେ ପରିଚିତ । ତାଙ୍କର ସମ୍ପୂର୍ଣ ଜୀବନ ମହାପ୍ରଭୁ ଶ୍ରୀ ଜଗନ୍ନାଥଙ୍କ ନିକଟରେ ଏକ ସମର୍ପଣ ଭାବନା ଓ ସାଧାରଣ ଜୀବନ ଯାପନ କରିବା ପାଇଁ ଭଲ ପାଆନ୍ତି । ଦେଶ ଓ ବିଦେଶର ସମସ୍ତ ସଂଗଠନ ତରଫରୁ ଶ୍ରୀ ସାହୁଙ୍କୁ ଆନ୍ତରୀକ୍ଷ ଶୁଭେଛା ଓ ଆର୍ଶିବାଦର ବାର୍ତ୍ତା ଦିଆଯାଇଛି । ଏଥି ନିମନ୍ତେ ଶ୍ରୀ ସାହୁ ମଧ୍ୟ ସମସ୍ତ ସଂଗଠନର ପ୍ରତିନିଧିଙ୍କୁ ନିଜର ଆନ୍ତରିକ କୃତଜ୍ଞତା ଜ୍ଞାପନ କରିଛନ୍ତି ।