ବରିଷ୍ଠ ନାଗରିକ ସଂସ୍ଥାନ ପକ୍ଷରୁ ନବନିର୍ବାଚିତ କର୍ମକର୍ତ୍ତାଙ୍କ ଶପଥ ଗ୍ରହଣ

#କଟକ(ଏନ୍‌.ଏମ୍‌.): ସିଡିଏ ସେକ୍ଟର-୯ସ୍ଥିତ ବରିଷ୍ଠ ନାଗରିକ ସଂସ୍ଥାନର ନବନିର୍ବାଚିତ କର୍ମକର୍ତ୍ତାଙ୍କ ଶପଥ ଗ୍ରହଣ ଉତ୍ସବ ଓ ଚାରା ରୋପଣ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଆଜି ମଧ୍ୟାହ୍ନରେ ସିଡିଏ ସେକ୍ଟର-୮ସ୍ଥିତ ଶିବମନ୍ଦିର ପ୍ରାଙ୍ଗଣରେ ଦେବପୂଜନ ପାଇଁ ଉପଲବ୍ଧ ଚାରା (ବେଲ, ଅଁଳା, ନିମ୍ବ) ରୋପଣ କରାଯାଇଥିଲା । ସଂସ୍ଥାନର ମହାସଚିବ ଉତ୍କଳ ଭୂଷଣ ରାଉତରାୟଙ୍କ ସଂଯୋଜନା ଓ ପରିଚାଳନାରେ ଆୟୋଜିତ ଉତ୍ସବରେ ଅଧ୍ୟକ୍ଷ ନିତ୍ୟାନନ୍ଦ ମିଶ୍ର ପୌରହିତ୍ୟ କରିଥିଲେ । ସଂସ୍ଥାନର ମୁଖ୍ୟ ଉପଦେଷ୍ଟା ଧରଣୀ ପଟ୍ଟନାୟକଙ୍କ ପ୍ରତ୍ୟକ୍ଷ ତତ୍ତ୍ୱାବଧାନରେ ଏହି କାର୍ଯ୍ୟକ୍ରମ ହୋଇଥିବାବେଳେ ଏଥିରେ ସୁବୋଧ କୃଷ୍ଣ ମିଶନର ପ୍ରମୁଖ ଡଃ. ସ୍ୱାମୀ କୃଷ୍ଣ ପ୍ରେମାନନ୍ଦ ସରସ୍ୱତୀ ଓ ସଂସ୍ଥାନର ମୁଖ୍ୟ ପୃଷ୍ଠପୋଷକ ସୁରେନ୍ଦ୍ର ନାଥ ପଣ୍ଡା ନବ ନିର୍ବାଚିତ କର୍ମକର୍ତ୍ତାଙ୍କୁ ଶପଥପାଠ କରାଇଥିଲେ । ନବ ନିର୍ବାଚିତ କର୍ମକର୍ତ୍ତାଙ୍କ ମଧ୍ୟରେ ଅଧ୍ୟକ୍ଷ ନିତ୍ୟାନନ୍ଦ ମିଶ୍ର, ଉପାଧ୍ୟକ୍ଷ ବିଜୟ କୁମାର ପାତ୍ର, ବିଚିତ୍ରା ନନ୍ଦ ପ୍ରଧାନ, ଡଃ.ସମୀର ରଞ୍ଜନ, ମହାସଚିବ ଉତ୍କଳ ଭୂଷଣ ରାଉତରାୟ, ସହସଚିବ ପ୍ରତାପ କୁମାର ଜେନା, ପ୍ରକାଶ ଚନ୍ଦ୍ର ରଥ, ବିଜୟ କୁମାର ସାମନ୍ତସିଂହାର, କୋଷାଧ୍ୟକ୍ଷ ଗୌରାଙ୍ଗ ଚରଣ ଦାସ, ଲୋକସମ୍ପର୍କ ପ୍ରମୁଖ ମହେନ୍ଦ୍ର ମହାପାତ୍ର ଓ ସଂଯୋଜକ ଅଦ୍ୱୈତ ଚରଣ ନାୟକ ପ୍ରମୁଖ ଶପଥ ଗ୍ରହଣ କରିଥିଲେ । ଉପଦେଷ୍ଟା ମଣ୍ଡଳୀର ସଦସ୍ୟ ଧରଣୀଧର ପଟ୍ଟନାୟକ (ମୁଖ୍ୟ), ବିରଞ୍ଚି ନାରାୟଣ ମିଶ୍ର, କର୍ଣ୍ଣେଲ ବିଶେଶ୍ୱର ରାଉତ, ଶ୍ରୀଧର ମଲ୍ଲିକ, ଗୌରହରି ବାରିକଙ୍କ ଉପସ୍ଥିତିରେ ଏହି ଶପଥ ପାଠ ଉତ୍ସବ ହୋଇଥିଲା । ସଂସ୍ଥାନର ମହାସଚିବ ଶ୍ରୀ ରାଉତରାୟ ପ୍ରାରମ୍ଭିକ ସୂଚନା ଦେଇ ଆଗାମୀ ଦିନରେ ସଂସ୍ଥାନର ସମସ୍ତ ସଦସ୍ୟଙ୍କ ସହଯୋଗିତା ଓ ସହବନ୍ଧିତା ସୂତ୍ରରେ କାର୍ଯ୍ୟ କରିବା ସହିତ ସମାଜ ମଙ୍ଗଳ ଉଦ୍ଦେଶ୍ୟରେ ଜାଗ୍ରତ ପ୍ରହରୀ ପରି ଅଞ୍ଚଳରେ ତା’ର ପରିଚୟ ପ୍ରତିପାଦନ କରିବାର ଲକ୍ଷ୍ୟକୁ ପ୍ରତିଫଳିତ କରିବାର ପ୍ରୟାସ ଜାରି ରଖିବାର ଶପଥ ଓ ପ୍ରତିଶ୍ରୁତି ଦେଉଥିବା କହିଥିଲେ । ସଂସ୍ଥାନର ସଂଯୋଜକ ଅଦ୍ୱୈତ ଚରଣ ନାୟକ ଧନ୍ୟବାଦ ଦେଇଥିଲେ ।