ଘୋଷଣା ହେଲା ବିଜେପି ରାଷ୍ଟ୍ରୀୟ ଅଧ୍ୟକ୍ଷଙ୍କ ନୂଆ ଟିମ

ନୂଆଦିଲ୍ଲୀ/ଭୁବନେଶ୍ୱର(ଏନ୍‌.ଏମ୍‌.): ଆଗାମୀ ୨୦୨୪ ନିର୍ବାଚନ ପୂର୍ବରୁ ବିଜେପିର ନୂଆ ଟିମ୍ ଘୋଷଣା କରାଯାଇଛି । ଏହି ନୂଆ ଟିମକୁ ନେଇ ବିଜେପି ନିର୍ବାଚନ ବୈତରଣୀ ପାର ହେବା ପାଇଁ ଯୋଜନା କରିଛି । ତେବେ ଆଜି ଭାରତୀୟ ଜନତା ପାର୍ଟି ପକ୍ଷରୁ ରାଷ୍ଟ୍ରୀୟ ଅଧ୍ୟକ୍ଷ ଜଗତ ପ୍ରସାଦ ନଡ୍ଡା ଏହି ନୂଆ ଟିମକୁ ଘୋଷଣା କରିଛନ୍ତି । ଏହି ୩୮ଜଣିଆ ସର୍ବ ଭାରତୀୟ ଟିମରେ ୧୩ଜଣ ରାଷ୍ଟ୍ରୀୟ ଉପାଧ୍ୟକ୍ଷ ଥିବାବେଳେ ୮ଜଣ ରାଷ୍ଟ୍ରୀୟ ମହାମନ୍ତ୍ରୀଙ୍କ ନାମ ଘୋଷଣା କରାଯାଇଛି । ସେହିଭଳି ରାଷ୍ଟ୍ରୀୟ ସଂଗଠନ ମହାମନ୍ତ୍ରୀ ଓ ରାଷ୍ଟ୍ରୀ ସହ ସଂଗଠନ ମହାମନ୍ତ୍ରୀଙ୍କ ସମେତ ୧୩ଜଣ ରାଷ୍ଟ୍ରୀୟ ସଚିବଙ୍କ ନାମ ଘୋଷଣା କରାଯାଇଛି । ତେବେ ରାଷ୍ଟ୍ରୀୟ ଉପାଧ୍ୟକ୍ଷ ଭାବେ ଓଡ଼ିଶାର ବୈଜୟନ୍ତ ପଣ୍ଡା ପୁନର୍ବାର ନିଜର ସ୍ଥିତି ବଜାୟ ରଖିପାରିଛନ୍ତି ।ତୃତୀୟ ଥର ଲାଗି ସେ ବିଜେପିର ରାଷ୍ଟ୍ରୀୟ ଉପାଧ୍ୟକ୍ଷ ପଦ ପାଇବାରେ ସକ୍ଷମ ହୋଇଛନ୍ତି ।
ରାଷ୍ଟ୍ରୀୟ ଉପାଧ୍ୟକ୍ଷ ଭାବରେ ଛତିଶଗଡ଼ର ପୂର୍ବତନ ମୁଖ୍ୟମନ୍ତ୍ରୀ ଡକ୍ଟର ରମଣ ସିଂ, ରାଜସ୍ଥାନର ପୂର୍ବତନ ମୁଖ୍ୟମନ୍ତ୍ରୀ ବସୁନ୍ଧରା ରାଜେ ସିନ୍ଧିଆ, ଝାଡ଼ଖଣ୍ଡର ପୂର୍ବତନ ମୁଖ୍ୟମନ୍ତ୍ରୀ ରଘୁବର ଦାସ ଏବଂ ସୈଦାନ ସିଂ, ଓଡ଼ିଶାର ବୈଜୟନ୍ତ ପଣ୍ଡାଙ୍କ ବ୍ୟତୀତ ଛତିଶଗଡ଼ର ସରୋଜ ପାଣ୍ଡେ,ଉତ୍ତର ପ୍ରଦେଶର ରେଖା ବର୍ମା, ତେଲେଙ୍ଗାନାର ଡି.କେ. ଅରୁଣା, ନାଗାଲ୍ୟାଣ୍ଡର ଏମ.ଚୌବା ଏଓ, କେରଳର ଅବଦୁଲ୍ଲା କୁଟ୍ଟି, ଉତ୍ତର ପ୍ରଦେଶର ଲକ୍ଷ୍ମୀକାନ୍ତ ବାଜପେୟୀ, ଛତିଶଗଡ଼ର ଲତା ଉସେଣ୍ଡି, ଉତ୍ତର ପ୍ରଦେଶର ବିଧାନ ପରିଷଦ ସଦସ୍ୟ ତାରିକ ମନସୁର ପ୍ରମୁଖଙ୍କୁ ନିଯୁକ୍ତ କରାଯାଇଛି । ସେହିଭଳି ୮ଜଣ ରାଷ୍ଟ୍ରୀୟ ମହାମନ୍ତ୍ରୀ ଭାବେ ଉତ୍ତର ପ୍ରଦେଶର ଅରୁଣା ସିଂହ, ମଧ୍ୟ ପ୍ରଦେଶର କୈଳାଶ ବିଜୟବର୍ଗୀୟ, ଦିଲ୍ଲୀର ଦୁଷ୍ମନ୍ତ କୁମାର ଗୌତମ, ପଞ୍ଜାବର ତରୁଣ ଚୁଗ, ମହାରାଷ୍ଟ୍ରର ବିନୋଦ ତାବଡେ, ରାଜସ୍ଥାନର ସୁନୀଲ ବଂଶଲ, ତେଲେଙ୍ଗାନାର ସଞ୍ଜୟ ବନ୍ଦୀ, ଉତ୍ତର ପ୍ରଦେଶର ରାଧାମୋହନ ଅଗ୍ରୱାଲ ରହିଛନ୍ତି । ପୁନଶ୍ଚ ବି.ଏଲ ସନ୍ତୋଷ ରାଷ୍ଟ୍ରୀୟ ସଂଗଠନ ମହାମନ୍ତ୍ରୀ ଥିବାବେଳେ ଲକ୍ଷ୍ନୌର ଶିବପ୍ରକାଶ ସହ ସଂଗଠନ ମହାନ୍ତି ଦାୟିତ୍ୱ ନେଇଛନ୍ତି । ସେହିଭଳି ୧୩ଜଣ ରାଷ୍ଟ୍ରୀୟ ସଚିବ ପଦରେ ମହାରାଷ୍ଟ୍ରର ବିଜୟ ରାହଟକର, ଆନ୍ଧ୍ରପ୍ରଦେଶର ସତ୍ୟା କୁମାର, ଦିଲ୍ଲୀର ଅରବିନ୍ଦ ମେନନ, ମହାରାଷ୍ଟ୍ରର ପଙ୍କଜା ମୁଣ୍ଡେ, ପଞ୍ଜାବର ନରେନ୍ଦ୍ର ସିଂହ ରୈନା, ରାଜସ୍ଥାନର ଡାକ୍ତର ଅଳକା ଗୁର୍ଜର, ପଶ୍ଚିମବଙ୍ଗର ଅନୁପମ ହାଜରା, ମଧ୍ୟପ୍ରଦେଶର ଓମପ୍ରକାଶ ଧୁର୍ବେ,ବିହାରର ଋତୁରାଜ ସିହ୍ନା, ଝାରଖଣ୍ଡ ଆଶା ଲାକଡା, ଆସାମର କାମାକ୍ଷା ପ୍ରସାଦ ତାସ, ଉତ୍ତର ପ୍ରଦେଶର ସୁରେନ୍ଦ୍ର ସିଂହ ନାଗର, କେରଳର ଅନିଲ ଆଣ୍ଟୋନି ରହିଛନ୍ତି । ଦଳୀୟ ସଂଗଠନର କୋଷାଧ୍ୟକ୍ଷ ଭାବେ ଉତ୍ତର ପ୍ରଦେଶର ରାଜେଶ ଅଗ୍ରୱାଲ ଓ ଉତ୍ତରାଖଣ୍ଡର ନରେଶ ବଂଶଲ ସହ କୋଷାଧ୍ୟକ୍ଷ ଭାବେ ନିଯୁକ୍ତି ପାଇଥିବା ବିଜେପି ରାଷ୍ଟ୍ରୀ ମହାସଚିବ ଏବଂ ମୁଖ୍ୟାଳୟ ପ୍ରଭାରୀ ଅରୁଣ ସିଂହ ସୂଚନା ଦେଇଛନ୍ତି ।