ସ୍ୱାଧୀନତାର ୭୫ତମ ପୂର୍ତ୍ତି ଅବସରରେ ଯବାନ ମାନଙ୍କୁ ରାକ୍ଷୀ ଭେଟି
ଭଦ୍ରକ(ଏନ୍.ଏମ୍.): ଦେଶରେ ସ୍ୱାଧୀନତା ପ୍ରାପ୍ତିର ୭୫ତମ ପୂର୍ତ୍ତି ପାଳନ ହେଉଛି । ଏହି ଅବସରରେ କୁନିକୁନି ପିଲାମାନେ ଯବାନମାନଙ୍କ ଉଦ୍ଦେଶ୍ୟରେ ରାକ୍ଷୀ ଭେଟି ଦେଇ ସେମାନଙ୍କ ମଙ୍ଗଳ କାମନା କରିଥିଲେ । ଭଦ୍ରକ ଜିଲ୍ଲା ଅନ୍ତର୍ଗତ ଧାମରା ସ୍ଥିତ ସାଇ ଅନନ୍ତ ଇଣ୍ଟରନ୍ୟାଶନାଲ ସ୍କୁଲ ତରଫରୁ ସ୍ୱାଧୀନତାର ୭୫ତମ ପୂର୍ତ୍ତିର ଆଜାଦି କା ଅମୃତ ମହୋତ୍ସବ ଅବସରରେ ଭାରତୀୟ ଯବାନ ଭାଇ ମାନଙ୍କୁ ରାକ୍ଷୀ ଭେଟି ଦେଇଛନ୍ତି । ସେନା ବାହିନୀ ଦେଶ ସୁରକ୍ଷାର ମନ୍ତ୍ର ନେଇ ସୀମାରେ ଖରା ବର୍ଷା ଶୀତ ସମୟରେ ମଧ୍ୟ ଜାଗ୍ରତ ପ୍ରହରୀ ରୂପେ ଛିଡା ହୋଇ ସମଗ୍ର ଦେଶବାସୀଙ୍କୁ ସୁରକ୍ଷା ଦେଉଛନ୍ତି । ସମାଜ ଠାରୁ ଆଜି ବହୁତ ଦୂରରେ ସତ କିନ୍ତୁ ସମାଜ ମଧ୍ୟ ତାର କର୍ତ୍ତବ୍ୟ ସଲାମ ପୂର୍ବକ ଏହି ମନ୍ତ୍ରକୁ ସାକାର କରିବାକୁ ବିଦ୍ୟାଳୟର କୁନି ପିଲାମାନେ ରାକ୍ଷୀ ଭେଟି ଦେଇଛନ୍ତି ।