ସଂଗ୍ରାମ ଭୋଇଙ୍କ ସ୍ମୃତି ଉଦ୍ଦେଶ୍ୟରେ କ୍ୟାଣ୍ଡେଲ୍ ଶୋଭାଯାତ୍ରା
#କଟକ ସଦର (ଏନ୍.ଏମ୍.): କଟକ ସଦର ବ୍ଲକ ଅନ୍ତର୍ଗତ ସୁମାଣ୍ଡି ଗ୍ରାମର ଜଣେ ଯୁବ ବ୍ୟକ୍ତିଙ୍କ ଅକାଳ ବିୟୋଗ ଅଞ୍ଚଳରେ ଶୋକର ଛାୟା ଖେଳିଯାଇଛି । ଏତେ କମ ବୟସରେ ସାଙ୍ଗ ସାଥୀଙ୍କୁ ଛାଡ଼ି ଆରପାରିକୁ ଚାଲିଯିବାର ଦୁଃଖକୁ ସହଜରେ ଗ୍ରହଣ କରିପାରୁନାହାନ୍ତି । ମାତ୍ର ୨୪ବର୍ଷ ବୟସରେ ସେ ସମସ୍ତଙ୍କୁ ପରକରି ଚାଲିଯିବା ଦୁଃଖରେ ମ୍ରିୟମାଣ ହୋଇଥିବା ଅଞ୍ଚଳର ଶତାଧିକ ଜନସାଧାରଣ ସହପାଠୀ, ସାଙ୍ଗସାଥୀ ତାଙ୍କ ଅମର ଆତ୍ମାର ସଦଗତି ନିମନ୍ତେ କ୍ୟାଣ୍ଡେଲ ଶୋଭାଯାତ୍ରା କରିଥିଲେ । ସୂଚନା ଅନୁଯାୟୀ, ଗତ ଗୁରୁବାର ଦିନ ସୁମାଣ୍ଡି ଗ୍ରାମର ସଂଗ୍ରାମ ଭୋଇ(୨୪) ବ୍ରେନ ଷ୍ଟ୍ରୋକ ଆଘାତରେ ମୃତ୍ୟୁବରଣ କରିଥିଲେ । ସେ ଜଣେ କ୍ରୀଡ଼ାବିତ ଥିଲେ । ତାଙ୍କ ଉଦ୍ଦେଶ୍ୟରେ ଆଜି ଏକ କ୍ୟାଣ୍ଡେଲ୍ ଶୋଭାଯାତ୍ରାରେ ସ୍ଥାନୀୟ ଶଂଖତ୍ରାଶ ବଜାରରୁ ବାହାରି ଶୁମାଣ୍ଡି ଶନିମନ୍ଦିର ପର୍ଯ୍ୟନ୍ତ ଯାଇଥିଲା । ଏହି ଶୋଭାଯାତ୍ରାରେ ଅନେକ କ୍ରୀଡାପ୍ରେମୀ ସ୍ଥାନୀୟ ବୁଦ୍ଧିଜୀବୀ ସାହି ମୁରବୀ ଯୋଗଦେଇଥିଲେ । ସ୍ଥାନୀୟ ବୁଦ୍ଧିଜୀବୀଙ୍କ ଉପସ୍ଥିତେର ଏକ ସ୍ମୃତି ସଭା ଓ ନିରବ ପ୍ରାର୍ଥନା କରାଯାଇଥିଲା । ଯୁବକ ସଂଘ ପକ୍ଷରୁ ସୁଧିର କୁମାର ପ୍ରଧାନ, ପ୍ରକାଶ ଦାସ, ନବକୀଶୋର କାଣ୍ଡି, ସୁଶାନ୍ତ କୁମାର ସାମନ୍ତରାୟ, ପ୍ରଭାସ କୁମାର ଭୋଇ, ଗୋବିନ୍ଦ ଭୋଇ, ଧୀରେଦ୍ର କାଣ୍ଡି ପ୍ରମୁଖ ଯୋଗ ଦେଇଥିଲେ ।