ବିଜେଡିର ଶ୍ରମଦାନ କରି ସମାଜସେବା କାର୍ଯ୍ୟକ୍ରମ
କଟକ(ଏନ୍.ଏମ୍.): ରାଜ୍ୟରେ ମୁଖ୍ୟମନ୍ତ୍ରୀଙ୍କ ଆହ୍ୱନକ୍ରମେ ଅକ୍ଟୋବର ୨ତାରିଖରୁ ଆସନ୍ତା ନଭେମ୍ବର ୨ତାରିଖ ପର୍ଯ୍ୟନ୍ତ ବିଜେଡି ପକ୍ଷରୁ ଶ୍ରମଦାନ କରି ସମାଜସେବା କାର୍ଯ୍ୟକ୍ରମ ଜାରି ରହିଛି । ଏହି ପରିପ୍ରେକ୍ଷୀରେ ଆଜି ପୂର୍ବାହ୍ନରେ ସିଏମସି ୪୦ନମ୍ବର ୱାର୍ଡ଼ ଯୋବ୍ରା ଚାରିଘରିଆ ଅଞ୍ଚଳରେ ସମାଜସେବା କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ୱାର୍ଡ଼ର ପୂର୍ବତନ କର୍ପୋରେଟର ଜୟଦେବ ଜେନା ଓ ୱାର୍ଡ଼ ସଭାପତି ବିଜୟ କୁମାର ପଣ୍ଡାଙ୍କ ନେତୃତ୍ୱରେ ୱାର୍ଡ଼ର ବିଜେଡି କର୍ମୀମାନଙ୍କୁ ନେଇ ଅଞ୍ଚଳର ଏକ ପରିତ୍ୟକ୍ତ ସ୍ଥାନରେ ବଣବୁଦା ସଫେଇ କରାଯାଇଥିଲା । ଏହି ଅଞ୍ଚଳରେ ବଣବୁଦା ଅଧିକ ମାତ୍ରାରେ ବୃଦ୍ଧି ପାଇଥିବା ଯୋଗୁଁ ମଶା ପ୍ରାଦୂର୍ଭାବ ମଧ୍ୟ ବଢ଼ିଯାଇଥିଲା । ଫଳରେ ଅଞ୍ଚଳବାସୀ ଅତିଷ୍ଟ ହୋଇ ପଡ଼ିଥିଲେ । ତେବେ ସଦସ୍ୟମାନେ ଶ୍ରମ ଦାନ ପୂର୍ବକ ବଣବୁଦା ସଫେଇ କରିଥିଲେ । କାର୍ଯ୍ୟକ୍ରମରେ ନମିତା ବରାଳ, ମହମ୍ମଦ ସାହିଲ, ସୌମ୍ୟରଞ୍ଜନ ଦାସ, ରବୀନ୍ଦ୍ର ପାଢ଼ୀ, ହୃଦାନନ୍ଦ ବାରିକ, ଆର୍ଶିବାଦ ବିଶ୍ୱାଳ, ରିଆଜ ଅହମ୍ମଦ ଖାନ, ହଲିମ ଖାନ, ଜଜିମ ଖାନ ପ୍ରମୁଖ ଅଂଶ ଗ୍ରହଣ କରିଥିଲେ ।
Very nice job.