ନ୍ୟୁ ଷ୍ଟିୱାର୍ଟ ସ୍କୁଲରେ ବଡ଼ଦିନ କ୍ୟାରେଲ ପାଳିତ
କଟକ(ଏନ୍.ଏମ୍.): ସ୍ଥାନୀୟ ମିଶନରୋଡ ସ୍ଥିତ ନ୍ୟୁ ଷ୍ଟିୱାର୍ଟ ସ୍କୁଲରେ ବଡ଼ଦିନ କ୍ୟାରେଲ ପାଳିତ ହୋଇଯାଇଛି । ସ୍କୁଲ ଅଧ୍ୟକ୍ଷା ଏମ. ତୃପ୍ତିରାଣୀଙ୍କ ପୌରହିତ୍ୟରେ ବିଦ୍ୟାଳୟ ପରିସରରେ ଏହି କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ଭର୍ଚ୍ଚୁଆଲ ମୋଡ଼ରେ ଆୟୋଜିତ କାର୍ଯ୍ୟକ୍ରମରେ ରେଭରେଣ୍ଟ ପରିତୋଷ ରାଉତ ପ୍ରାରମ୍ଭିକ ପ୍ରାର୍ଥନା କରିଥିଲେ । ରେଭରେଣ୍ଟ ସୌରଭ ସମ୍ପଦ ନାଗ ବଡ଼ଦିନର ଶୁଭବାର୍ତ୍ତା ପ୍ରଦାନ କରିଥିଲେ । ବିଦ୍ୟାଳୟର ଅଧ୍ୟକ୍ଷା ଏମ.ତୃପ୍ତିରାଣୀ ଛାତ୍ରଛାତ୍ରୀମାନଙ୍କୁ ବଡ଼ଦିନ ଉତ୍ସବର ଶୁଭେଚ୍ଛା ଦେଇଥିଲେ । ଶିକ୍ଷୟିତ୍ରୀ ମର୍ସି ରାଉତ ବାଇବେଲ ପାଠ କରିଥିଲେ । ବିଦ୍ୟାଳୟର ଛାତ୍ରଛାତ୍ରୀମାନଙ୍କ ଦ୍ୱାରା ସାଂସ୍କୃତିକ କାର୍ଯ୍ୟକ୍ରମ ପରିବେଷଣ କରାଯାଇଥବଲା । ସାନ୍ତକ୍ଲଜ ବିଦ୍ୟାଳୟର ଛାତ୍ରଛାତ୍ରୀମାନଙ୍କୁ ଶୁଭବାର୍ତ୍ତା ଦେବା ଚକଲେଟ ଓ ବଡ଼ଦିନ କେକ୍ ବିତରଣ କରିଥିଲେ । ଏହି ଭର୍ଚ୍ଚୁଆଲ କାର୍ଯ୍ୟକ୍ରମକୁ ଶିକ୍ଷୟିତ୍ରୀ ରୋଜାଲିନ ନାୟକ ଉପସ୍ଥାପନା କରିଥିଲେ । କାର୍ଯ୍ୟକ୍ରମରେ ବିଦ୍ୟାଳୟ ପରିଚାଳନା କମିଟି ଚେୟାରମ୍ୟାନ ବିଶପ ରାଇଟ ରେଭରେଣ୍ଟ ସୁରେନ୍ଦ୍ର କୁମାର ନନ୍ଦ, ସମ୍ପାଦକ ଅଧ୍ୟାପକ ଶୋଭନ ପଣ୍ଡାଙ୍କ ସମେତ ସମସ୍ତ ସଦସ୍ୟ, ଛାତ୍ରଛାତ୍ରୀ, ଶିକ୍ଷକ-ଶିକ୍ଷୟିତ୍ରୀ ଓ କର୍ମଚାରୀ ଉପସ୍ଥିତଥିଲେ । କାର୍ଯ୍ୟକ୍ରମକୁ ବିଦ୍ୟାଳୟର ବରିଷ୍ଠ ଶିକ୍ଷୟିତ୍ରୀ ତଥା ସଂଯୋଜିକା ସୁନିତା ବେହେରା, ସୁଲତା ବେହେରା, ସ୍କାଇଲାବ ଦାସ, ରୋଜାଲିନ ନାୟକ, ମୌସୁମୀ ଦାସ, ୟୁରେକା ବିହାରୀ ପ୍ରମୁଖ ପରିଚାଳନା କରିଥିଲେ । ସଞ୍ଜୟ କୁମାର ନାୟକ, ପ୍ରେମାଶିଷ ଜେନା, ସତ୍ୟଜିତ ପ୍ରମାଣିକ ସହାୟତା କରିଥିବାବେଳେ ଶିକ୍ଷୟିତ୍ରୀ ଆଭା ବିଶ୍ୱାଳ ଧନ୍ୟବାଦ ଦେଇଥିଲେ ।