ଜଗତପୁର ଥାନା ପକ୍ଷରୁ କାର୍ତ୍ତିକେଶ୍ୱର ପୂଜା ନେଇ ପ୍ରସ୍ତୁତି ବୈଠକ
କଟକ(ଏନ୍.ଏମ୍.): ପବିତ୍ର ଦୁର୍ଗାପୂଜା ଓ କାଳୀ ପୂଜା ପରେ ପାର୍ବଣର ଶେଷ ପର୍ଯ୍ୟାୟରେ କାର୍ତ୍ତିକେଶ୍ୱର ପୂଜା ଆରମ୍ଭ ହୋଇଛି । ପବିତ୍ର କାର୍ତ୍ତିକମାସର ଶେଷ ୫ଦିନକୁ ପଞ୍ଚକ ଭାବେ ପାଳନ କରାଯାଏ । ଏହି ସମୟରେ କଟକ ଜିଲ୍ଲାର ବିଭିନ୍ନ ସ୍ଥାନରେ କାର୍ତ୍ତିକେଶ୍ୱରଙ୍କ ପ୍ରତିମୂର୍ତ୍ତି ପୂଜା ପାଇଥାଏ । ତେବେ ଚଳିତ ବର୍ଷ କଟକ ସହର ତଥା ଜିଲ୍ଲାର ବିଭିନ୍ନ ସ୍ଥାନରେ କାର୍ତ୍ତିକେଶ୍ୱର ପୂଜା ଆରମ୍ଭ ହୋଇଛି । ତେଣୁ କଟକ ମହାନଗର ନିଗମ ଜଗତପୁର ଅଞ୍ଚଳରେ କାର୍ତ୍ତିକେଶ୍ୱର ପୂଜାକୁ ଶାନ୍ତିଶୃଙ୍ଖଳାର ସହ ପାଳନ କରିବା ନିମନ୍ତେ ବ୍ୟାପକ ପ୍ରସ୍ତୁତି ଅନୁଷ୍ଠିତ ହୋଇ ଯାଇଛି । ବିଶେଷ କରି ଜଗତପୁର ଥାନା ପକ୍ଷରୁ ଏକ ବୈଠକ ଥାନା ପରିସରରେ ଅନୁଷ୍ଠିତ ହୋଇଥିଲା । କଟକ ଡିସିପିଙ୍କ ନିର୍ଦ୍ଦେଶକ୍ରମେ ଥାନା ଅଧିକାରୀ ରବୀନ୍ଦ୍ର ନାଥ ମେହେରଙ୍କ ଅଧକ୍ଷତାରେ କଟକ ମହାନଗର ନିଗମ ଡେପୁଟି ମେୟର ଦମୟନ୍ତୀ ମାଝୀ ଓ ୪୮ନମ୍ବର ୱାର୍ଡ କର୍ପୋରେଟର ନଳିନୀ ବେହେରା ଏବଂ ବହୁ ସାହି ମୁରବୀ ଯୋଗ ଦେଇଥିଲେ । ଚଳିତ ବର୍ଷ ଏହି ଉତ୍ସବକୁ ଶାନ୍ତି ଶୃଙ୍ଖଳା ସହ ପାଳନ କରିବା ପାଇଁ ସମସ୍ତ ପୂଜା ମଣ୍ଡପର ସଭାପତି ମାନଙ୍କୁ ସୂଚନା ଦିଆଯାଇଥିଲା । ତେବେ ଜୋର ଜବରଦସ୍ତ ଚାନ୍ଦା ଆଦାୟ ନକରିବା ପାଇଁ ସମସ୍ତ ପୂଜା କମିଟିର କର୍ମକର୍ତ୍ତା ମାନଙ୍କୁ ଏହି ବୈଠକରେ ନିର୍ଦ୍ଦେଶ ଦିଆଯାଇଛି । ଏହି ବୈଠକରେ ଜଗତପୁର, ପଦ୍ମପୁର, ଗୋପିନାଥପୁର, ବାହାଦୁଲପାଟଣା ଅଞ୍ଚଳର ସମସ୍ତ ପୂଜା କମିଟି ସଭାପତି ସମେତ ସମସ୍ତ କର୍ମକର୍ତ୍ତା ଯୋଗ ଦେଇଥିଲେ । କାର୍ତ୍ତିକଶ୍ୱର ଶାନ୍ତି କମିଟି ସଭାପତି ତ୍ରିଲୋଚନ ପଣ୍ଡା, ନବକିଶୋର ସ୍ୱାଇଁ, ଅଲେଖ ଚନ୍ଦ୍ର ବେହେରା, ନିରଞ୍ଜନ ବିଶ୍ୱାଳ, ନିରୋଦ ଚନ୍ଦ୍ର ପଣ୍ଡା, ବିଚିତ୍ର ଜେନା, ବିରଞ୍ଚି ସାମଲ, ମାଧବ ବିଶ୍ୱାଳ, କାଳୀକିଙ୍କର ମୁର୍ଖାଜୀ ଓ ବିଜୟ ଭୂୟାଁ, ବିଭୁତି ବେହେରା, ଧିରେନ୍ଦ୍ର ମହାନ୍ତି, ଐଶ୍ୱର୍ଯ୍ୟ ପଣ୍ଡା, କାହ୍ନୁ ଚରଣ ଦଳାଇ, ସଚ୍ଚିଦାନନ୍ଦ ଶୁକ୍ଳଙ୍କ ସମେତ ସମସ୍ତ କର୍ମକର୍ତ୍ତା ଯୋଗ ଦେଇଥିଲେ ।