ଜଗତପୁର ଓକିଲ ସଂଘ ପକ୍ଷରୁ କୁଳବୁଦ୍ଧ ମଧୁବାବୁଙ୍କ ଜୟନ୍ତୀ
#ଜଗତପୁର(ଏନ୍.ଏମ୍.): ଜଗତପୁର ଓକିଲ ସଂଘ ତରଫରୁ ମଧୁବାବୁଙ୍କ ଜୟନ୍ତି ଉତ୍ସବ ସଂଘ ସଭାଗୃହରେ ପୀତବାସ ସାହୁଙ୍କର ସଭାପତିତ୍ୱରେ ଅନୁଷ୍ଟିତ ହୋଇଯାଇଛି । ସ୍ଥାନୀୟ ଗୋଲେଇଛକ ସ୍ଥିତ ମଧୁବାବୁଙ୍କ ପ୍ରତିମୂର୍ତ୍ତିରେ ଦିଲ୍ଲୀପ କୁମାର ସ୍ୱାଇଁଙ୍କ ନେତୃତ୍ୱରେ ପୁଷ୍ପମାଲ୍ୟ ପ୍ରଦାନ କରାଯାଇଥିଲା । ସେଠାରୁ ଏକ ବାଇକ ଶୋଭାଯାତ୍ରାରେ ଓକିଲମାନେ ବାହାରି ମଧୁବାବୁଙ୍କ ଜନ୍ମସ୍ଥାନ ପାଗା ସତ୍ୟଭାମା ପୁର ପର୍ଯ୍ୟନ୍ତ ଯାଇଥିଲେ । ସନ୍ଧ୍ୟା ସମୟରେ ଆୟୋଜିତ ସଭାରେ କଟକ ସିଭିଲ ବାରର ସାଧାରଣ ସମ୍ପାଦକ ଦିଲ୍ଲୀପ କୁମାର ସ୍ୱାଇଁ, କଟକ କ୍ରିମିନାଲ ବାରର ସଭାପତି ଧ୍ରୁବଚରଣ ରାଉତ ଓ ସାଧାରଣ ସମ୍ପାଦକ ସ୍ମୁତିରଞ୍ଜନ ରାଉତ ଅତିଥି ଭାବେ ଯୋଗଦେଇ ମଧୁବାବୁଙ୍କ ଜୀବନୀ ସମ୍ପର୍କରେ ବିଭିନ୍ନ ତଥ୍ୟ ମାନ କହିଥିଲେ । ସଂଘ ପକ୍ଷରୁ ସତ୍ୟରଞ୍ଜନ ମୂଳିଆ, ସୁଧାଂଶୁଭୂଷଣ ଦାସ, ବିକାଶ ରାଉତରାୟ, କୃଷ୍ଣଚନ୍ଦ୍ର ସାହୁ, ଗୟାଚନ୍ଦ୍ର ପରିଡା, କିଶୋର କୁମାର ସାହୁ, ପୀତବାସ ସାହୁ, ଋଷି ବେହେରା, ସନ୍ତୋଷ କୁମାର ମହାନ୍ତି, ସ୍ମୁତିରଞ୍ଜନ ପରିଜା, ଜୀବନ ପ୍ରଧାନ ଓ କାଳନ୍ଦୀ କୁମାର ରାଉତ ପ୍ରମୁଖ ଉପସ୍ଥିତ ରହି ମଧୁବାବୁଙ୍କ ଜୀବନୀ ସମ୍ପର୍କରେ ଆଲୋକ ପାତ କରିଥିଲେ । ଆଇନଜୀବୀ ନିରୋଦ ଚନ୍ଦ୍ର ପଣ୍ଡା ଧନ୍ୟବାଦ ଦେଇଥିଲେ ।