ଚୌଦ୍ୱାର କଲେଜ ମହିଳା ହଷ୍ଟେଲ ୱାଡେନ୍ କ୍ୱାଟରରେ ଅଗ୍ନିକାଣ୍ଡ
ଚୌଦ୍ୱାର(ଏନ୍.ଏମ୍.): ଆଜି ପ୍ରତ୍ୟୁଷରୁ ଚୌଦ୍ୱାର କଲେଜ ମହିଳା ହଷ୍ଟେଲ ସଂଲଗ୍ନ ୱାଡେନ କ୍ୱାଟରରେ ଏକ ଅଗ୍ନିକାଣ୍ଡ ଘଟିଯାଇଛି । ନିଆଁ ଲାଗିବା ସମୟରେ ୱାଡେନର ଇତିହାସ ବିଭାଗର ଅଧ୍ୟାପକ ବସନ୍ତ କୁମାର ବିଶ୍ୱାଳ ଘରେ ଅନୁପସ୍ଥିତ ଥିଲେ । ନିବୁଜ କୋଠରୀ ଭିତରୁ ଧୂଆଁ ବାହାରୁଥିବାର ଦେଖି କଲେଜର କିଛି ଅଧ୍ୟାପକ କର୍ମଚାରୀ ଘଟଣା ସ୍ଥଳରେ ପହଁଞ୍ଚି ଥିଲେ । ଅଧ୍ୟକ୍ଷଙ୍କ ଅନୁମତି ନେଇ କବାଟରେ ପଡିଥିବା କୋଲପଟିକୁ ଭଙ୍ଗା ଯାଇଥିଲା । ଖବରପାଇ ଦମକଳ ବାହିନୀ ପହଁଞ୍ଚି ନିଆଁକୁ ଆୟତ୍ତ କରିଥିଲା । ଅଗ୍ନିକାଣ୍ଡ ହେତୁ ଘରର ଅନେକ ଆସବାବପତ୍ର ପୋଡି ପାଉଁଶ ହୋଇ ଯାଇଛି । ସମୁଦାୟ ଘରକୁ ଆୟତ୍ତ କରିବା ପୂର୍ବରୁ ନିଆଁ ନିଭାଳି ଦଳ ନିଆଁକୁ ପ୍ରଥମେ ପ୍ରତିରୋଧ କରିଥିଲେ । କଲେଜର ଅଧ୍ୟକ୍ଷ ଡକ୍ଟର ଉମେଶ ଚନ୍ଦ୍ର ଦେବତା ଘଟଣାସ୍ଥଳରେ ଉପସ୍ଥିତ ରହି ସମୁଦାୟ ଘଟଣାକୁ ନିୟନ୍ତ୍ରଣ କରୁଥିଲେ । ଅନ୍ୟମାନଙ୍କ ମଧ୍ୟରେ କଲେଜର ଅଧ୍ୟାପକ ସୁମନ୍ତ କୁମାର ସାହୁ, ଯୁକ୍ତେଶ୍ୱର ଦାସ, ଚନ୍ଦ୍ରଶେଖର ପଣ୍ଡା, ପ୍ରାଧ୍ୟାପକ ଶରତ କୁମାର ମଲ୍ଲିକ, ପ୍ରଭାକର ମିଶ୍ର, ଚିତ୍ତରଞ୍ଜନ ଦାସ, ଗ୍ରନ୍ଥାଗାରିକ ନଗେନ୍ଦ୍ର ନାଥ ପରିଡା ଓ କର୍ମଚାରୀମାନଙ୍କ ମଧ୍ୟରେ ଅଶୋକ କୁମାର ଦାସ, ସୂର୍ଯ୍ୟକାନ୍ତ, ଲକ୍ଷ୍ମୀଧର ପ୍ରମୁଖ ଉପସ୍ଥିତ ରହି ନିଆଁ ଲିଭାରେ ସହଯୋଗ କରିଥିଲେ ।