ଗ୍ୟାସ ସିଲିଣ୍ଡର ଲିକ୍ ହୋଇ ଅଗ୍ନିକାଣ୍ଡ, ୩ ଗୁରୁତର
#କଟକ(ଏନ୍.ଏମ୍.): ଗ୍ୟାସ ସିଲିଣ୍ଡର ଲିକ୍ ଯୋଗୁଁ ଅଗ୍ନିକାଣ୍ଡ ଘଟିବା ଭଳି ଦୁର୍ଘଟଣା ଘଟିଛି କଟକ ସହରର ପିଠାପୁର ଅଞ୍ଚଳରେ । ଗ୍ୟାସ ଲିକ ହୋଇ ନିଆଁ ଲାଗିଯିବା ଯୋଗୁଁ ଏଥିରେ ୩ ଜଣ ଗୁରୁତର ହୋଇଥିବା ଜଣାଯାଇଛି । କଟକ ପିଠାପୁର ତାରାଚାନ୍ଦପାଟଣା ଅଞ୍ଚଳରେ ଆଜି ସକାଳୁ ଏପରି ଅଭାବନୀୟ ଘଟଣା ଘଟିଛି । ଆହତଙ୍କ ପରିଚୟ ମିଳି ପାରିନି । ଆଜି ସକାଳେ ଅଚାନକ ଘରୋଇ ଗ୍ୟାସ ସିଲିଣ୍ଡର ଲିକ୍ ଯୋଗୁଁ ନିଆଁ ଲାଗିଯାଇଥିବା ଜଣାପଡ଼ିଛି । ସେମାନଙ୍କୁ ତୁରନ୍ତ କଟକ ବଡ ମେଡିକାଲରେ ଭର୍ତ୍ତି କରାଯାଇଛି । ନିଆଁ ଲାଗିଥିବା ଖବର ପାଇ ଅଗ୍ନିଶମ ବାହିନୀ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିଛନ୍ତି ।