କଟକରେ ମଧୁବାବୁଙ୍କ ଜୟନ୍ତୀ ଉତ୍ସବ
କଟକ(ଏନ୍.ଏମ୍.): କୁଳବୃଦ୍ଧ ମଧୁସୂଦନ ଦାସଙ୍କ ୧୭୪ତମ ଜୟନ୍ତୀ ଉପଲକ୍ଷେ କଟକର ବିଭିନ୍ନ ସ୍ଥାନରେ ମଧୁଜୟନ୍ତୀ ପାଳିତ ହୋଇଯାଇଛି । ମଧୁ ସ୍ମୃତି ସୁରକ୍ଷା ସଂସ୍ଥାନ ପକ୍ଷରୁ ମଧୁ ଜୟନ୍ତୀ ଉତ୍ସବ କଟକସ୍ଥିତ ତାଙ୍କ ବାସଭବନ ମଧୁସୂଦନ ସଂଗ୍ରହାଳୟ ଠାରେ ଅନୁଷ୍ଠିତ ହୋଇଯାଇଛି । ଏହି ଅବସରରେ ଉପସ୍ଥିତ ଅତିଥିମାନେ ମଧୁବାବୁଙ୍କୁ ପ୍ରତିମୂର୍ତ୍ତିରେ ପୁଷ୍ପମାଲ୍ୟ ଅର୍ପଣ ପରେ ଏକ ସ୍ମୃତି ସଭା ଅନୁଷ୍ଠିତ ହୋଇଥିଲା । ଶଶିଭୂଷଣ ଦାସଙ୍କ ଅଧ୍ୟକ୍ଷତାରେ ଆୟୋଜିତ ଉକ୍ତ ସଭାରେ ବରିଷ୍ଠ ସାମ୍ବାଦିକ ତଥା ଖଣ୍ଡପଡ଼ା ବିଧାୟକ ସୌମ୍ୟରଞ୍ଜନ ପଟ୍ଟନାୟକ ଯୋଗଦେଇ ଓଡ଼ିଆ ଭାଷା ଓ ଓଡିଶା ପାଇଁ ପ୍ରତ୍ୟକ ଓଡ଼ିଆଙ୍କ ମଧ୍ୟରେ ଅସ୍ମିତା ରହୁ, ମଧୁସୂଦନ ଏ ଜାତିର ସ୍ୱାଭିମାନ ଓ ଜଣେ ପ୍ରକୃତ ଓଡ଼ିଆ ଥିଲେ ବୋଲି କହିଲେ । ଉକ୍ତ ସଭାରେ ବାରବାଟୀ-କଟକ ବିଧାୟକ ମହମଦ ମୋକିମ, କଟକ ମେୟର ସୁବାସ ସିଂ, ଚଳଚ୍ଚିତ୍ର ନିଗମ ଅଧକ୍ଷ କୁନା ତ୍ରିପାଠୀ, ଉତ୍କଳ ସମ୍ମିଳନୀ ରାଜ୍ୟ ସଭାପତି ଅଦ୍ୱୈତ ପାତ୍ର ପ୍ରମୁଖ ଯୋଗଦେଇ ତାଙ୍କର ବହୁମୂଲ୍ୟ ପ୍ରସ୍ତାବ ରଖିବା ସହିତ ମଧୁବାବୁଙ୍କ ସ୍ମୃତି ଚରଣ କରିଥିଲେ । ମଧୁ ସ୍ମୃତି ସୁରକ୍ଷା ସଂସ୍ଥାନ ସଭାପତି ତାଙ୍କର ଦାବି ରଖି କହିଥିଲେ ଯେ, ମଧୁ ଜୟନ୍ତୀ ଦିନଟିକୁ ଓଡ଼ିଆ ଦିବସ ରୂପେ ସରକାରୀସ୍ତରରେ ଘୋଷଣା କରା ଯିବା ସହିତ ସଂଗ୍ରାହାଳୟରେ ପାନୀୟ ଜଳ ବ୍ୟବସ୍ଥା ଓ ମଧୁବାବୁଙ୍କ ଯାଦୁଘର ଯାହା ପୂର୍ବରୁ ପ୍ରସ୍ତାବ ଥିଲା ତୁରନ୍ତ କାର୍ଯ୍ୟକାରୀ କରାଯାଉ । ଉକ୍ତ ସଭାରେ ଶୈଳବାଳା ମହିଳା ବିଦ୍ୟାଳୟର ଅଧକ୍ଷା ପ୍ରଫେସର ଡକ୍ଟର ସୁରେଖା ସ୍ୱାଇଁ, ଉତ୍କଳ ସମ୍ମିଳନୀ ସମ୍ପାଦକ କିଶୋର ମହାନ୍ତି, ଯୁବ ବାହିନୀ ସଂଯୋଜକ ସନ୍ତୋଷ ମହାରଣା, ଆଇନିଜୀବୀ ଜଗନାଥ ମହାନ୍ତି, ଉପେନ୍ଦ୍ର ବେହେରା, ନୀଳିମା ପ୍ରିୟଦର୍ଶିନୀ, ଜୟେ ଜଗନାଥ ସେବା ଟ୍ରଷ୍ଟଓ କଟକର ବିଶିଷ୍ଟ ବ୍ୟକ୍ତି ମାନେ ଉପସ୍ଥିତ ରହି ଶ୍ରଧାଞ୍ଜଳି ଅର୍ପଣ କରିଥିଲେ ସର୍ବଶେଷ ଅନୁଷ୍ଠାନର ମହାସଚିବ ଜ୍ଞାନ ରଞ୍ଜନ ସାମନ୍ତରାୟ ଧନ୍ୟବାଦ ଦେଇଥିଲେ ।
ଚୌଦ୍ୱାର-କଟକ ବିଜେଡ଼ି: ଉତ୍କଳ ଗୌରବ ମଧୁସୂଦନ ଦାସଙ୍କର ୧୭୪ ତମ ଜନ୍ମ ବାର୍ଷିକୀ ଅବସରରେ କଟକ ମଧୁସୂଦନ ଆଇନ ମହାବିଦ୍ୟାଳୟ ପରିସରରେ ମଧୁବାବୁଙ୍କ ପ୍ରତିମୂର୍ତ୍ତୀରେ ଚୌଦ୍ୱାର-କଟକ ବିଜୁଜନତା ଦଳର ନେତୃମଣ୍ଡଳୀ ମାନେ ପୁଷ୍ପମାଲ୍ୟ ଅର୍ପଣ କରିଥିଲେ । ଏଥିରେ ସାଧାରଣସଂପାଦକ ତାପସ ମହାନ୍ତି, ଉପ-ସଭାପତି ରାଜେନ୍ଦ୍ର ରଣା, ପ୍ରାକ୍ତନ କର୍ପୋରେଟର ପବିତ୍ର କୁମାର ଭୂୟାଁ, ସଂପାଦକ ସୁକାନ୍ତ ସାହୁ, ମନୋରଞ୍ଜନ ସାହୁ, ମହମ୍ମଦ ଫରିଦ୍, ଅଶୋକ ବେହେରା, ସଂଜୀବ ଦାସ, ଅଞ୍ଜନ ପାତ୍ର, ଶୁଭେନ୍ଦୁ ସେନଗୁପ୍ତା, ବିଭୁତି ସ୍ୱାଇଁ, ଚିତ୍ତରଞ୍ଜନ ବସନ୍ତରାୟ, କ୍ଷମାନିଧି ବେହେରା, ସନାତନ ନାୟକ, ନିହାର ରଞ୍ଜନ ଦାସ, ବିବେକାନନ୍ଦ ସିଂ ଓ ଛାତ୍ର ନେତା ଦିଲ୍ଲିପ ଧୀରସାମନ୍ତ ପ୍ରମୁଖ ଉପସ୍ଥିତ ଥିଲେ ।
୪୬ନମ୍ବର ୱାର୍ଡ କଂଗ୍ରେସ କମିଟି: କଟକ ମହାନଗର ନିଗମ ୪୬ନମ୍ବର ୱାର୍ଡ଼ କଂଗ୍ରେସ କମିଟି ପକ୍ଷରୁ ଓଡ଼ିଆ ଜାତିର ସ୍ୱାଭିମାନ ତଥା ସ୍ୱତନ୍ତ୍ର ଓଡିଶା ପ୍ରଦେଶ ଗଠନର ମୁଖ୍ୟ ପୁରୋଧା ଉତ୍କଳ ଗୌରବ ମଧୁସୂଦନ ଦାସଙ୍କ ଜୟନ୍ତୀ ପାଳିତ ହୋଇଯାଇଛି । ୱାର୍ଡ଼ କଂଗ୍ରେସ ନେତାଅଜୟ ଗୋଚ୍ଛାୟତଙ୍କ ପୌରହିତ୍ୟରେ ଅନୁଷ୍ଠିତ ହୋଇଯାଇଛି । ଉକ୍ତ ବୈଠକରେ ୱାର୍ଡ ସଭାପତି ସୌମେନ୍ଦ୍ର ମହାନ୍ତିଙ୍କ ଅଧ୍ୟକ୍ଷତାରେ ଆୟୋଜିତ ହୋଇଥିବାବେଳେ ଅନ୍ୟମାନଙ୍କ ମଧ୍ୟରେ ମୁରବି ଜୟନାରାୟଣ ତ୍ରିପାଠୀ, ପ୍ରତାପ ଚନ୍ଦ୍ର ପରିଡା, ଟନେଇ ଭାଇ ଯୁବ ନେତା ବିଭୂତି ସ୍ୱାଇଁ, ଶିବଶଙ୍କର ଜେନା, ପ୍ରଦୀପ ସ୍ୱାଇଁ, ଆଲୋକ ମହାନ୍ତି ସିପ୍ରା ଗୋଚ୍ଛାୟତ ପ୍ରମୁଖ ଉପସ୍ଥିତ ଥିଲେ । ୱାର୍ଡ ସମ୍ପାଦକ ଦିଲ୍ଲୀପ କୁମାର ନାୟକ ଧନ୍ୟବାଦ ଅର୍ପଣ କରିଥିଲେ ।