ଅନ୍ନଦାପ୍ରସାଦ ରାୟଙ୍କ ଷଷ୍ଠବାର୍ଷିକ ଶ୍ରାଦ୍ଧତ୍ସୋବ
କଟକ(ଏନ୍.ଏମ୍.): ସ୍ଥାନୀୟ ନୂଆପଡା ବାଲିସାହି ଆଦିବାସୀ ବସ୍ତିରେ ବିଶିଷ୍ଟ ସମାଜସେବୀ, ଲେଖକ ସାମ୍ବାଦିକ ତଥା ଉତ୍କଳ ସାହିତ୍ୟ ସମାଜର ପୂର୍ବତନ ସଭାପତି ଅନ୍ନଦା ପ୍ରସାଦ ରାୟଙ୍କ ଷଷ୍ଠତମ ଶ୍ରାଦ୍ଧବାର୍ଷିକୀ ପାଳିତ ହୋଇଯାଇଛି । ଏହି ଅବସରରେ ପ୍ରତ୍ୟୁଷରୁ କାଠଯୋଡ଼ି ନଦୀରେ ତିଳତର୍ପଣ କରାଯାଇଥିଲା । ସନ୍ଧ୍ୟା ସମୟରେ ସ୍ୱର୍ଗତ ରାୟଙ୍କ ଫଟୋଚିତ୍ରରେ ମାଲ୍ୟାର୍ପଣ କରାଯାଇଥିଲା । ଏହି ଅବସରରେ ସ୍ୱର୍ଗତ ରାୟଙ୍କ ଶିଷ୍ୟ ତଥା ବସ୍ତି ନେତା ବୃନ୍ଦାବନ ଦାସ ଆଜାଦଙ୍କ ସଭାପତିତ୍ୱରେ ଏକ ସଭାର ଆୟୋଜନ କରା ଯାଇଥିଲା । କାର୍ଯ୍ୟକ୍ରମରେ ଉପସ୍ଥିତ ବକ୍ତାମାନେ ସ୍ୱର୍ଗତ ରାୟଙ୍କ ସାମ୍ବାଦିକତା, ଲେଖକୀୟ ସୃଷ୍ଟି, ରାଜନୈତିକ ଜୀବନର ଉଚ୍ଚ ମୂଲ୍ୟବୋଧ ଉପରେ ଆଲୋକପାତ କରିଥିଲେ । କାର୍ଯ୍ୟକ୍ରମକୁ ସଞ୍ଜୟ ନାୟକ, ଶରତ ବିଶ୍ୱାଳ, ମଙ୍ଗୁ ବିଶ୍ୱାଳ, ବେଣୁଧର ବେହେରା, ମୁନ୍ନା ସାହୁ, ବିକି ନାୟକ, ସାଧୁ ହେମ୍ବ୍ରମ, ପାର୍ବତୀ ମୁର୍ମୁ, ଲକ୍ଷ୍ମୀ ମୁର୍ମୁ, ମାତି ମୁର୍ମୁ ପ୍ରମୁଖ ପରିଚାଳନା କରିଥିଲେ ।