ରୂପାନ୍ତରିତ ନିମନ୍ତେ ଚୌଦ୍ୱାର ମହାବିଦ୍ୟାଳୟକୁ ୧କୋଟି ୨୫ ଲକ୍ଷ ସରକାରୀ ଅନୁଦାନ
ଚୌଦ୍ୱାର(ଏନ୍.ଏମ୍.): ଉଚ୍ଚଶିକ୍ଷା କ୍ଷେତ୍ରରେ ବୈପ୍ଳବିକ ପରିବର୍ତ୍ତନ ଆଣିବା ପାଇଁ ରାଜ୍ୟ ସରକାର ରାଜ୍ୟର ସମସ୍ତ ମହାବିଦ୍ୟାଳୟ ଗୁଡ଼ିକର ବିଭିନ୍ନ ବିକାଶ ପାଇଁ ଅନୁଦାନ ଘୋଷଣା କରିଛନ୍ତି । ରାଜ୍ୟ ସରକାରଙ୍କ ୨୦୨୩ ଅଗଷ୍ଟ ୭ ତାରିଖ ଚିଠି ନମ୍ବର୍ ୧୪୫୭୪, ଅନୁଯାୟୀ ମୁଖ୍ୟମନ୍ତ୍ରୀଙ୍କ ସ୍ୱତନ୍ତ୍ର ସହାୟତା ଯୋଜନାରେ ରାଜ୍ୟ ବିଭିନ୍ନ ମହାବିଦ୍ୟାଳୟ ଗୁଡ଼ିକୁ ମୋଟ ୨୪କୋଟି ୫୦ ଲକ୍ଷ ଅର୍ଥରାଶି ସହାୟତା ପ୍ରଦାନ କରିଛନ୍ତି । ଏହି ପରିପେକ୍ଷୀରେ ଚୌଦ୍ୱାର ମହାବିଦ୍ୟାଳୟକୁ ମଧ୍ୟ ୧କୋଟି ୨୫ଲକ୍ଷ ଟଙ୍କାର ଅର୍ଥରାଶି ପ୍ରଦାନ କରାଯାଇଛି । ଏହି ଅର୍ଥରେ ମହାବିଦ୍ୟାଳୟର ଭିତ୍ତିଭୂମି ନିର୍ମାଣ କରିବା ଯଥା ସ୍ମାର୍ଟ୍ ଶ୍ରେଣୀଗୃହ, ଇ-ଲାଇବ୍ରେରୀ, ଉନ୍ନତ ଶୌଚାଳୟ, ଉନ୍ନତ ଧାରଣର କ୍ଲାସ୍ ରୁମ୍, ବିଜ୍ଞାନଗାର, ଉତ୍ତମ ପାନୀୟ ଜଳ, ଖେଳ ପଡିଆ ସହିତ ଅନେକଗୁଡ଼ିଏ ଉନ୍ନତି କରଣ କରାଯିବା ପାଇଁ ନିର୍ଦ୍ଦେଶ ଦିଆଯାଇଛି । ତେବେ ଏହି ଅନୁଦାନ ଘୋଷଣା ପରେ ମୁଖ୍ୟମନ୍ତ୍ରୀଙ୍କ ସମେତ ସ୍ଥାନୀୟ ବିଧାୟକ, ପୂର୍ବତନ ବିଧାୟକ, ମହାବିଦ୍ୟାଳୟର ଅନେକ ସହଯୋଗୀଙ୍କ ସମେତ ବହୁ ବ୍ୟକ୍ତି ବିଶେଷ ମାନଙ୍କୁ ମହାବିଦ୍ୟାଳୟ ତରଫରୁ କୃତଜ୍ଞତା ଦିଆଯାଇଛି ।