ମୁମ୍ବାଇ: ‘ଛିଛୋରେ’ ସମେତ ଅନେକ ହିନ୍ଦୀ ଫିଲ୍ମରେ କାମ କରିଥିବା ଅଭିନେତ୍ରୀ ଅଭିଳାଷା ପାଟିଲଙ୍କ କରୋନା କାରଣରୁ ଦେହାନ୍ତ ହୋଇଛି । ମୃତ୍ୟୁ ବେଳକୁ ତାଙ୍କୁ ୪୭ ବର୍ଷ ବୟସ ହୋଇଥିଲା । ଅଭିଳାଷା ଶୁଟିଂ ପାଇଁ ବାରଣାସୀରେ ଥିଲେ, କିନ୍ତୁ ମୁମ୍ବାଇ ଫେରିବା ପରେ ତାଙ୍କ ଭିିତରେ କୋଭିଡ୍-୧୯ ଲକ୍ଷଣ ଦେଖା ଦେଇଥିଲା । ସେ ନିଜର କରୋନା ଟେଷ୍ଟ କରାଯାଇଥିଲା, ଯେଉଁଥିରେ ରିପୋର୍ଟ ପଜିଟିଭ୍ ଆସିଥିଲା ।
ତେବେ ଗତ କିଛି ଦିନ ତଳେ ତାଙ୍କ ସ୍ୱାସ୍ଥବସ୍ଥା ବିଗିଡ଼ି ଯାଇଥିଲା, ଯେଉଁ ତାଙ୍କୁ ଆଇସିୟୁର ଆଡମିଟ୍ କରାଯାଇଥିଲା । ଦିନକୁ ଦିନ ତାଙ୍କ ସ୍ୱାସ୍ଥ୍ୟ ସଙ୍କଟାପନ୍ନ ହେବାରେ ଲାଗିଲା । କିଛି ଦିନ ସଂଘର୍ଷ କରିବା ପରେ ଶେଷରେ ସେ କରୋନା ଯୁଦ୍ଧରେ ହାରି ଗଲେ । ମୃତ୍ୟୁ ବେଳକୁ ତାଙ୍କ ପାଖରେ ତାଙ୍କ ମା’ ଓ ପୁଅ ଉପସ୍ଥିତ ଥିଲେ । ତାଙ୍କ ଦେହାନ୍ତ ଖବର ପାଇବା ପରେ ତାଙ୍କ ନିକଟ ବନ୍ଧୁ ଓ ଫ୍ୟାନ୍ ଦୁଃଖିତ ହୋଇଛନ୍ତି । ସୋଶାଲ ମିଡିଆରେ ତାଙ୍କ ଫ୍ୟାନ୍ ଗଭୀର ଶୋକ ବ୍ୟକ୍ତ କରିଛନ୍ତି ।