ସାଲେପୁର ନିର୍ବାଚନ ମଣ୍ଡଳୀରେ ପ୍ରବାଦ ପୁରୁଷ ବିଜୁ ପଟ୍ଟନାୟକ ୧୦୭ ତମ ଜୟନ୍ତୀ
#ଟାଙ୍ଗୀ(ଏନ୍.ଏମ୍.): ସାଲେପୁର ନିର୍ବାଚନ ମଣ୍ଡଳୀର ଯୁବ ନେତା ହିମାଂଶୁ ମହାନ୍ତିଙ୍କ ନେତୃତ୍ୱରେ ପ୍ରବାଦ ପୁରୁଷ ବିଜୁ ପଟ୍ଟନାୟକଙ୍କ ୧୦୭ତମ ଜୟନ୍ତୀ ପାଳିତ ହୋଇଯାଇଛି । ଏହି ଉପଲକ୍ଷେ ଆୟୋଜିତ ବାଇକ ରାଲି ସ୍ଥାନୀୟ ଜଗତପୁର ଖଇରା ପୋଲ ନିକଟରୁ ଆରମ୍ଭ ହୋଇ ସାଲେପୁର ଅଞ୍ଚଳରେ ଶେଷ ହୋଇଥିଲା । ଏଥିରେ ଶତାଧିକ ସମର୍ଥକଙ୍କ ସହିତ ଏକ ଖୋଲା ଜିପରେ ଶ୍ରୀ ମହାନ୍ତି ଅଞ୍ଚଳ ପରିକ୍ରମା କରିବା ସହିତ ଜନସାଧାରଣଙ୍କୁ ବିଜୁବାବୁଙ୍କ ବିରତ୍ୱର ଗାଥା ସମ୍ପର୍କରେ ଆଲୋକପାତ କରିଥିଲେ । ଏହି ଶୋଭାଯାତ୍ରା ସମୟରେ ବିଜୁ ବାବୁ ଓ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଜୟ ଜୟ ଗାନରେ ଶ୍ରୀ ମହାନ୍ତିଙ୍କ ସମର୍ଥକମାନେ ଗଗନ ପବନ ପ୍ରକମ୍ପିତ କରିଦେଇଥିଲେ । ସାଲେପୁର ଠାରେ ଅବସ୍ଥିତ ବିଜୁ ପଟ୍ଟନାୟକଙ୍କ ମୂର୍ତ୍ତିରେ ପୁଷ୍ପମାଲ୍ୟ ଦେଇ ଏହି ଶୋଭାଯାତ୍ରା ଶେଷ ହୋଇଥିଲା । ତେବେ ଏହି ବାଇକ ରାଲିରେ ନିଜର ହଜାର ହଜାର ସମର୍ଥକଙ୍କ ସହଯୋଗ ଫଳରେ ନିଜର ସାଂଗଠନିକ ଦକ୍ଷତାର ଏକ ବିରାଟ ପ୍ରମାଣ ଜାହିର କରିପାରିଛନ୍ତି । ଶ୍ରୀ ମହାନ୍ତି ସ୍ଥାନୀୟ ନିବର୍ଚନ ମଣ୍ଡଳୀରେ ଯୁବ ନେତା ଭାବେ ନିଜର ଦବଦବା ରଖିଥିବାବେଳେ ଆଗାମୀ ନିର୍ବାଚନ ଲାଗି ନିଜକୁ କିଭଳି ପ୍ରସ୍ତୁତ ରହିବେ ତାହା ପୂର୍ବରୁ ନିଜର ଶକ୍ତି ପ୍ରଦର୍ଶନ କରିଥିବା ରାଜନୈତିକ ମହଲରେ ଚର୍ଚ୍ଚା ହେଉଛି ।