ସନ୍ଦେହ ଜନକ ଅବସ୍ଥାରେ ବରିଷ୍ଠ ସାମ୍ବାଦିକ ନବୀନ ଦାସଙ୍କ ପୁଅଙ୍କ ମୃତହେହ ଉଦ୍ଧାର
#ଭୁବନେଶ୍ୱର (ଏନ୍.ଏମ୍.): ବରିଷ୍ଠ ସାମ୍ବାଦିକ ନବୀନ ଦାସଙ୍କ ବଡ଼ ପୁଅ ମନୀଷ ଅନୁରାଗ(ଗୁଡ଼ୁ)ଙ୍କ ମୃତଦେହ ଉଦ୍ଧାର ହୋଇଛି । ଭୁବନେଶ୍ୱର ଉପକଣ୍ଠ ପାତ୍ରପଡ଼ା ଗାଁର ଏକ ପୋଖରୀରୁ ସନ୍ଦେହଜନକ ଅବସ୍ଥାରେ ମୃତଦେହ ମିଳିଛି । ଗତ କାଲି ରାତିରୁ ଅନୁରାଗ ନିଖୋଜ ଥିଲେ । କିନ୍ତୁ ଆଜି ତାଙ୍କର ମୃତଦେହ ଭାସୁଥିବା ଦେଖିବାକୁ ମିଳିଥିଲା । ସାମ୍ବାଦିକ ଶ୍ରୀ ଦାସଙ୍କ ପୁଅର ମୃତ୍ୟୁ କେମିତି ଘଟିଲା, ତାହା ନେଇ ବିଭିନ୍ନ ମହଲରେ ସନ୍ଦେହ ଉପୁଜିଛି । ତେବେ ଘଟଣାକୁ ନେଇ ଭୁବନେଶ୍ୱର ଡିସିପି ଉମାଶଙ୍କର ଦାଶ କହିଛନ୍ତି, ମନୀଷଙ୍କ ନିଖୋଜ ହେବା ନେଇ ଆଜି ସକାଳେ ଇନଫୋସିଟି ଥାନାରେ ଅଭିଯୋଗ ମଧ୍ୟ ହୋଇଛି । ଗତକାଲି ସନ୍ଧ୍ୟାରେ ମନୀଷ ଶେଷଥର ଲାଗି ଇନଫୋସିଟି ଥାନା ଅଞ୍ଚଳରେ ଥିଲେ ଏବଂ ସେଠାରେ ଦୁଇ ଜଣ ଯୁବକଙ୍କ ସହିତ ସେ କାର୍ ଯୋଗେ ଆସିଥିବା ମନୀଷ ତାଙ୍କ ବାପାଙ୍କୁ ଫୋନ୍ କରି ଜଣାଇଥିଲେ । ହେଲେ ଆଜି ତାଙ୍କର ମୃତଦେହ ମିଳିଥିବା ନେଇ ଗାଁ ଲୋକେ ଥାନାକୁ ଖବର ଦେଇଥିଲେ । ଖବର ପାଇ ପୁଲିସ ମୃତଦେହକୁ ଉଦ୍ଧାର କରି ବ୍ୟବଚ୍ଛେଦ ନିମନ୍ତେ ପଠାଇବା ସହ ତହନ୍ତ ଆରମ୍ଭ କରିଛି । ତେବେ ମନୀଷଙ୍କ ମୃତ୍ୟୁକୁ ନେଇ ବିଭିନ୍ନ ମହଲରେ ଚର୍ଚ୍ଚା ହେଉଛି । ଜଣେ ବରିଷ୍ଠ ସାମ୍ବାଦିକଙ୍କ ପୁଅ ସଂଧ୍ୟାରେ ନିଖୋଜ ହେବା ଏବଂ ପରଦିନ ମୃତଦେହ ଉଦ୍ଧାର କରାଯିବା ଘଟଣା ସହଜରେ ହଜମ ହେଉନଥିବା ବୁଦ୍ଧିଜୀବୀମାନେ ମତବ୍ୟକ୍ତ କରିବା ସହ ଏହାର ଉପଯୁକ୍ତ ତଦନ୍ତ କରାଯିବା ଉଚିତ ବୋଲି ମତପ୍ରକାଶ ପାଇଛି ।