ମା’ଶାରଦା ଯୁବ ସଂଘ ପକ୍ଷରୁ ପ୍ରିମିୟର ଲିଗ କ୍ରିକେଟ
#କଟକ(ଏନ୍.ଏମ୍.): ସ୍ଥାନୀୟ ଶିଖରପୁର ସ୍ଥିତ କୋରପୋଖରୀ ଅଞ୍ଚଳରେ ମା’ ଶାରଦା ଯୁବକ ସଂଘ ପକ୍ଷରୁ କୋରପୋଖରୀ ପ୍ରିମିୟର ଲିଗ କ୍ରିକେଟ ଟୁର୍ଣ୍ଣାମେଣ୍ଟ ଅନୁଷ୍ଠିତ ହୋଇ ଯାଇଛି । ଏହି ଟୁର୍ଣ୍ଣାମେଣ୍ଟରେ ଫାଇନାଲ୍ ମ୍ୟାଚରେ ୬ ଓଭର ୧୨୩ ରନର ପିଛା କରି ମା’ ଷୋଳ ପୁଅ ମା’ ଦଳ ବିନା କୌଣସି ୱିକେଟ ବିନିମୟରେ ସିଦ୍ଧିବିନାୟକ ଦଳକୁ ପରାସ୍ତ କରି ଚାମ୍ପିୟନ ହେବା ସହ ନଗଦ ୨୧ହଜାର ଟଙ୍କାର ପୁରସ୍କାର ରାଶି ସହ ଟ୍ରଫି ହାସଲ କରିଥିଲେ । ସିଦ୍ଧିବିନାୟକ ରନର୍ସଅପ୍ ହେବା ସହ ୧୧ହଜାର ଟଙ୍କାର ପୁରସ୍କାର ରାଶି ଗ୍ରହଣ କରିଥିଲେ । ଏହି ଟୁର୍ଣ୍ଣାମେଣ୍ଟରେ ଶିଖରପୁର ଅଞ୍ଚଳର ବରିଷ୍ଠ କଂଗ୍ରେସ ନେତା ଅଜୟ ଗୋଚ୍ଛାୟତ ମୁଖ୍ୟଅତିଥି ଭାବେ ଯୋଗ ଦେଇ ସମସ୍ତ ଆୟୋଜକ ଏବଂ ଖେଳାଳୀଙ୍କୁ ଉନ୍ନତ ଭବିଷ୍ୟତ କାମନା କରି ଉତ୍ସାହିତ କରିବା ସହ ବିଜୟୀ ଦଳକୁ ପୁରସ୍କୃତ କରିଥିଲେ । ଅନ୍ୟ ଅତିଥିମାନଙ୍କ ମଧ୍ୟରେ ୪୧ନମ୍ବର ୱାର୍ଡ କର୍ପୋରେଟର ସ୍ୱର୍ଣ୍ଣପ୍ରଭା ପଶାୟାତ, ସମାଜସେବୀ ରାମା ରାଓ, ଦୁଇ ପୂର୍ବତନ ଚୌଦ୍ୱାର-କଟକ ଯୁବ କଂଗ୍ରେସ ସଭାପତି ସ୍ମୃତିରଞ୍ଜନ ରାଉତ ଓ ସୁକାନ୍ତ ସାହାଣୀ ପ୍ରମୂଖ ଯୋଗ ଦେଇଥିଲେ । ଅନ୍ୟମାନଙ୍କ ମଧ୍ୟରେ ବିଭୂତି ସ୍ୱାଇଁ, ଶିବଶଙ୍କର ଜେନା, ପ୍ରଦୀପ ସ୍ୱାଇଁ ପ୍ରମୂଖ ଟୁର୍ଣ୍ଣାମେଣ୍ଟକୁ ସୂଚାରୁ ରୂପେ ପରିଚାଳନା କରିଥିଲେ ।