ମର୍କତ ନଗର ଅଞ୍ଚଳରେ ସେକ୍ସ ରାକେଟ ଠାବ : ଦୁଇ ଯୁବତୀ ଉଦ୍ଧାର
କଟକ(ଏନ୍.ଏମ୍.): ଅଧିକ ଭିଆଇପି ରହୁଥିବା ମର୍କତନଗର ଭଳି ସ୍ଥାନରେ ଚାଲିଛି ସେକ୍ସ ରାକେଟ । ଦିନ ପ୍ରତିଦିନ ଚାଲିଛି ଏଠି ଦେହ ବେପାର । ଗ୍ରାହକମାନେ ଛୁଟି ଆସୁଛନ୍ତି ରଙ୍ଗମହଲର ସୁଖ ଉପଭୋଗ କରିବାକୁ । ଏଥି ଅତି ସହଜରେ ମିଳିଯାଉଛନ୍ତି ପସନ୍ଦିଆ ଯୁବତୀ । ବେଧଡ଼କରେ ମଜ ମଜଲିସ କରିବାର ସ୍ଥାନ ପାଲଟିଛି ଓୟୋ ହୋଟେଲ । ପୈସା ଫିଙ୍ଗ ଖବ୍ ମଜା କରିବାର ସୁଯୋଗ ପାଅ । ଦୀର୍ଘ ଦିନ ଧରି ଏଭଳି ସୁବିଧା ମିଳୁଥିବା ହୋଟେଲର ଆଜି ପର୍ଦ୍ଦାଫାସ ହୋଇଛି । ଆଜି ମର୍କତ ନଗର ପୁଲିସ ଏକ ଓୟୋ ହୋଟେଲରେ ଚାଲିଥବା ସେକ୍ସ ରାକେଟକୁ ଠାବ କରିଛି । ଅଚାନକ ଚଢଉ କରି ୨ଜଣ ଗ୍ରାହକଙ୍କ ଅଟକ ରଖିବା ସହ ୨ଜଣ ଯୁବତୀଙ୍କୁ ଉଦ୍ଧାର କରିଛି । କଟକ ମର୍କତନଗର ଅଞ୍ଚଳରେ ଥିବା ଆୟୁଷ ପ୍ୟାଲେସ ନାମକ ଏକ ଓୟୋ ହୋଟେଲରେ ଦୀର୍ଘଦିନ ଧରି ସେକ୍ସ ରାକେଟ ଚାଲିଥିବା ସୂଚନା ମିଳିଥିଲା । ଏହାପରେ ମର୍କତନଗର ଥାନା ପୁଲିସ ଆଜି ଅଚାନକ ଆୟୁଷ ପ୍ୟାଲେସରେ ଚଢ଼ାଉ କରିଥିଲା ।