ବୋଧପୁରରେ ଏକଦିବସୀୟ କ୍ରିକେଟ ଟୁର୍ଣାମେଣ୍ଟ
କଟକ ସଦର(ଏନ୍.ଏମ୍.): କଟକ ଜିଲ୍ଲା କଟକ ସଦର ବ୍ଲକ ଅନ୍ତର୍ଗତ ବୋଧପୁର ଗ୍ରାମର ପ୍ରସିଦ୍ଧ ମଲିଆବାଙ୍କ ପଡିଆ ଠାରେ ଗାଦିବ୍ରହ୍ମ ଯୁବକ ସଂଘ ଦ୍ୱାରା ଏକ ଦିବସୀୟ କ୍ରିକେଟ୍ ଟୁର୍ଣାମେଣ୍ଟ ଆୟୋଜିତ ହୋଇଯାଇଛି । ଏହି ଟୁର୍ଣାମେଣ୍ଟରେ ୮ଟି ଦଳ ଅଂଶ୍ରହଣ କରିଥିଲେ । ୪ଟି ଦଳ ସେମିଫାଇନାଲ ଖେଳିବାକୁ ଯୋଗ୍ୟ ବିବେଚିତ ହୋଇଥିଲେ । ଏହି ୪ ଦଳ ମଧ୍ୟରୁ ଅଇନପୁର ଓ କୋଶଳ କ୍ରିକେଟ୍ ଟିମ୍ ଫାଇନାଲ ଖେଳିବା ପାଇଁ ଯୋଗ୍ୟ ବିବେଚିତ ହୋଇଥିଲେ । ଫାଇନାଲ ମ୍ୟାଚ୍ରେ ଉଭୟ ଦଳ ବହୁତ୍ ଭଲ ଖେଳ ପ୍ରଦର୍ଶନ କରିଥିଲେ । କୋଶଳ କ୍ରିକେଟ୍ ଟିମ୍ ରନର୍ସଅପ୍ ହୋଇଥିବାବେଳେ ଅଇନପୁର କ୍ରିକେଟ୍ ଟିମ୍ ଚମ୍ପିୟାନ ହୋଇଥିଲା । ମ୍ୟାନ ଅଫ ଦି ମ୍ୟାଚ୍ -ଜିତନ୍ ଓ ମ୍ୟାନ ଅଫ ଦି ସିରିଜ – ବାଇନ ହୋଇଥିଲେ । ଏହି ଟୁର୍ଣାମେଣ୍ଟକୁ ବୋଧପୁର ସରପଞ୍ଚ ପ୍ରଶାନ୍ତ ବେହେରାଙ୍କ ଦ୍ୱାରା ଶୁଭାରମ୍ଭ ହୋଇଥିଲା । ମୁଖ୍ୟ ଅତିଥି ସମାଜସେବୀ ବିବେକାନନ୍ଦ ଭୁୟାଁ ଓ ଖେଳ ପ୍ରେମୀ ଅଭିନନ୍ଦନ ଦସ୍ ଯୋଗ ଦେଇ ଖେଳାଳୀମାନଙ୍କୁ ଉତ୍ସାହିତ କରିଥିଲେ । ଏହି ଟୁର୍ଣ୍ଣାମେଣ୍ଟରେ ଅମ୍ପେଏୟାର ଭାବେ ଆନନ୍ଦ ଓ ଓଁକାର ପରିଚାଳନା କରିଥିଲେ । ବାଦଲ ଓ ପ୍ରମୋଦଙ୍କ ଦ୍ୱାରା ଟୁର୍ଣାମେଣ୍ଟ ସଫଳ ଭାବେ ସମାପନ ହୋଇଥିଲା ।