ବିଜୁ ଜନତା ଦଳର ଜୋନ୍ ସ୍ତରୀୟ କାର୍ଯ୍ୟକାରିଣୀ ବୈଠକ
# ଚୌଦ୍ୱାର(ଏନ୍.ଏମ୍.) : ଆଗାମୀ ପଞ୍ଚାୟତ ନିର୍ବାଚନକୁ ଦୃଷ୍ଟିରେ ରଖି ତୃଣମୂଳସ୍ତରରେ ଦଳକୁ ମଜବୁତ କରିବା ଉଦ୍ଦେଶ୍ୟରେ ଚୌଦ୍ୱାର କଟକ ବିଜୁ ଜନତା ଦଳ ତରଫରୁ ଜୋନ୍ସ୍ତରୀୟ କାର୍ଯ୍ୟକାରିଣୀ ବୈଠକ ଆୟୋଜିତ ହୋଇଯାଇଛି । କଟକ ଜିଲ୍ଲା ୧୧ନମ୍ବର ଜୋନ୍ ଅନ୍ତର୍ଗତ ବାଣିପଦା ଗ୍ରାମ ପଞ୍ଚାୟତର କଲ୍ୟାଣ ମଣ୍ଡପ ଠାରେ ଚୌଦ୍ୱାର-କଟକ ପୂର୍ବତନ ବିଧାୟକ ପ୍ରଭାତ ରଞ୍ଜନ ବିଶ୍ୱାଳଙ୍କ ପୌରୋହିତ୍ୟରେ ଆୟୋଜିତ ଏହି ବୈଠକରେ ଦଳର କଟକ ଜିଲା ସଭାପତି ତଥା ବାରବାଟୀ-କଟକ ପୂର୍ବତନ ବିଧାୟକ ଦେବାଶୀଷ ସାମନ୍ତରାୟ ଓ ୭ଟି ଜିଲ୍ଲାର ଦଳିୟ ପର୍ଯ୍ୟବେକ୍ଷକ ତଥା ବଡମ୍ବା ବିଧାୟକ ଦେବୀ ପ୍ରସାଦ ମିଶ୍ର ଅତିଥି ଭାବେ ଯୋଗଦେଇଥିଲେ ।
ବିଶେଷ କରି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ବିଭିନ୍ନ ଉନ୍ନୟନ ମୂଳକ ଯୋଜନା ଜନସାଧାରଣଙ୍କ ପାଖରେ ପହଞ୍ଚାଇବା ସହ ବିଜୁ ଜନତା ଦଳକୁ ତୃଣମୂଳସ୍ତରରୁ ମଜଭୁତ କରିବା ନିମନ୍ତେ ଦଳର ନେତୃ ମଣ୍ଡଳୀ ତଥା କର୍ମୀମାନେ ନିଷ୍ଠାର ସହ କାର୍ଯ୍ୟକରିବାକୁ ଅହ୍ୱାନ ଦେଇଥିଲେ । ଚୈାଦ୍ୱାର -କଟକ ନିର୍ବାଚନ ମଣ୍ଡଳୀ ଅନ୍ତର୍ଗତ କଖଡି, କୟଳପଡା, ଇନ୍ଦ୍ରାଣୀପାଟଣା, ବାଣିପଦା, ଆଗ୍ରାହାଟକୁ ନେଇ ଗଠିତ ୧୧ ନମ୍ବର ଜୋନ୍ର ଜନସାଧାରଣଙ୍କ ସମସ୍ୟା ସହିତ ଜଡି଼ତ ହୋଇ ସେମାନଙ୍କୁ ସରକାରଙ୍କ ଜନ୍ମରୁ ମୃତ୍ୟୁ ପର୍ଯ୍ୟନ୍ତ ବିଭିନ୍ନ ଉନ୍ନୟନ ଯୋଜନାରେ ସାମିଲ କରିବା ଦିଗରେ କର୍ମୀମାନେ କର୍ଯ୍ୟକରିବାକୁ ଅତିଥିମାନେ ପରାମର୍ଶ ଦେଇଥିଲେ । ମୁଖ୍ୟମନ୍ତ୍ରୀଙ୍କ ନୀତି, ଆଦର୍ଶରେ ଅନୁପ୍ରାଣିତ ହୋଇ କାର୍ଯ୍ୟ କରବା ସହିତ ଏହି ଜୋନ୍ରେ ଯେପରି ସର୍ବାଧିକ ଭୋଟ ବ୍ୟବଧାନରେ ବିଜେଡି ପ୍ରାର୍ଥୀ ବିଜୟ ଲାଭ କରିବେ ସେଥିପାଇଁ ନିଷ୍ଠାର ସହ କାର୍ଯ୍ୟକରିବାକୁ ପୂର୍ବତନ ବିଧାୟକ ଶ୍ରୀ ବିଶ୍ୱାଳ କର୍ମୀମାନଙ୍କୁ ପରାମର୍ଶ ଦେଇଥିଲେ । ଏହି କାର୍ଯ୍ୟକ୍ରମରେ ଚୌଦ୍ୱାର -କଟକ ବିଧାୟକ ସୌଭିକ୍ ବିଶ୍ୱାଳ, ଜିଲ୍ଲା ପରିଷଦ ସଦସ୍ୟ ଶ୍ରୀଧର ରାଉତ, ଜିଲ୍ଲା ମହିଳା ସଭାପତି ଅନୀତା ବେହେରା, ଟାଙ୍ଗୀ -ଚୌଦ୍ୱାର ପଞ୍ଚାୟତ ସମିତି ଉପାଧ୍ୟକ୍ଷା ଜାନକୀ ପରିଡା, ଜିଲ୍ଲା କାର୍ଯ୍ୟକାରୀ ସଭାପତି ପ୍ରଫୁଲ ସିଂ, ଜିଲ୍ଲା ସାଧାରଣ ସମ୍ପାଦକ ପ୍ରଶାନ୍ତ କୁମାର ନାୟକ, ସମ୍ପାଦକ ତ୍ରିଲୋଚନା ପଣ୍ଡା, ଜିଲ୍ଲା ସମ୍ପାଦକ ଶୁଭେନ୍ଦୁ ସାମଲ, ଜୀବନବିନ୍ଦୁ ଓଡ଼ିଶା ମୋ ପରିବାର ସଂଯୋଜକ ତଥା ସିଏମସି ପୂର୍ବତନ କର୍ପୋରେଟର ରଞ୍ଜନ କୁମାର ବିଶ୍ୱାଳ, ସରପଞ୍ଚ ଜ୍ୟୋତ୍ସ୍ନାରଣୀ ସୁବୁଦ୍ଧିରାୟ, ଶାନ୍ତିପ୍ରିୟା ମହାନ୍ତି, ସରୋଜ ପ୍ରଧାନ, ରଶ୍ମୀ ରଞ୍ଜନ ପ୍ରଧାନ, ନରହରୀ ଦେହୁରୀ, ସମିତି ସଭ୍ୟ ମୋହନ ସାହୁ, କଳ୍ପନା ରାଉତ, ତଅପୋଇ ବେଦାନ୍ତ, ସନ୍ତୋଷ ଦେହୁରୀ, ନରେନ୍ଦ୍ର କୁମାର ସାହୁ, ମନୋରଞ୍ଜନ ସ୍ୱାଇଁ, ତୀର୍ଥାନନ୍ଦ ସୁବୁଦ୍ଧିରାୟ, ଲକ୍ଷ୍ମଣ ରାଉତ, ଅଶୋକ ନାୟକ, ଜୟନ୍ତ କୁମାର ବରାଳ, ବିଳାସିନୀ ରାଉତ, ସନ୍ତୋଷ ରାଉତଙ୍କ ସମେତ ଦଳର ବହୁ ଯୁବ, ଛାତ୍ର, ମହିଳା ନେତୃବୁନ୍ଦ ଏହି କାର୍ଯ୍ୟକ୍ରମରେ ଉପସ୍ଥିତଥିଲେ ।