ବାସୁଦେବପୁର ସାମ୍ବାଦିକ ସଂଘ ପକ୍ଷରୁ ବାର୍ଷିକ ଉତ୍ସବ
#ଭଦ୍ରକ(ଏନ୍.ଏମ୍.): ଭଦ୍ରକ ଜିଲ୍ଲା ବାସୁଦେବପୁର ସାମ୍ବାଦିକ ସଂଘ ପକ୍ଷରୁ ବାର୍ଷିକ ଉତ୍ସବ ପାଳନ ହୋଇଯାଇଛି । ଏଥି ନିମନ୍ତେ ବିଭିନ୍ନ ପ୍ରକାର କାର୍ଯ୍ୟକ୍ରମ ଅନୁଷ୍ଟିତ ହୋଇ ଥିଲା । ପୂର୍ବାହ୍ନରେ ଗଣ ମାଧ୍ୟମର ପ୍ରତିନିଧି ମାନଙ୍କୁ ନେଇ ଏକ ସାମ୍ବାଦିକ କର୍ମଶାଳା ଆୟୋଜନ ହୋଇଥିଲା । ବାସୁଦେବପୁର ବିଧାୟକ ବିଷ୍ଣୁବ୍ରତ ରାଉତରାୟ ଉକ୍ତ କର୍ମଶାଳାକୁ ଉଦ୍ଘାଟନ କରିଥିଲେ । ସାମ୍ବାଦିକ ଅମରେଶ ବିଶ୍ୱାଳ ଓ ବିକ୍ରମ କେଶରୀ ପରିଜା ଯୋଗଦେଇ ଗଣ ମାଧ୍ୟମର ପ୍ରତିନିଧିଙ୍କୁ ଆଜିର ଗଣ ମାଧ୍ୟମର ବିଭିନ୍ନ ଦିଗ ଉପରେ ଆଲୋଚନା କରିଥିଲେ । ପୁନଶ୍ଚ ଅପରାହ୍ନରେ ସମୟରେ ବାସୁଦେବପୁର ଅଞ୍ଚଳର ପଚାଶ ଜଣ ପ୍ରତିଯୋଗୀମାନଙ୍କୁ ନେଇ ଏକ ନୃତ୍ୟ ପ୍ରତିଯୋଗିତା ଅନୁଷ୍ଠିତ ହୋଇ ଥିଲା । ଅଲେଖ ପରିଡ଼ା ଏହାକୁ ପରିଚାଳନା କରିଥିଲାବେଳେ ସଭାପତି କିଶୋର ଚନ୍ଦ୍ର ମହାପାତ୍ର ଓ ସମ୍ପାଦକ ରମାକାନ୍ତ ଦାଂଗୁଆ ଉପସ୍ଥିତ ଥିଲେ । ସଂଧ୍ୟା ସମୟରେ ଏକ ସାଧାରଣ ସଭାର ଆୟୋଜନ କରା ଯାଇଛି, ମୁଖ୍ୟଅତିଥି ଭାବେ ସୋରୋ ବିଧାୟକ ପର୍ଶୁରାମ ଧଡା, ସମ୍ମାନିତ ଅତିଥି ଭାବେ ବାସୁଦେବପୁର ବିଧାୟକ ବିଷ୍ଣୁବ୍ରତ ରାଉତରାୟ ଓ ବଡଖବର ସମ୍ପାଦକ ଅର୍ଦ୍ଧେନ୍ଦୁ ଦାସ ଯୋଗ ଦେଇଥିଲେ । ସଭାପତି କିଶୋର ଚନ୍ଦ୍ର ମହାପାତ୍ର ସ୍ୱାଗତ ଭାଷଣ ଦେଇ ଥିବାବେଳେ ସମ୍ପାଦକ ରମାକାନ୍ତ ଡାଂଗୁଆ ସଂପାଦକୀୟ ବିବରଣୀ ପ୍ରଦାନ କରିଥିଲେ । ଶିକ୍ଷକ ଦଇତାରୀ ବେହେରା ମଞ୍ଚ ସଂଯୋଜନା କରିଥିବା ବେଳେ ସାମ୍ବାଦିକ ପ୍ରଦୀପ୍ତ ମହାନ୍ତି ଅତିଥି ପରିଚୟ ପତ୍ର ପ୍ରଦାନ କରିଥିଲେ । ଶେଷରେ ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଟିତ ହୋଇ ଯାଇଛି । ସଦସ୍ୟ ସର୍ବେଶ୍ୱର ଜେନା, ପ୍ରତାପ କୁମାର ପାଢ଼ୀ, ଅମିୟ ମହାନ୍ତି, ସୁଶିଲ କୁମାର, ବିଭୂତି ଭୂଷଣ ପଣ୍ଡା, ସୁଶାନ୍ତ ନାୟକ, ଆନନ୍ଦ ରାଉତ, ସ୍ୱାଧୀନ ଆଲୋକ ଡାଙ୍ଗୁଆ ପ୍ରମୁଖ ଉପସ୍ଥିତ ରହି କାର୍ଯ୍ୟକ୍ରମକୁ ସଫଳ କରାଇ ଥିଲେ ।