ପଞ୍ଚମୁଖି ହନୁମାନ ମନ୍ଦିରରେ ତ୍ରୟୋଦଶ ବାର୍ଷିକ ଉତ୍ସବ
#ଜଗତପୁର(ଏନ୍.ଏମ୍.): ଜଗତପୁର ଗୋଲେଇଛକ ପାଶ୍ୱର୍ ପଞ୍ଚମୁଖି ହନୁମାନ ମନ୍ଦିରର ତ୍ରୟୋଦଶ ବାର୍ଷିକ ଉତ୍ସବ ଓ ଯଜ୍ଞ ଚାରିଦିନ ବ୍ୟାପି ମହାସମାରୋହରେ ପାଳିତ ହୋଇଯାଇଛି । ଗତ ସୋମବାର ସକାଳୁ ହନୁମାନ ଚାଳିଶା ପାଠ, ଅଙ୍କୁରାରୋପଣ କରାଯାଇ ମଙ୍ଗଳବାର ଦିନ କଳସ ଯାତ୍ରା, ସୂର୍ଯ୍ୟପୂଜା, ଗୋପୂଜା ଓ ପ୍ରଭୁ ବଜରଙ୍ଗଙ୍କର ହନୁମାନ ଷୋଡଶ ଉପଚାର ପୂଜା, ଅଗ୍ନି ସ୍ଥାପନ, ଆରତୀ କରାଯାଇଥିଲା । ଏହି ଅବସରରେ ଗୀତା ଯଜ୍ଞ, ଶ୍ରୀ ହନୁମାନ ଅଷ୍ଟୋତ୍ତର ନାମ ସଂକୀର୍ତ୍ତନ କରାଯିବା ସହ ଘୃତଯଜ୍ଞ, ଅନ୍ନଯଜ୍ଞ ଓ ନାମ ଯଜ୍ଞ ଓ ଜ୍ଞାନ ଯଜ୍ଞ ଆଦି ଅନୁଷ୍ଠିତ ହୋଇଥିଲା । ଏହି କାର୍ଯ୍ୟକ୍ରମରେ ଅଞ୍ଚଳର ହଜାର ହଜାର ଶ୍ରଦ୍ଧାଳୁଙ୍କ ସମାଗମ ହୋଇଥିଲା ।