ନ୍ୟୁ ଷ୍ଟିୱାର୍ଟ ସ୍କୁଲରେ ଦଶମ ଶ୍ରେଣୀ ଛାତ୍ରଛାତ୍ରୀଙ୍କୁ ବିଦାୟକାଳୀନ ସମ୍ବର୍ଦ୍ଧନା
#କଟକ(ଏନ୍.ଏମ୍.): ମିଶନ ରୋଡସ୍ଥିତ ନ୍ୟୁ ଷ୍ଟିୱାର୍ଟ ସ୍କୁଲର ଦଶମ ଶ୍ରେଣୀ ୧୦୧ ଜଣଛାତ୍ରଛାତ୍ରୀଙ୍କୁ ବିଦାୟକାଳୀନ ସମ୍ବର୍ଦ୍ଧନା ଦିଆଯାଇଛି । ସ୍କୁଲର ଅଧ୍ୟକ୍ଷା ଏମ. ତୃପ୍ତିରାଣୀଙ୍କ ଅଧ୍ୟକ୍ଷତାରେ ଆୟୋଜିତ ଏହି ସମ୍ବର୍ଦ୍ଧନା ସଭାରେ ସ୍କୁଲର ସଂପାଦକ ବିକ୍ରମ ଏନ. ଆଡାମସ୍ ମୁଖ୍ୟଅତିଥି ଭାବେ ଯୋଗଦେଇ ଛାତ୍ରଛାତ୍ରୀମାନଙ୍କୁ ଦଶମ ଶ୍ରେଣୀ ଆଇସିଏସଇ ପରୀକ୍ଷାରେ ସଫଳତା ହାସଲ କରିବା ପାଇଁ ଓ ନିଜକୁ ସୁନାଗରିକ ଭାବେ ଗଢିତୋଳିବାକୁ ପରାମର୍ଶ ଦେଇଥିଲେ । ସମ୍ମାନିତ ଅତିଥି ଭାବେ ରେଭରେଣ୍ଟ ସୌରଭ ସମ୍ବଦ ନାଗ ଈଶ୍ୱରଙ୍କ ବାର୍ତ୍ତା ପାଠ କରିଥିଲେ । ଶିକ୍ଷୟିତ୍ରୀ ସାଗରିକା ବନସର, ସବନମ୍ ବାହାର, ୟୁରେକା ବିହାରୀ ଓ ଶିକ୍ଷକ ଆଲୋକ ପ୍ରକାଶ ସାହୁ ପ୍ରମୁଖ ଯୋଗଦେଇଥିଲେ । ଶିକ୍ଷୟିତ୍ରୀ ସସ୍ମିତା ସାହୁ ପ୍ରାରମ୍ଭିକ ସୂଚନା ପ୍ରଦାନ କରିଥିଲେ । ଛାତ୍ର ଅଂଶୁମାନ ସେନାପତି ମାଷ୍ଟର ନ୍ୟୁ ଷ୍ଟିୱାର୍ଟ ଓ ଛାତ୍ରୀ ରିୟା ମେହେଟ୍ଟା ମିସ୍ ନ୍ୟୁ ଷ୍ଟିୱାର୍ଟ ହୋଇଛନ୍ତି । କାର୍ଯ୍ୟକ୍ରମକୁ ଶିକ୍ଷୟିତ୍ରୀ ଆଭା ବିଶ୍ୱାଳ, ସୁଲତା ବେହେରା, ସଂଯୋଜିକା ମୌସୁମୀ ଦାସ, ସୁମିତ୍ରା ପଣ୍ଡା ପରିଚାଳନା କରିଥିଲେ । ଛାତ୍ର ଅଦ୍ୟୁତ ଦାସ ଓ ଛାତ୍ରୀ ଅଭିପ୍ସା ନାୟକ ଧନ୍ୟବାଦ ଦେଇଥିଲେ ।