ଦାଦା ସାହେବ ଫାଲକେ ଫିଲ୍ମ ଫେଷ୍ଟିଭାଲରେ ଓଡ଼ିଆ କ୍ଷୁଦ୍ର ଚଳଚ୍ଚିତ୍ର ମୀନା
#କଟକ(ଏନ୍.ଏମ୍.): ଦାଦା ସାହେବ ଫିଲ୍ମ ଫେଷ୍ଟିଭାଲରେ ୧୩ତମ ପୁରସ୍କାର ପ୍ରଦାନ ଉତ୍ସବରେ ଓଡ଼ିଆ କ୍ଷୁଦ୍ର ଚଳଚ୍ଚିତ୍ର ‘ମୀନା’ ସ୍ଥାନ ପାଇଛି । ଉକ୍ତ ଚଳଚ୍ଚିତ୍ରର କାହାଣୀ, ଚିତ୍ରନାଟ୍ୟ ଓ ସଂଳାପ ରଚନା କରିଛନ୍ତି ନବକିଶୋର ଦାସ, ନିର୍ଦ୍ଦେଶନା ଦେଇଛନ୍ତି ବିଭୁତି ଭୂଷଣ ଭାରତ, ପ୍ରଚ୍ଛଦପଟ୍ଟ ସଂଗୀତ ଦେଇଛନ୍ତି ସତ୍ୟଜିତ ପାଣି । ଏହି ଚଳଚ୍ଚିତ୍ରରେ ଅଭିନୟ କରିଥିଲେ ଭବାନୀ ପ୍ରସାଦ, ମିଟୁ ମିଥୁନ, ମାନ୍ୟତା ଓ ଟୁମା ପ୍ରମୁଖ କଳାକାର ସୁନ୍ଦର ଅଭିନୟ କରି ଦର୍ଶକମାନଙ୍କୁ ମନ୍ତ୍ରମୁଗ୍ଧ କରିଥିଲେ । କ୍ୟାମେରାମ୍ୟାନ୍ ଅକ୍ଷୟ ବେହେରାଙ୍କ ସହିତ ଏଡିଟିଂରେ ଜିତୁ ଭାଇଙ୍କ କମାଲ ଦେଖିବାକୁ ମିଳିଛି । ଆସନ୍ତା ଏପ୍ରିଲ ୩୦ତାରିଖରେ ଦିଲ୍ଲୀଠାରେ ଏହି ଚଳଚ୍ଚିତ୍ରକୁ ପୁରସ୍କୃତ କରାଯିବ ବୋଲି ନବକିଶୋର ଦାସ କ୍ରିଏସନ ପକ୍ଷରୁ ସୂଚନା ଦିଆଯାଇଛି । ଏହା କଟକ ତଥା ଓଲିଉଡ଼ ଫିଲ୍ମ ଇଣ୍ଡଷ୍ଟ୍ରି ପାଇଁ ବଡ଼ ଗୌରବ ହେବା ସହିତ ଆଗାମୀ ଦିନରେ ଓଡ଼ିଆ କଳାକାରମାନଙ୍କୁ ପ୍ରେରଣା ଯୋଗାଇବ ବୋଲି ଚଳଚ୍ଚିତ୍ର ପ୍ରେମୀ ପ୍ରକାଶ କରିଛନ୍ତି ।