ଜାତୀୟ ସିନିୟର ମହିଳା ଫୁଟବଲ: ସେମିରେ ଓଡ଼ିଶା
କଟକ(ଏନ୍.ଏମ୍.): କେରଳରେ ଚାଲିଥିବା ଜାତୀୟ ସିନିୟର ମହିଳା ଫୁଟବଲ ଟୁର୍ଣ୍ଣାମେଣ୍ଟରେ ଓଡ଼ିଶା ଦଳ ସେମି ଫାଇନାଲରେ ପ୍ରବେଶ କରିଛି । ଅନୁଷ୍ଠିତ କ୍ୱାର୍ଟର ଫାଇନାଲ ମ୍ୟାଚରେ ଓଡ଼ିଶା ୨-୦ ଗୋଲରେ ତାମିଲନାଡକୁ ପରାସ୍ତ କରିଥିଲା । ବିଜୟ ଦଳର ଅଧିନୟିକା କରିସ୍ମା ଓରମା ୨୭ତମ ମିନିଟରେ ପ୍ରଥମ ଗୋଲ କରି ଦଳକୁ ଅଗ୍ରଣୀ କରାଇଥିଲେ । ଏହାପରେ ସତ୍ୟବତୀ ଖଡିଆ ୩୭ତମ ମିନିଟରେ ଦ୍ୱିତୀୟ ଗୋଲ କରିଥିଲେ । ପ୍ରଥମାର୍ଦ୍ଧ ଖେଳ ଶେଷ ବେଳକୁ ଆଉ କୌଣସି ଗୋଲ ହୋଇପାରିନଥିଲା । ଦ୍ୱିତୀୟାର୍ଦ୍ଧ ଖେଳରେ ଉଭୟ ଦଳ ଆକ୍ରମଣାତ୍ମକ ଖେଳ ଜାରି ରଖ୍ଖଥିଲେ । ହେଲେ ଖେଳ ଶେଷ ହେବା ପର୍ଯ୍ୟନ୍ତ ତାମିଲନାଡୁ ଆଉ ଗୋଲ ସୁଝାଇ ପାରିନଥିଲା । ଫଳରେ ଓଡ଼ିଶା ଦଳ ୨-୦ ଗୋଲରେ ବିଜୟୀ ହୋଇଥିଲା ।