ଜଗତପୁର ୪୮ନମ୍ବର ୱାର୍ଡରେ ବିଜେଡି କର୍ପୋରେଟର ପ୍ରାର୍ଥୀନୀ ନଳିନୀଙ୍କ ବିଶାଳ ରାଲି
![](https://nishkarsha.com/wp-content/uploads/2022/03/pravat-biswal-bjd-300x173.jpg)
ଜଗତପୁର(ଏନ୍.ଏମ୍.): ଜଗତପୁର ୪୮ନମ୍ବର ୱାର୍ଡରେ ବିଜୁ ଜନତା ଦଳ ପକ୍ଷରୁ କର୍ପୋରେଟର ପ୍ରାର୍ଥିନୀ ନଳିନୀ ବେହେରାଙ୍କ ସହିତ ଦଳୀୟ କର୍ମୀ, ସମର୍ଥକମାନେ ନିର୍ବାଚନ ପ୍ରଚାରକୁ ଜୋରଦାର କରିଛନ୍ତି । ଏହି ନିର୍ବାଚନ ପ୍ରଚାରରେ ଚୌଦ୍ୱାର କଟକ ପୂର୍ବତନ ବିଧାୟକ ପ୍ରଭାତ ରଞ୍ଜନ ବିଶ୍ୱାଳ ଏହି ରାଲିରେ ଯୋଗ ଦେଇ ନଳିନୀଙ୍କ ସହିତ ୱାର୍ଡ ବୁଲିବାର ଦେଖିବାକୁ ମିଳିଥିଲା । ଏହିି ୱାର୍ଡରେ ବିଜେଡି ରାଲି ଆଗରେ ଅନ୍ୟ ରାଜନୌତିକ ଦଳ ଓ ସ୍ୱାଧୀନ ପ୍ରାର୍ଥୀଙ୍କର ରାଲି ସମ୍ପୂର୍ଣ୍ଣ ଫିକା ପଡି ଯାଇଛି । ୪୮ନମ୍ବର ୱାର୍ଡରେ ମୋଟ ୬ ଜଣ ପ୍ରାର୍ଥିନୀ ନିର୍ବାଚନ ରଣାଙ୍ଗନକୁ ଓହା୍ଳଇଥିବାବେଳେ ବିଜେଡି, ବିଜେପି, କଂଗ୍ରେସ, ସ୍ୱାଧିନ ନଡିଆଗଛ(ଚିହ୍ନ), ତାଲା ଚାବି ଓ ମାଠିଆ ଚିହ୍ନ ମଧ୍ୟରୁ ଶାସକ ଦଳ ବିଜେଡି ଶେଷ ଦିନ ତାର ଶକ୍ତି ପର୍ଦଶନ କରିଛି । ଏହା ଦେଖି ଅନ୍ୟ ଦଳୀୟ ଓ ସ୍ୱାଧୀନ ପ୍ରାର୍ଥୀମାନେ ଆବା କାବା ହୋଇଯାଇଛନ୍ତି । ଆଜି ଅପରାହ୍ନରେ ବିଜୁ ଜନତା ଦଳ କର୍ପୋରେଟର ପ୍ରାର୍ଥୀନୀ ନଳିନୀ ବେହେରା କୃଷ୍ନେଶ୍ୱର ମନ୍ଦିରରେ ପୂଜାର୍ଚ୍ଚନା କରି ଏକ ବିରାଟ ଶୋଭାଯାତ୍ରରେ ୨ଗୋଟି ଡିଜେ ସାଉଣ୍ଡ ସହ ବିଭିନ୍ନ ପାରମ୍ପାରିକ ବାଦ୍ୟର ତାଳେ ତାଳେ ୫ଶହରୁ ଅଧିକ ବାଇକ,୫୦ ଅଟୋ ଓ ହଜାରେରୁ ଉର୍ଦ୍ଧ ସମର୍ଥକମାନଙ୍କୁ ସାଙ୍ଗରେ ଧରି ନଜରପୁର, ଶିକାରୀପୁର, ବଉଳେଇ, ଫକିରପୁର, ଲକ୍ଷ୍ମଣପୁର ଓ ପୁରୁଣା ଜଗତପୁର ଦେଇ ବିଭିନ୍ନ ସାହି ବସ୍ତି ପରିକ୍ରମା କରିଥିଲେ । ଏହି ରାଲିରେ ଲୋକମାନଙ୍କର ବେଶ ଜନ ସମର୍ଥନ ଦେଖିବାକୁ ମଳିଥିଲା ।