ଚଳଚ୍ଚିତ୍ର ‘ବାହାଘର ଡଟ୍ କମ୍’ର ୱାର୍ଲଡ ଟିଭି ପ୍ରିମିୟରକୁ ଏକାଠି ଉପଭୋଗ କଲେ କଳାକାର
#ଭୁବନେଶ୍ୱର(ଏନ୍.ଏମ୍.): ଜୀସାର୍ଥକର ନୂଆ ଓଡିଆ ଚଳଚ୍ଚିତ୍ର ‘ବାହାଘର ଡଟ୍ କମ୍’ର ୱାର୍ଲଡ ଟିଭି ପ୍ରିମିୟର ପରେ ପ୍ରଥମ ଥର ପାଇଁ ଏକାଠି ବସି ଟିଭିରେ ଏହି ୱାର୍ଲଡ ଟେଲିଭିଜନ ପ୍ରିମିୟର ସୋକୁ କଳାକାର, ଫିଲ୍ମର କାଷ୍ଟ, କ୍ରିଉ, ସମେତ ଚଳଚ୍ଚିତ୍ର ସାମ୍ବାଦିକ ଓ କ୍ରିଟିକସ୍ ଭୁବନେଶ୍ୱରସ୍ଥିତ ବିଗ୍ କପ୍ କାଫେ ଠାରେ ଉପଭୋଗ କରିଛନ୍ତି । ଏଭଳି ଦେଖିବା ଓଡିଶା ଟେଲିଭିଜନ ଇତିହାସରେ ପ୍ରଥମ ବୋଲି ସିନେ କ୍ରିଟିକ୍ସ ଅମୃତ ନନ୍ଦ ପ୍ରକାଶ କରିଛନ୍ତି । ଏହି ଅବସରରେ ଚଳଚ୍ଚିତ୍ର ‘ବାହାଘର ଡଟ୍ କମ୍’ର ପ୍ରଯୋଜକ ପ୍ରଦ୍ୟୁମ୍ନ ଲେଙ୍କା, ନିର୍ଦ୍ଦେଶକ ସୁଧାଶୁଂ ମୋହନ ସାହୁ, ଜୀ-ସାର୍ଥକର କାର୍ଯ୍ୟକାରୀ ପ୍ରଯୋଜକ ତନ୍ମୟ ମିଶ୍ର, ଚଳଚ୍ଚିତ୍ରର ଅଭିନେତା ରିଷି, ଅଭିନେତ୍ରୀ ସାୟଲ୍, ଓଲିଉଡ୍ ମିଡିଆ ପ୍ଲାନର ପ୍ରଣୟ ଜେଠୀଙ୍କ ସମେତ ଓଲିଉଡ୍ ଅଭିନେତ୍ରୀ ଦେବସ୍ମିତା, ସେଲି ମିଶ୍ର ସମେତ ବହୁ ଗଣମାଧ୍ୟମ ବ୍ୟକ୍ତିତ୍ୱ ଉପସ୍ଥିତ ରହି ଚଳଚ୍ଚିତ୍ରଟିକୁ ଉପଭୋଗ କରିଥିଲେ । ଜୀ-ସାର୍ଥକ ଫିଲ୍ମସ ସର୍ବଦା ଦର୍ଶକଙ୍କୁ ନୂଆ ନୂଆ କାହାଣୀ ଓ ପାରିବାରିକ ଘଟଣାକୁ ନେଇ ଦର୍ଶକମାନଙ୍କ ମନୋରଞ୍ଜନ କରିଆସିଛି । ଏକ ନିଆରା ଓ ଅଦ୍ଭୁତ କାହାଣୀର ଏହି ଚଳଚିତ୍ରରେ ରିଷି, ସାୟଲ୍, ପୁଷ୍ପା ପଣ୍ଡା, ପ୍ରଦ୍ୟୁମ୍ନ ଲେଙ୍କା ପ୍ରମୁଖ ନିଖୁଣ ଅଭିନୟ କରିଛନ୍ତି । ଅନିଛା ସତ୍ତ୍ୱେ ମାଆଙ୍କ ଶେଷ ଇଛା ପୂରଣ କରିବାକୁ ବିବାହ କରିବାକୁ ପଡିବ ହେଲେ ଜମା ମନ ନାହିଁ ବାହାଘରରେ କିନ୍ତୁ ବାହା ହେବାକୁ ତ ପଡିବ ତେଣୁ ‘କଣ୍ଟାକ୍ଟ ମ୍ୟାରେଜ’ ହେଉଛି କିନ୍ତୁ କାହାଣୀରେ ଆସୁଛି ନୂଆ ମୋଡ ଓ ବାହାଘରକୁ ନେଇ ଅନେକ ଘଟଣା ଦୁର୍ଘଟଣା ଘଟି ଶେଷରେ ‘କଣ୍ଟାକ୍ଟ ମ୍ୟାରେଜ’ ସତ ମ୍ୟାରେଜରେ ପରିଣତ ହୋଇଛି, ତାହାହିଁ ଚଳଚ୍ଚିତ୍ରର କାହାଣୀ । ଚଳଚ୍ଚିତ୍ରର ସଙ୍ଗୀତ ନିର୍ଦ୍ଦେଶନା ଦେଇଛନ୍ତି ଗୁଡଲ୍ଲୀ ରଥ ।