କଟକ ରେଳ ଷ୍ଟେସନ ନବୀକରଣ ନରାଜ ଠାରେ ଦ୍ୱିତୀୟ ରେଳ ଷ୍ଟେସନ ନିର୍ମାଣ ନେଇ ରେଳ ମନ୍ତ୍ରୀଙ୍କୁ ଭେଟିଲେ ସାଂସଦ
ନୂଆଦିଲ୍ଲୀ (ଏନ୍.ଏମ୍.): କଟକ ରେଳ ଷ୍ଟେସନକୁ ଜାତୀୟ ରେଳ ଷ୍ଟେସନର ମାନ୍ୟଟା ଦିଆଯାଇଥିଲେ ବି ଏହାର କୌଣସି ବିକାଶ ହୋଇ ପାରିନାହିଁ । ଗତ ବର୍ଷ କେନ୍ଦ୍ର ସରକାର ଓଡ଼ିଶାର କଟକ, ବ୍ରହ୍ମପୁର, ଭଦ୍ରକ, ସମେତ ୧୧ଟି ରେଳ ଷ୍ଟେସନ ନବୀକରଣ କରିବାର ଘୋଷଣା କରିଥିଲେ ବି ଏହି କାର୍ଯ୍ୟ ଏବେ ସୁଦ୍ଧା ଆରମ୍ଭ ହୋଇନାହିଁ । ଗତ ମାର୍ଚ୍ଚ ମାସରେ ସାଂସଦ ସୁବାସ ସିଂହ ରେଳ ବଜେଟ ବ୍ୟୟ ମଞ୍ଜୁରୀ ବିଲରେ ଅଂଶ ଗ୍ରହଣ କରି ଏ ସମ୍ପର୍କରେ ପ୍ରଶ୍ନ ପଚାରିଥିଲେ । ଶ୍ରୀ ସିଂହଙ୍କ ପ୍ରଶ୍ନର ଉତ୍ତର ଦେଇ ତତ୍କାଳୀନ ରେଳ ମନ୍ତ୍ରୀ ପିୟୁଷ ଗୋଏଲ କହିଥିଲେ ଯେ, ଜି. ପି .ଆର ପ୍ରସ୍ତୁତି ସରିଛି, ଖୁବ ଶୀଘ୍ର କାମ ଆରମ୍ଭ କରାଯିବ । କିନ୍ତୁ ୪ ମାସ ବିତିଯାଇଥିଲେ ମଧ୍ୟ କୌଣସି କାର୍ଯ୍ୟ ଆରମ୍ଭ ହୋଇନାହିଁ । ଗତ ୫ ଦିନ ତଳେ ଖୋରଧା ଡିଭିଜନର ଅଧିକାରୀମାନେ କେବଳ ରେଳ ଷ୍ଟେସନ ବୁଲି ଯାଇଛନ୍ତି ।
ଏନେଇ ରେଳ ମନ୍ତ୍ରୀ ଅଶ୍ୱିନୀ ବୈଷ୍ଣବଙ୍କୁ ସାଂସଦ ସୁବାସ ସିଂହ ଓ ସାଂସଦ ମୁନା ଖାଁ ସାକ୍ଷାତ କରି ତୁରନ୍ତ କାର୍ଯ୍ୟ ଆରମ୍ଭ କରିବାକୁ ବାବି କରି ଏକ ସ୍ମାରକପତ୍ର ପ୍ରଦାନ କରିଥିଲେ । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଏସ.ସି. ବି. ମେଡିକାଲ କଲେଜକୁ ଏମ ପ୍ଲସ କରିବାକୁ ଘୋଷଣା କରି ୩୫୦୦ କୋଟି ଟଙ୍କାର ବ୍ୟୟ ବରାବରେ କାର୍ଯ୍ୟ ଜୋରଦାର ଚାଲିଛି । ଏକ ନୂତନ ବସଷ୍ଟାର ୧୦୦ କୋଟି ଟଙ୍କାର ବିନିମୟରେ ଆନ୍ତଃରାଜ୍ୟ ଟର୍ମିନାଲ ନିର୍ମାଣ କାର୍ଯ୍ୟ ଚାଲିଛି । ଏସସିବି ଏମ ପ୍ଲସ କାର୍ଯ୍ୟ ସରିଲେ, ପଡୋଶୀ ୫ ଗୋଟି ରାଜ୍ୟର ଲୋକମାନେ ଏହି ଉଚ୍ଚମାନର ଡାକ୍ତର ଖାନା ଉପରେ ନିର୍ଭର କରିବେ । କଟକ ହେଇଛି ପୁରାତନ ରାଜଧାନୀ ଏବଂ ଏହା ରାଜ୍ୟର ପ୍ରମୁଖ ଜିଲ୍ଲାମାନଙ୍କ ସହିତ ସ୍ଥଳ ପଥ ସହ ସଂଯୋଗ କରୁଅଛି । କଟକ ସହର ବିକାଶ ସାଙ୍ଗକୁ ନାରାଜ ଠାରେ ଦ୍ୱିତୀୟ ରେଳ ଷ୍ଟେସନ ପ୍ରତିଷ୍ଠା କରିବାକୁ ଦୁଇ ସଂସଦ ବାବି କରିଛନ୍ତି । କଟକ ସହରରେ ଓଡିଶା ଜଳ ଛାୟାଳୟ, ରେଭେନ୍ସା ବିଶ୍ୱ ବିଦ୍ୟାଳୟ, ମଧୁସୂଦନ ଆଇନ ବିଶ୍ୱ ବିଦ୍ୟାଳୟ, ନ୍ୟସନାଲ ଲ’ ୟୁନିଭରସିଟି ନେସନାଲ ମୁଷିଲିମ ୟୁନିଭରସିଟି, ଇତ୍ୟାଦି ପ୍ରମୁଖ ଶିକ୍ଷାନୁଷ୍ଟାନ ଗଢି ଉଠିଛି । କଟକ ଦେଇ କୌଣସି ଅନ୍ତଃ ରାଜ୍ୟ ରେଳ ଯା’ ଆସ କରୁନାହିଁ । କେତେକ ଟ୍ରେନ ରାତ୍ରି ରହଣି କଟକରେ ହୋଇପାରିଲେ, ଯଥା କୋଣାର୍କ ଏକ୍ସପ୍ରେସ୍ ଓ ପ୍ରଶାନ୍ତି ଏକ୍ସପ୍ରେସ୍ କଟକରୁ ଗନ୍ତବ୍ୟ ସ୍ଥଳ ହୋଇପାରନ୍ତା । ଏହା ଛଡା ଆନ୍ତଃ ରାଜ୍ୟ ବଲାଙ୍ଗୀର, ରାଉରକେଲା, ସମ୍ବଲପୁର ଇଣ୍ଟର ସିଟି ଏକ୍ସପ୍ରେସ ମଧ୍ୟ କଟକ ଦେଇ ଯାଉନାହିଁ ବୋଲି ସାଂସଦ ଶ୍ରୀ ସିଂହ ରେଳ ମନ୍ତ୍ରୀଙ୍କୁ ଅଭିଯୋଗ କରିଥିଲେ । ଏ ନେଇ ରେଳମନ୍ତ୍ରୀ ଶ୍ରୀ ବୈଷ୍ଣବ ରେଳ ବିଭାଗର ଉଚ୍ଚ ଅଧିକାରୀମାନଙ୍କୁ ତୁରନ୍ତ ଏହି କାର୍ଯ୍ୟ ଗୁଡିକୁ ଅଗ୍ରାଧିକାର ଭିତ୍ତିରେ କରିବା ଓ କଟକ ରେଳ ଷ୍ଟେସନ ନବୀକରଣ କାର୍ଯ୍ୟ ଆରମ୍ଭ କରିବାକୁ ନିର୍ଦ୍ଦେଶ ଦେଇଛନ୍ତି ।