ଓଡ଼ିଶା ମାଟିର ସୁନା ଝିଅ ପିହୁ, ଅସାଧାରଣ ଦକ୍ଷତାରେ ହାସଲ କଲା ‘ଇଣ୍ଡିଆ ବୁକ ଅଫ ରେକର୍ଡସ’
#କଟକ(ଏନ୍.ଏମ୍.): ସ୍ଥାନୀୟ ଶିଖରପୁର ଅଞ୍ଚଳ ଉପର ସାହି ବାସିନ୍ଦା ତଥା ସିଏମସି ଅବସରପ୍ରାପ୍ତ କର୍ମଚାରୀ ଦୟାନିଧି ପାତ୍ର ଏବଂ ଧର୍ମପତ୍ନୀ ଜ୍ୟୋତ୍ସ୍ନା ପାତ୍ରଙ୍କ ଜ୍ୟେଷ୍ଠ ପୁତ୍ର ପ୍ରଦୀପ୍ତ ପାତ୍ର ଓ କୁଳବଧୂ ଯାଜ୍ଞସେନୀ ପଟ୍ଟନାୟକଙ୍କ ଏକ ମାତ୍ର ଝିଅ ପ୍ରିୟାନ୍ସି ପାତ୍ର (ପିହୁ) ଯାହାର ବୟସ ୨ ବର୍ଷ ୫ ମାସ ଅଟେ । ସେ ଏତେ କମ୍ ବୟସରୁ ଏତେ ଯେ ସୁନାମ ଆଣିଛି ନିଜ ପରିବାର, ନିଜ ଆତ୍ମୀୟ ଏବଂ ନିଜ ଗ୍ରାମ ପାଇଁ ଗୌରବ ଆଣି ପାରିଛି । ସମସ୍ତ ଅଞ୍ଚଳ ସେହି କୁନି ପିଲାଟିର ଅସାଧାରଣ ଦକ୍ଷତା ଦେଖି ଆଶ୍ଚର୍ଯ୍ୟ । ସେହି କୁନି ଝିଅ ପୀହୁ ଆଜି ଭାରତର ଏକ ବଡ ସମ୍ମାନରେ ସମ୍ମାନିତ ହୋଇଛି । ଯେଉଁ ସମ୍ମାନର ନାମ ଅଟେ “ଇଣ୍ଡିଆ ବୁକ୍ ଅଫ୍ ରେକର୍ଡସ୍’ । ଏହି ପ୍ରତିଯୋଗିତାରେ ଭାରତ ବର୍ଷର ବିଭିନ୍ନ ରାଜ୍ୟର କମ୍ ବୟସର ଶିଶୁ ମାନେ ଭାଗ ନେଇଥାନ୍ତି । ଏହି ପ୍ରତିଯୋଗିତାରେ କୁନି ପିଲାଟିକୁ ବିଭିନ୍ନ ପ୍ରଶ୍ନ ପଚରା ଯାଇଥାଏ । ଅତି ଅଳ୍ପ ସମୟ ଭିତରେ କୁନି ପିଲାଟିକୁ ଉତ୍ତର ଦେବାକୁ ପଡିଥାଏ । ଆଉ ଏହି ପ୍ରତିଯୋଗିତାରେ ବିଜୟୀ ହେଲେ କୁନି ପିଲା ଟିକୁ ଏହି ସମ୍ମାନ ପ୍ରଦାନ କରାଯାଏ । ସେହିଭଳି ଆଜି ପିହୁ ପ୍ରତିଯୋଗିତାରେ ବିଜୟୀ ହେବା ସହ ଇଣ୍ଡିଆ ବୁକ ଅଫ ରେକର୍ଡସ ହାସଲ କରିଥିବାରୁ ଉକ୍ତ ଅଞ୍ଚଳରେ କେବଳ ପିହୁ ପରିବାର କାହିଁକି ପଡୋଶୀ ମାନେ ମଧ୍ୟ ବେଶ୍ ଖୁସି ହେବା ସହ ପିହୁର ଉତ୍ତରୋତ୍ତର କାମନା କରିଛନ୍ତି ।