ଅଶାନ୍ତ ହେଉଛି ମାହାଙ୍ଗା ! : ପଥରରେ ଛେଚି ମହିଳାଙ୍କୁ ହତ୍ୟା
ଦେଖନ୍ତୁ ଏହି ଭିଡିଓ….
ମାହାଙ୍ଗା(ଏନ୍.ଏମ୍.): ଅଶାନ୍ତ ହୋଇପଡ଼ିଛି କଟକ ଜିଲ୍ଲାର ମାହାଙ୍ଗା ଅଞ୍ଚଳ । ଦିନକୁ ଦିନ ବଢ଼ିଚାଲିଛି ଅପରାଧର ତାଲିକା । ଆଜି ଜଣେ ମହିଳାଙ୍କୁ ପଡୋଶୀ ନିର୍ମମ ଭାବେ ହତ୍ୟା କରିବା ଘଟଣା ଅଞ୍ଚଳରେ ଚାଞ୍ଚଲ୍ୟ ସୃଷ୍ଟି କରିଛି । ତେବେ ଏ ସଂକ୍ରାନ୍ତରେ ପୁଲିସ ଅଭିଯୁକ୍ତ ଦୁଇଜଣଙ୍କୁ ଅଟକ ରଖି ପଚରାଉଚରା ମଧ୍ୟ ଚଳାଇଥିବା ଜଣାପଡିଛି ।
ଅଭିଯୋଗ ଅନୁଯାୟୀ, ମାହାଙ୍ଗା ଥାନା ନିକଟବର୍ତ୍ତୀ ପଦନଦାସପୁର ଗ୍ରାମରେ ଘଟିଛି ଏଭଳି ଅଭାବନୀୟ ଘଟଣା । ଉକ୍ତ ଗ୍ରାମର ମନୋରମା ସାହୁ(୫୦) ନାମକ ଜଣେ ମହିଳାଙ୍କୁ ପଡୋଶୀ ପଥରରେ ଛେଚି ହତ୍ୟା କରିଛି । ତେବେ ଏ ସଂକ୍ରାନ୍ତରେ ଥାନାରେ ଅଭିଯୋଗ ହେବା ପରେ ପୁଲିସ ଘଟଣାସ୍ଥଳରେ ପହଞ୍ଚି ତଦନ୍ତ କରୁଥିବାବେଳେ ଅଭିଯୁକ୍ତ ଦ୍ୱୟଙ୍କୁ ଉଠାଇ ନେଇଥିବା ଜଣାପଡ଼ିଛି । ହେଲେ ହତ୍ୟାର କାରଣ ଏଯାଏ ସ୍ପଷ୍ଟ ହୋଇନାହିଁ ।