ଅଭିନେତ୍ରୀ ରଚନା ବାନାର୍ଜୀ ଏଥର ଅନୁଭବଙ୍କ ସହ କରିବେ ଦାଦାଗିରି ହୃଦୟରୁ
ଭୁବନେଶ୍ୱର(ଏନ୍.ଏମ୍.): ଅଭିନେତା ଅନୁଭବଙ୍କ ଦାଦାଗିରି ଧିରେ ଧିରେ ଓଡ଼ିଆ ଦର୍ଶକଙ୍କ ହୃଦୟକୁ ଛୁଇଁ ସାରିଲାଣି । ପ୍ରଥମ ଖେଳିଲେ ଓଡିଆର ବିଭିନ୍ନ ସ୍ଥାନରୁ ବଛା ବଛା ଦର୍ଶକ । ତାପରେ ଜୀ ସାର୍ଥକର ଲୋକପ୍ରିୟ ଧାରାବାହିକ “ଝିଲି’ ଓ “ବିଜୟିନୀ’ର ମୁଖ୍ୟ କଳାକାର । ଆଉ ଏଥର ଚିର ପରିଚିତ ଓଡିଶା ବାସୀଙ୍କ ହୃଦୟର ରାଣୀ ଅଭିନେତ୍ରୀ ରଚନା ବାନାର୍ଜି । ନିଜର ସୁପରହିଟ୍ ଫିଲ୍ମ ଓ ଗୀତରେ ଓଡିଶା ଦର୍ଶକଙ୍କ ମନ ମୋହିଛନ୍ତି ରଚନା । “ରାଧା ନାଚିବ ନାଚିବ’ ସହ ଅନେକ ସୁପରହିଟ୍ ଚଳଚ୍ଚିତ୍ର ଗୀତର ତାଳେ ତାଳେ ନାଚିବା ସହ ଓଡିଶାବାସୀଙ୍କ ଭଲ ପାଇବା ଏବେ ବି ସେ ମନେ ରଖୁଛନ୍ତି ବୋଲି ଭାବବିହ୍ୱଳ ହୋଇ କହିଥିଲେ ରଚନା । ରଚନା ବାନାର୍ଜି ଓଡିଶା ଚଳଚ୍ଚିତ୍ର ଜଗତରେ ଚଳଚ୍ଚିତ୍ର “ସାଗର ଗଙ୍ଗା’ ଫିଲ୍ମ ମାଧ୍ୟମରେ ଡେବ୍ୟୁ କରି ୪୦ରୁ ଅଧିକ ସିନେମାରେ ଅଭିନୟ କରି ଓଡିଶାରେ ତାଙ୍କ ଲୋକପ୍ରିୟତାକୁ ବୃଦ୍ଧି କରିଥିଲେ । ଅଭିନେତ୍ରୀ ରଚନା ଅଭିନେତା ଅନୁଭବଙ୍କ ସହ ଚଳଚ୍ଚିତ୍ର “କର୍ତ୍ତବ୍ୟ’, “ନାୟକ ନୁହେଁ ଖଳନାୟକ’, “ଭଲପାଏ ଖାଲି ତୁମକୁ’ରେ ମଧ୍ୟ ଅଭିନୟ କରିଛନ୍ତି । ଜୀ ସାର୍ଥକର ମେଗା ରିୟାଲିଟି ଗେମ୍ ସୋ ଦାଦାଗିରି ସେଟ୍ରେ ଅଭିନେତ୍ରୀ ରଚନା ଓଡିଶା ବାସୀଙ୍କ ଭଲ ପାଇବା, କଳା ସଂସ୍କୃତିକୁ ଭୁୟସୀ ପ୍ରଶଂସା ସହ ଅଭିନୟ କ୍ୟାରିୟରରେ ଓଡିଆ ଫିଲ୍ମ ଇଣ୍ଡଷ୍ଟ୍ରୀର ଅବଦାନ ଅତୁଳନୀୟ ବୋଲି ବର୍ଣ୍ଣନା କରିଥିଲେ । ନୃତ୍ୟ ସହ ଓଡିଆ ଚଳଚ୍ଚିତ୍ରର ସଂଳାପ ଓ ଅଭିନୟ “ଦାଦାଗିରି’ର ସ୍ୱତନ୍ତ୍ର ଅଧ୍ୟାୟର ମୁଖ୍ୟ ଆକର୍ଷଣ ସହ ଅଧ୍ୟାୟଟି ଦର୍ଶକମାନଙ୍କ ହୃଦୟ ଛୁଇଁବ ବୋଲି ଜୀ ସାର୍ଥକର ଚ୍ୟାନେଲ ମୁଖ୍ୟ ଅର୍ଘ୍ୟ ରଏ ଚୌଧୁରୀ ଜଣାଇଛନ୍ତି ।