‘ସେବାହିଁ ସଙ୍ଗଠନ’ରେ କଟକ ନଗର ଜିଲ୍ଲା ବିଜେପି ଯୁବମୋର୍ଚ୍ଚା ପକ୍ଷରୁ ଖାଦ୍ୟ ସାମଗ୍ରୀ ବଣ୍ଟନ
କଟକ (ଏନ୍.ଏମ୍.): କଟକ ନଗର ଜିଲ୍ଲା ବିଜେପି ଯୁବମୋର୍ଚ୍ଚା ପକ୍ଷରୁ ବିଭିନ୍ନ ଜନସେବା ମୂଳକ କାର୍ଯ୍ୟକ୍ରମ ହାତକୁ ନିଆଯାଇଛି । ସେଥି ମଧ୍ୟରୁ ସେବା ହିଁ ସଂଗଠନ ଅନ୍ୟତମ କାର୍ଯ୍ୟକ୍ରମ । ଏହି କାର୍ଯ୍ୟକ୍ରମ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଦ୍ୱିତୀୟ ପାଳିର ଦ୍ୱିତୀୟ ବର୍ଷ ପୂରଣ ହେତୁ କେନ୍ଦ୍ରୀୟ ବିଜେପି ଯୋଜନା ଅନୁସାରେ ଓ ରାଜ୍ୟ ବିଜେପି ନିର୍ଦ୍ଦେଶ କ୍ରମେ ସାରା ରାଜ୍ୟରେ ସେବାହିଁ ସଂଗଠନ କାର୍ଯ୍ୟକ୍ରମ ଜାରି ରହିଛି । ବିଜେପିର ସମସ୍ତ ନେତୃତ୍ୱ ମାନେ ଏହି ବିଭିନ୍ନ ସେବା କାର୍ଯ୍ୟ ପାଳନ କରିଛନ୍ତି । ସେବା ମାଧ୍ୟମରେ ତୃଣମୂଳସ୍ତରରୁ ଜନସାଧାରଣଙ୍କ ହୃଦୟକୁ ଜିତିବା ପାଇଁ ଦଳ ପକ୍ଷରୁ ଏଭଳି ପଦକ୍ଷେପ ହାତକୁ ନିଆଯାଇଛି । ତେବେ କରୋନା ଦ୍ୱିତୀୟ ଲହର ଯୋଗୁଁ ରାଜ୍ୟବ୍ୟାପୀ ସଟ୍ଡାଉନ, ଲକ୍ଡାଉନ ଜାରି ରହିଥିବାବେଳେ ପ୍ରଭାବିତ ହୋଇଥିବା ଗରିବ ଲୋକମାନଙ୍କୁ ଦଳର କର୍ମକର୍ତ୍ତାମାନେ ଶୁଖିଲା ଖାଦ୍ୟ ସାମଗ୍ରୀ ବିତରଣ କରିବା ସହ କରୋନା ମୁକାବିଲା ନିମନ୍ତେ ସଚେତନତା କରାଇଛନ୍ତି ।
କଟକ ନଗର ଜିଲ୍ଲା ବିଜେପି ଯୁବମୋର୍ଚ୍ଚା ସଭାପତି ସତ୍ୟ ବ୍ରତ ମିଶ୍ରଙ୍କ ନେତୃତ୍ୱରେ ବିଜେପିର ଯୁବ କର୍ମୀମାନେ କଟକ ମହାନଗର ନିଗମ ଅନ୍ତର୍ଗତ ବିଭିନ୍ନ ୱାର୍ଡରେ ଶୁଖିଲା ଖାଦ୍ୟ ସାମଗ୍ରୀ ବଣ୍ଟନ କରିଛନ୍ତି । ଏହି କାର୍ଯ୍ୟକ୍ରମ ପାର୍ବତୀ ଚରଣ ଦାସ, ଶ୍ୟାମସୁନ୍ଦର ସାହୁ, ରମେଶ ଚନ୍ଦ୍ର ସାହୁ, ସୁବାସ ସ୍ୱାଇଁ, ରଞ୍ଜନ ବେହେରା, ନାଟରାଜ ଦାସ, ଅକ୍ଷୟ କୁମାର ସାହୁ, ଶୁଭମ ବେହେରା ପ୍ରମୁଖ ଯୋଗଦେଇ ପରିଚାଳନା କରିଥିଲେ ।
