ସାଇକେଲ ଚୋର ଗିରଫ: ୧୬ ସାଇକେଲ ଜବତ
ଚୌଦ୍ୱାର (ଏନ୍.ଏମ୍.): କଟକ ଜିଲ୍ଲାର ଚୌଦ୍ୱାର ଥାନା ରେ ପ୍ରତିଦିନ ମିଳୁଛି ବହୁତ ବଡ ବଡ ସଫଳତା । ଅପରାଧୀଙ୍କ ଦ୍ୱାରା ହେଉଥିବା ଅପରାଧ ସବୁ ବିଫଳ କରାଉଛି । ଚୌଦ୍ୱାର ପୁଲିସ ପଞ୍ଝାରେ ପଡିଛି ଆଉ ଏକ ସାଇକେଲ ଚୋର । ଅଷ୍ଟମୀ ଦିନ ଚୌଦ୍ୱାରର ଜଣେ ସାମ୍ୱାଦିକ କଳିଙ୍ଗ ଛକରେ ଏକ ଦାମୀ ସାଇକେଲ ରଖି ୧୫ ମିନିଟରେ ଫେରିଲା ବେଳକୁ ସାଇକେଲଟି ଚୋରି ହୋଇଥଲା । ଏ ନେଇ ଚୌଦ୍ୱାର ଥାନାରେ ଏକ ଲିଖିତ ଅଭିଯୋଗ କରିଥିଲେ । ତେବେ ଚୋରି ସାଇକେଲ ବିଷୟରେ ଖୋଳତାଡ ଆରମ୍ଭ କରିବା ବେଳକୁ ଆଳୁ ଖୋଳୁ ଖୋଳୁ ମହାଦେବ ନ୍ୟାୟରେ ପୁଲିସକୁ ବଡ଼ ସଫଳତା ମିଳିଥିଲା । ପୁଲିସର ସୂଚନା ଅନୁଯାୟୀ ଚୌଦ୍ୱାର ଅଞ୍ଚଳର ବଡପଦାଗାଁ ଅଞ୍ଚଳର ଜଗନ୍ନାଥ୍ ସାହୁଙ୍କୁ ଧରିବାବେଳେ ତା’ ପାଖରୁ ୧୬ ଟି ସାଇକେଲ ଚୋରା ସାଇକେଲ ଜବତ କରାଯାଇଥିଲା । ଏ ନେଇ ପୁଲିସ କେସ ନମ୍ବର ୪୭୫/୨୨ରେ ଭାରତୀୟ ପିଙ୍ଗଳ କୋର୍ଡ଼ ୩୭୯ ଧାରାରେ ମାମଲା ରୁଜୁ କରିବା ସହ ଅଭିଯୁକ୍ତକୁ କୋର୍ଟ ଚାଲାଣ କରିଛି ।