ଜଗତପୁର କେନାଲ ବନ୍ଧ ରାସ୍ତା ଉପରେ କୁଢକୁଢ ଆବର୍ଜନା
ଜଗତପୁର(ଏନ୍.ଏମ୍.): କଟକ ମହାନଗର ଅନ୍ତର୍ଗତ ୪୮ ନମ୍ବର ୱାର୍ଡ଼ ଭୂବନପୁରସ୍ଥିତ କେନ୍ଦ୍ରାପଡା କେନାଲ ବନ୍ଧ ରାସ୍ତା ଉପରେ କୁଢ କୁଢ ଅଳିଆ ଆବର୍ଜନା ଗଦା ହୋଇଥିବା ଦେଖିବାକୁ ମିଳିଛି । ଏହି ୱାର୍ଡଟିକୁ ବର୍ଷାଦିନ ପୂର୍ବରୁ ଡ୍ରେନ ସଫା, ଅଳିଆ ଆବର୍ଜନା ଉଠାଇବା, ରାସ୍ତା କଡରୁ ଅନାବନା ଗଛ ଲତା କଟା ଯିବା ଓ ରାସ୍ତାଘାଟ ସଫା କରାଯିବା ଭଳି କାମ ଗୁଡିକୁ ଶିଘ୍ର କରାଯିବା ପାଇଁ ସିଏମସି ପକ୍ଷରୁ ଅଧିକ ୫ ଜଣ କୁଲି ନିୟୋଜିତ କରାଯାଇଛି । ଏହି ୱାର୍ଡର ଭୂବନପୁର ଗ୍ରାମ ନିକଟ ଦେଇ ଯାଇଥିବା କେନାଲ ବନ୍ଧ ରାସ୍ତା ଉପରେ ଏକ ଡଷ୍ଟପିନ ରଖାଯାଇ ତା’ ଭିତରେ ସାହି ବସ୍ତିର ଆବର୍ଜନା ଭର୍ତ୍ତି କରାଯାଉଛି । ଫଳରେ ରାସ୍ତା କଡରେ କୁଢ କୁଢ ଆର୍ବଜନା ଗଦା ହେଇଥିବା ଦେଖିବାକୁ ମିଳିଛି । ଏହିଥିରୁ ସ୍ପଷ୍ଟ ବାରି ହେଉଛି ଯେ, ଏହି ୱାର୍ଡରେ କିପରି ଭାବରେ ରାସ୍ତା ଘାଟରୁ ଅଳିଆ ଆବର୍ଜନା ସଫା କରାଯାଉଛି । ସେହିପରି ଆଇ.ବି ରୋଡ ସ୍ଥିତ ଫକିରପୁର ମହ୍ଲା ସାହି ବନ୍ଧ ଗଡାରେ ଦୁଇ ଦିନ ପୂର୍ବରୁ ସଂନ୍ଧ୍ୟା ସମୟରେ ଦେଖିବାକୁ ମିଳିଥିଲା । ଦୁଇ ଗୋଟି ଡଷ୍ଟପିନରେ ଅଳିଆ ଆର୍ବଜନା ବୋଝେଇ ହୋଇ ରାସ୍ତା ଉପରେ କୁଢ କୁଢ ଅଳିଆ ଆର୍ବଜନା ଗଦା ହୋଇଛି । ତେଣୁ ଜଗତପୁର ଅଞ୍ଚଳର ସାହି ବାସିନ୍ଦାଙ୍କ ପକ୍ଷରୁ ରାସ୍ତା ଘାଟରୁ ତୁରନ୍ତ ଏହି ଅଳିଆ ଆର୍ବଜନାଗୁଡିକୁ ଉଠାଯିବା ପାଇଁ ଦାବି ହେଉଛି ।