ଅକ୍ଷୟ ପାତ୍ର ଫାଉଣ୍ଡେସନ ପକ୍ଷରୁ ଜଗତପୁର ୪୮ନଂ ୱାର୍ଡ ରେ ରାସନ ସାମଗ୍ରୀ ବଣ୍ଟନ
ଜଗତପୁର( ଏନ୍.ଏମ୍.): କଟକ ମହାନଗର ନିଗମ ୪୮ନଂ ୱାର୍ଡର କିଛି ଗରିବ ଅସହାୟ ପରିବାରଙ୍କୁ “ଅକ୍ଷୟ ପାତ୍ର ଫାଉଣ୍ଡେସନ ” ପକ୍ଷରୁ “ଜଗତପୁର ଆଞ୍ଚଳିକ ସାମାଜିକ ସଂଗଠନ” ସହଯୋଗରେ ସିଏମସି ୱାର୍ଡ ଅଫିସ ଠାରେ ରାସନ ସାମଗ୍ରୀ ପ୍ୟାକେଟ ବଣ୍ଟନ କରାଯାଇଥିଲା ।ଅକ୍ଷୟ ପାତ୍ର ଫାଉଣ୍ଡେସନ ୪୮ ନଂ ୱାର୍ଡ ରେ ସମୁଦାୟ ୭୦୦ରୁ ଉର୍ଦ୍ଧ୍ବ ରାସନ ପ୍ୟାକେଟ ବଣ୍ଟନ କରିଥିବାବେଳେ ,ଏପରି ମହତ କାର୍ଯ୍ୟ ପାଇଁ ଅଞ୍ଚଳବାସୀ ସାଧୁବାଦ ଜଣେଇଛନ୍ତି ।ଏହି କାର୍ଯ୍ୟକ୍ରମକୁ ପୂର୍ବତନ କର୍ପୋରେଟର ନୀରୋଦ ଚନ୍ଦ୍ର ପଣ୍ଡା ପରିଚାଳନା କରିଥିବା ବେଳେ ,”ଜଗତପୁର ଆଞ୍ଚଳିକ ସାମାଜିକ ସଂଗଠନ”ର ସଭାପତି ହରିହର ପଣ୍ଡା,ଯୁବ ନେତା ମାନସ ପରିଡା,ବିଦ୍ୟୁତ ଉପଭୋକ୍ତା ସଙ୍ଘ ସଭାପତି ତୀର୍ଥାନନ୍ଦ ପଣ୍ଡା, ପାରାଲିଗାଲ ଭଲ୍ୟୁଣ୍ଟର (ପିଏଲଭି) ଲୋକନାଥ ଶତପଥୀ, ଶିଳ୍ପଦ୍ୟୋଗୀ ରମେଶ ଶରଣ, ସ୍ବେଚ୍ଛାସେବୀ ରଶ୍ମୀକାନ୍ତ ସାମଲ, ଇତିଶ ପଣ୍ଡା,ଯୁବ ସଂଗଠକ ସନ୍ତୋଷ ଶୁକ୍ଳ,ଚିତ୍ତରଞ୍ଜନ ମହାନ୍ତି,ଦୀପକ ଶୁକ୍ଳ,ବିରଞ୍ଚି ସାମଲ,ଲଷ୍ମୀଧର ଶୁକ୍ଳ,ଙ୍କ ସମେତ ବସ୍ତି ପକ୍ଷରୁ ପି.ଆନନ୍ଦ ରାଓ,ରଥ ନାୟକ,ବନ୍ଦିତା ଦାସ,ବାବୁଲା ସାମଲ,ସବିତା ନାୟକ ପ୍ରମୁଖ ବଣ୍ଟନ କାର୍ଯ୍ୟରେ ସହଯୋଗ କରିଥିଲେ ।