ଭୁବନେଶ୍ୱରରୁ ବାଲେଶ୍ୱର ଯାଉଥିବା ବସ କଟକ ଗୋପାଳପୁର ନିକଟରେ ଦୁର୍ଘଟଣାଗ୍ରସ୍ତ
#କଟକ(ଏନ୍.ଏମ୍.): ୧୬ ନମ୍ବର ଜାତୀୟ ରାଜପଥ ବାଲିକୁଦା ନିକଟରେ ମର୍ମନ୍ତୁଦ ସଡକ ଦୁର୍ଘଟଣା ଘଟିଛି । ଚନ୍ଦନ ନାମକ ଯାତ୍ରୀବାହୀ ବସ ଭୁବନେଶ୍ୱରରୁ ବାଲେଶ୍ୱର ଅଭିମୁଖେ ଯାତ୍ରା କରିବା ସମୟରେ ସ୍ଥାନୀୟ କଟକ ବାଲିକୁଦା ନିକଟରେ ହଠାତ ଓଲଟି ପଡ଼ିବାରୁ ଏହି ଦୁର୍ଘଟଣା ଘଟିଛି । ସୂଚନା ଅନୁଯାୟୀ ସଂଧ୍ୟା ପ୍ରାୟ ୭ଟା ସମୟରେ ଓଆର ୦୫ ଏଜେ ୭୪୫୫ ନମ୍ବର ବିଶିଷ୍ଟ ଚନ୍ଦନ ନାମକ ବସଟି ଭୁବନେଶ୍ୱରରୁ ଯାତ୍ରୀମାନଙ୍କୁ ନେଇ ବାଲେଶ୍ୱର ଅଭିମୁଖେ ଯାତ୍ରା କରୁଥିଲା । ତେବେ ସ୍ଥାନୀୟ ଗୋପାଳପୁର ଛକ ନିକଟରେ ହଠାତ ବସଟି ଭାରସ୍ୟାମ ହରାଇ ଓଲଟି ପଡ଼ିବା ଯୋଗୁଁ ଏହି ଦୁର୍ଘଟଣାଟି ଘଟିଛି । ତେବେ ଦୁର୍ଘଟଣା ଯୋଗୁଁ ବହୁ ଲୋକ ଆହତ ହୋଇଥିବାବେଳେ ଜଣେ ବ୍ୟକ୍ତିଙ୍କ ମୃତ୍ୟୁ ହୋଇଥିବା ଜଣାପଡ଼ିଛି । ତେବେ ମୃତାହତଙ୍କ ସ୍ପଷ୍ଟ ଠିକଣା ଜଣାପଡ଼ି ନାହିଁ । ଘଟଣାସ୍ଥଳରେ ସ୍ଥାନୀୟ ପୁଲିସ, ଅଗ୍ନିଶମ ବାହିନୀ ଏବଂ ସ୍ଥାନୀୟ ଲୋକଙ୍କ ମିଳିତ ଉଦ୍ୟମରେ ଉଦ୍ଧାର କାର୍ଯ୍ୟ ଜାରି ରହିଛି । ଆମ୍ବୁଲାନ୍ସ ଯୋଗେ ଆହତ ଲୋକଙ୍କୁ କଟକ ବଡ଼ମେଡ଼ିକାଲରେ ଭର୍ତ୍ତି କରାଯାଇଛି ।