ନିମପୁର ଉଚ୍ଚ ବିଦ୍ୟାଳୟ ୨୦୦୬ ମସିହା ଛାତ୍ର ଛାତ୍ରୀଙ୍କର ବନ୍ଧୁ ମିଳନ
କଟକ(ଏନ୍.ଏମ୍.): ସ୍ଥାନୀୟ ଜଗତପୁରସ୍ଥିତ ନିମପୁର ଉଚ୍ଚ ବିଦ୍ୟାଳୟର ୨୦୦୬ ମସିହା ଦଶମ ଶ୍ରେଣୀ ଛାତ୍ରଛାତ୍ରୀମାନେ ଜଗତପୁର ଆଇବି ରୋଡରେ ଥିବା ଜେମାମଣି ମଣ୍ଡପରେ ଏକ ବନ୍ଧୁ ମିଳନ କାର୍ଯ୍ୟକ୍ରମ ଅନୁଷ୍ଟିତ ହୋଇଯାଇଛି । ଏହି କାର୍ଯ୍ୟକ୍ରମରେ ବିଦ୍ୟାଳୟର ପୂର୍ବତନ ଛାତ୍ର ଛାତ୍ରୀ ମାନେ ଯୋଗ ଦେଇଥିବା ବେଳେ ବିଦ୍ୟାଳୟର ସଂସ୍କୃତ ଶିକ୍ଷୟତ୍ରୀ ବିନତୀ ପାଣି ଛାତ୍ରଛାତ୍ରୀମାନଙ୍କ ସହ ଏହି ବନ୍ଧୁ ମିଳନ କାର୍ଯ୍ୟକ୍ରମରେ ସାମିଲ ହୋଇଥିଲେ । ୨୦୦୬ ମସିହା ଛାତ୍ରଛାତ୍ରୀମାନେ ସ୍କୁଲ ଜିବନର ଅଭୁଲା ସ୍ମୁତିକୁ ମନେ ପକାଇ ନିଜ ନିଜ ଭିତରେ ବାର୍ତ୍ତାଳପ କରିଥିଲେ । ବିଦ୍ୟାଳୟର ସମସ୍ତ ଛାତ୍ରଛାତ୍ରୀମାନେ ବିଦ୍ୟାଳୟର ଶିକ୍ଷକ ଶିକ୍ଷୟତ୍ରୀ ମାନଙ୍କୁ ବହୁତ ମନେ ପକାଇଥିଲେ । ବିଦ୍ୟାଳୟର ଉନ୍ନତି ନିମନ୍ତେ ପୂର୍ବତନ ଛାତ୍ର ଛାତ୍ରୀ ଶିକ୍ଷକ ଓ ଶିକ୍ଷୟତ୍ରୀମାନଙ୍କୁ ସାଥିରେ ନେଇ ପ୍ରଶାସନର ଦୃଷ୍ଟି ଆର୍କଷଣ କରିବା ପଇଁ ବୈଠକରେ ନିଷ୍ପତି ହୋଇଥିଲା । ବିଦ୍ୟାଳୟର କୃତି ଛାତ୍ର ଛତ୍ରୀମାନଙ୍କୁ ସମ୍ବର୍ଦ୍ଧିତ କରାଯିବା ସହିତ ଶିକ୍ଷକମାନଙ୍କୁ ସମ୍ବର୍ଦ୍ଧନା କରିବା ପାଇଁ ବୈଠକରେ ଆଲୋଚନା କରାଯାଇଥିଲା ।